بنقلة حُوشنا

البداية~..

👑 بسـمہ الـلهہ الـرحـمـنہ الـرحيـم 👑
.
.
~
منشن لأصدقائگ باش يقروها معآگ 👫💛..
__________
#الحلقهہ_الاولى 🎶🐸
#بـنقـلةة_حـوشـنــآآ
للكاتبة
#Søñã🐸🚬
#بقلمي🌚🎷
* * * * * * * * * *
~
انا : تف تفتوف تفاتيفو 🐸💦، جعنك ماقعدت مليون غيرك يتماني "وسكرت ف وجهه"
جوري : ههههه حسيتگ تحمستي بزيادة😂
انا "ضحگت" : يستااهل ولد 60 كلب اهوا ؛ لا شن قال "ونقلد ف صوته" : خالي وهوا ع فراش الموت وصاني نتزوج بنته وتوة لازم نخطبها مامي اصرت عليا باش انفد وصيت خالي ،،،، دارلي الاسطوانةة المخبشةة هاديكاا يحسابني مش حافظتها وقال شو "مامي"🌚
جوري : طيح سعده لقامةة ع راسه قال "مامي" طاحت الرجولةة ف الوادي 🐸، وانتي ياام راس كاسح غر امتى بتعقلي بس
انا "شبحتلها ع الجنب" : نستنى ف حضرت جنابك تعقلي😒
جوري "ضربتني" : برري ياوسخةة شن قصدك
انا : "شاده ضحكتي" : قصدي كل خير 😌
.....
.....
.....
.....
ماما "تنادي من لوطة" : نصصصيييييييببببب ياامصييبببةةة
اناا : اهو بدت تأدن 🐸
جزري : مسكينةة صوتها انبح ، انزليلها 😂
انا : هادا هوا ماه اني البنقلةة متعكم 😏
ماما "بصوت عالي" : ياااااحيووواااانةةة اناااااديي فييك
"لميت روحي حفاظا ع ماتبقى من ماء وجهي 🌚 ونزلتلها ، هيا كانت ف المطبخ ، مشيتلها"
.
.
انا : خيرك ياعيون الحيوانةة شن فيه
ماما : توة هادو خيرهم قاعدات "وتأشر ل الماعين متاعات الغدي"
انا "مع رمشت عيون بريئة" : نسيتهم 😇
ماما : طيح سعدك وخلاص ، يااحظي من بين هالبنات المسقمات جيتيني أنتي😡
انا : اصلا انتو مش مقدرين النعمةة اللي عندگم 😈؛ اخخ يااربي طيحني ف واحد عند فلووس وشركات و عضلااات ولحيةة اخخ وخلاص😍 يعوضني ع السنين اللي راحو هباء منثورا 😒
ماما "ضربتني ب المغرفةة اللي كانت ف يدها" : مصح وجهگ شن ناقصك يافرخه ، الخير موجود ، وتحشمي قدامي ع الاقل😒
انا "شديتلها شدوقها" : نااعلياا من المكشر اناا ، نبصر ياروح البنقلةة انتي 😂
ماما "ضحگت" : تحسابي روحك بتضحكي عليا بهالكلمتين السماح ، ت فززززي اغسلي الماعين😈
انا "وطرمت شورابي زي البيبي" : انباااه😬
.
.
"..مع حركةة تسطريبةة ، بديت ف هالماعين 🐸🚬، واني هاايمه و نفكر ف مواصفات فاارس احلامي الأسطوري ، ع الحصان الاسود ، وعضلااته زي البالونات ، عيونةة السود و لحيتةة المرسومه السوداء ، وشعره الاسود كظلام حياتي😍 ، ع سيرة ظلام حيااتي ؛ شكلي سرحت بعيد زيادة عن اللزوم ، اصلا اني مايجيني غر السوداني وخوه ، اخخ ياحظي المتفترش وخلآص ......
وبعد الطريحةة اللي كليتها ف الماعين ،والمطبخ ، واااخيرااا گملت ، قعمزت ع الطاولةة واني نتأمل ف جمال الحوض الفاضي بدون الماعين ،
الحكايةة الجميلةة ناقصها طاسة قهوة باش نكمل ..
ونعطيك هاديكا التنقيزة اللي تجيبني طايحة ع وجهي ؛ للاسف للحظةة نحساب روحي باتمان بس ماصار شي🌚💔 ..
