ريان رجعت الشقة ورجعت معاها ميار ولمو هدوم ريان وريان كلمت ناني و ادتها مرتبا☺☺
وكلمت السواق انو بعد يوصلا هي وميار تاني ما يجيها الا هي تتصل ليهووو في بيت ناس ميار
في الشارع يوسف اتصل عليها وسألا من اخبارا م حبت تتكلم معاو فترة عشان هم في العربية وكدا
ريان مشت وهي ما عارفة انو كل حياتها حتتغير في بيت ميار😊😊
وصلو البيت وسلمو علي ام ميار وابوها لسه م كان من الشغل ويوسف في المعرض
اول من وصلو وغيروو نااامو صحو المسا ريان قالت لي ميار :ميوو انا جعانة 😊
ميار : انا كمان
ريان :نفسي في اندومي
ميار :طيب بمشي اجيبا واجي طلعت ميار
فجاءة باب الغرفة فتح ...شافا
قاعدة في الارض ومربعة رجلينا ومضفرة شعرا ضفيرة وحدة وخاتا المراجع قداما ولابسة بيجامة لونا سماوي الكلام الكان جاي يقولو لي اختو طار لم شاف الملاك القاعد في الارض قدامو حس دقات قلبو ما طبيعية حس بشعور غريب بحسو لم يسمع صوت ريان
ريان ولسه عينا في المرجع قالت ببحتها الحلوة : ماشاء الله ميوووو متين بالسرعة دي جبتي الاندومي وجيتي يلا امشي سويها انا جعاااااانة ☺☺
قالت كلمتا دي ورفعت راسا القلم الماساكهو في يدا وقع وحست بقلبها حيطلع من قفصا الصدري😮😮
بينو وبين نفسو :نفس البحة يا يوسف نففففسها بحة صوت ريان
بقت عيونهم معلقة ببعض ولا واحد فيهم حاسي بروحوو
يوسف استوعب ورجع ليو عقلو طوالي لف ورجع وطلع من الغرفة و ما قال ولا كلمة
بعد طلع لنا يدووووب استوعبت انو واقف قريب دقيقة وبيعاينو لبعض وهي لابسة بيجامة نوم
ريان استغربت دا منوو والجابو شنو وليه حست الاحساس دا واتزكرت انها حستو لم الولد قرب يطقشا بالعربية ووبتحس بنفس الاحساس دا لم تتتكلم مع وائل...
جات ميار داخلة لقت ريان متنحة في الباب ومن ريحة العطر المنتشر في الغرفة عرفت انو يوسف كان في الغرفة 😍😍
ميار : ريان
ريان :....
ميار :ريااااان
ريان :......
ميار ضربتا :رياااااان
ريان:بسم الله في شنو مالك بتصرخي؟
ميار :لي ساعة بناديك سارحة وين
ريان :دا منو الجا داخل قبل شوية دا
ميار بخباثة : يووسف
ريان وقلبها وصل رجليها :يوووسف؟!!!
ميار :اي يوسف اخوي
ريان سكتت وحاولت تغير الموضوع قالت لميار : وين الاكل ؟
ميار : هسي بجييا وطلعت تاني
ريان قعدت تفكر بالزول الدخل الغرفة فجاءة دا
وسرحت معقولة يكون اللي في بالها صح؟
يوسف بعد رجع غرفتو
خاتي يدو في قلبو وبقول بصوت عالي : معقول حبيتا لدرجة بقيت اتخيلا معقول يا يوسف ؟؟ طيب دي منو اللي في غرفة ميار دي وليه قلبي دق لم شفتها
ودار في راسو مية سؤال
قرر انو يتصل علي ريان عشان يسمع صوتا وما ينشغل بالبت اللي في الغرفة الجمبووو ورفع تلفونو واتصل
ريان لم شافت رقمو تاني دقات قلبها زادت واتخيلت صورة الزول الجا داخل الغرفة بالغلط قبل شوية
درت ع يوسف : الوووو وكان ظاهر من صوتا انها متوترة 😣😣
يوسف وحس بدقات قلبو ما طبيعيه ابدا
نفس البحة ونفس الصوت قال :رياان
ريان وتوترا زايد : هااا
يوسف ساكت مسافة بعدين قال ليها :كيفك ؟
ريان وخلاااص اعصابا تلفت : همممم تمام
وحبت تكسر التوتر الحاصل قالت ليو : بس جعانة قاعدة في بيت صحبتي والمفروض انها تجيب لي اكل ولسه ما جات
يوسف وخلاص اتاكد انو اللي في الغرفة الجمبو دي ياها ريان قال ليها : طيب اطلعي شوفيها 😊
ريان : صح والله استني اطلع
وقفت وفتحت باب الغرفة ويوسل من غرفتو سمع انو صوت باب ميار فتحت الباب ووقفت عشان تشوف ميار من فوق ولسه التلفون قي اضانا
يوسف سألا : طلعتي ؟
ريان وهي لسه بي بجامتا : اي
يوسف فتح باب غرفتو ووقف قدام ريان وهو لسه ماسك التلفون قال ليها : اها ميار جابت الاندومي؟؟!!
وبقو واقفين وش لوش والاتنين ماسكيت تلفوناتهم والخط فاتح .....
لنا لقاء😘
