အံ့သြစရာကောင်းလှစွာ ဧကရဲ့ မျက်လုံးအကြည့်တွေက မထီမဲ့မြင်ဟန်တွေ ကင်းမဲ့လျက် ။ တောင်းပန်ခြင်းများနှင့် မုတ်သုံတစ်ခါမှ မမြင်ခဲ့ဖူးတဲ့ နူးညံ့ခြင်းများ ။
သေချာသည် ။ မုတ်သုံ ဧက ကို နည်းလမ်းနောက်တစ်မျိုးနဲ့ စိတ်ဒုက္ခပေးဖို့ ကြိုးစားနေတာ ။ ပြိုလဲလွယ်သည့် မုတ်သုံ ၊ ဧကကိုဆိုလျှင် နည်းနည်းလေးမှ မလွန်ဆန်နိုင်တဲ့ မုတ်သုံကို ဧက အရုပ်တစ်ရုပ်လို ကစားဖို့ ကြိုးစားနေတာ ။
မုတ်သုံ အရမ်းတွေ စိတ်ရှုပ်နေပြီ ။ မုတ်သုံကို မရင့်ကျက်ဘူးဟု ထင်ချင်ထင်ပါစေ ။ ဧကလိုမျိုး ဘာဆိုဘာမှမဖြစ်ခဲ့သလို ဟန်ဆောင်နိုင်စွမ်းမရှိပါ ။ ဧက ဒီလိုမျိုး မုတ်သုံကို ဆက်ဆံနေခြင်းသည် မုတ်သုံကို မလေးမစားဆက်ဆံနေခြင်း၊ မထီမဲ့မြင်ဆက်ဆံနေခြင်းဟုပင် မုတ်သုံ တွေးထင်သည်။
မုတ်သုံက ဧက လိုသလို ကစားနိုင်တဲ့ ကစားစရာ အရုပ်တစ်ရုပ်မဟုတ်ပါ ။ မုတ်သုံရဲ့ နှလုံးသားနဲ့ အချစ်မှာ အတိုင်းအတာမရှိပေမယ့် မာနနဲ့ဂုဏ်သိက္ခာတော့ ရှိပါသည်။ မည်သည့်အချိန်တွင် ရပ်တန့်ရမည်ကို ကောင်းကောင်းသိပါသည်။
မုတ်သုံ ဧကကို အခုအချိန်တွင် မျက်နှာတောင် ကြည့်ချင်စိတ်ရှိမနေပါ ။ မကြည့်မိအောင် မတွေးမိအောင် ကြိုးစားနေပါသည်။
ဧက အကြောင်းတွေးလိုက်မိတာနှင့် ပြန်လည် ယိမ်းယိုင်သွားမှာကို မုတ်သုံ ကိုယ့်ကိုယ်ကို သိနေသဖြင့် ဝေးနိုင်သမျှ ဝေးအောင် နေဖို့ ကြိုးစားနေမိတာ ။
ချောက်ကမ်းပါးတွင် ရပ်နေပါသည်ဆိုမှ ဧက က တွန်းချဖို့ ကြိုးစားနေတာ ။
'' ကဲ တက်ကွာ နေမြင့်လာရင် မကောင်းဘူးကွ''
ဧက က ပြောလည်းပြော သူ၏ဆိုင်ကယ်ပေါ်ကို တက်ကာ သော့ဖွင့် စက်နှိုးနေသည်။ ထို့နောက် မုတ်သုံကို ပြန်ကြည့်သည်။
'' တက်လေကွာ မင်း ထွက်ပြေးလို့လည်းမရဘူး မင်းသွားတဲ့နောက် ငါတကောက်ကောက်လိုက်နေမှာ ''
ဧက ပြောတဲ့အတိုင်း တကယ်လုပ်တတ်သူဆိုတာ မုတ်သုံ သိပါသည်။
YOU ARE READING
မျက်တော်ပြေ
RomanceWattpad Author ေတြရဲ႕ Collabration ျဖစ္တဲ့ Seven Petals ဆိုတဲ့ စာအုပ္ထဲမွာပါတဲ့ ညေမႊးရဲ႕ ဇာတ္လမ္းပါ ။ Wattpad Author တွေရဲ့ Collabration ဖြစ်တဲ့ Seven Petals ဆိုတဲ့ စာအုပ်ထဲမှာပါတဲ့ ညမွှေးရဲ့ ဇာတ်လမ်းပါ ။ Cover by - Ei Khaing Mon
Chapter ( 3 )
Start from the beginning