.
.
~
انا : اووووه عليااااا
"خشت عليا جوري "
جوري : خييرك هبلتي ياابت😨 ؟؟؟ منبطحةة ع وجهگ ف نص المطبخ ، شن تمسحي فالارضيةة امالا ؟؟
انا "قعمزت وربعت" : وووك علياا ضهري تكسر
جوري : نووضي فززي بلا دلع ، مازال الحمام "حاشاكم" يبي تسييق
انا : يااوسخةة وربي كان ماتتنطري ع وجهي يجيك الشبشب ف نص جبهتك ، الحماام علييك انتي
جوري "حكت راسها بإستغباء" : اهاا معاك حق🐸
انا : هادا هوا ماه اصلا تحسابوني البنقلةة متاعكم الله غاالب
جوري : حي علمااا نسيتيتي علاش جيتك من الاساس اني
انا : هاا شن تبي ؟
جوري : اووف نسيت نسيت "وطلعت"
انا "نكلم ف روحي" : خيرها البنت اهيا مرات نحس فيها ملبوسةة 🚬، اووه علياا تخايلو حق تطلع ملبوسةة👻 ،،،، خلي انوض خيرلي من هالدردني الزايد ..
.
.
.
,
✨
خلي نعرفكم بشخصيآت روآيتنا 😁..
____
آنا .. إسمي نصيِـب او "مصيبه" ، يعني ف العاده هكي يقولولي ، ومرات البنقلةة🐸 حسب الجو ؛ مواليد 95 طبعا خاشه قبل عمري ب سنتين .. كيف تخرجت من كليةة الهندسةة تخصص هندسة معمارية ، من يوم طلعت ع هالدنيا واني هبلةة وضاربتها إيزي ونحب الأجواء الجنونية ، وجريئة لدرجات متقدمه ، كنت ناكل ف الخبط ع كل عملةة ومستحيل نطلع من المصيبةة سالمة ، وتحسابوني نجعف ولا نقول خلاص 😌؟ ، لا نعاود من اكبر منها واني وضميري الضائع مستريحين😁 ، اما بالنسبه للحالة الإجتماعية ف أني وبكل فخر "عانز" بس عادي جوي جميل ؛ كل مانكسد نكلم شي واحد ؛ ماه اصلا زي ماقلتلكم عايشة حياتي 🌚؛ ومواصفاتي ..
"عيوني سود وكبار ، حواجبي حلوات وكثيفات "طبيعيات" ، ورموشي يههبلو طوال وكثيفات ، بييضة زي الحليب ، وشعري اسود طوويل ل ركابي ونااااعم ، من كنت نقرا سنة اولى معاش قصيته ، فمي صغير وزهري وشواربي منفوخات وحلووآت ، خشمي حلو وواقف ، غمازاتي اللي ينحفرو حفر مجرد ابتسامة صغيره 😍 "
كنت حلووة من غير شكر ف نفسي ؛ بس كنت حلوة بدون حظ 🐸🚬..
يكفي اني الأخت الكبيره🌚 ..
أوشي .. قطوستي ، نااعلياا نمووت فيها ، ام عيون خضر وزغنطوطه تههبل كان تلقي تاكليها ، وللاسف ماما تكرهها ..
.
.
.
.
~
جوري .. اختي الصغيرة ،، مواليد 97 تقرا طب أسنان ، ف السيمستر ال5 ، جوها حلو🐸 ..
حتى هيا زيني هبلةة بس لحدود ، ماما عافيتها عن الاعمال المنزلية قاال شو "بنيتي تقرا مانبيش نتعبها" بااه والبنقلةة التانية خيرها🌚 ؟ شن ناقصها ؟
عانس والجو جميل😇 ، مواصفاتها ..
"عيونها متوسطات لونهم عسلي مائل للخضارة ، شعرها بني فاتح ونقشها يميل للأشقر ، وبيضة👑🍃"
علاقةة هيا وولد عمي "عمر" من سنتين ! ..
.
.
.
.
~
احمد .. خوي الكبير ، وااعر ناار الله الموقده 🔥، هوا يكرهني واني نكرهه "الحمد لله شعور متبادل😒" ، قادر ع الكل ف العيلة إلا بابا واني ، طبعآ لانه لساني طويل مش قادر عليا 😜، اما خوتي الولاد ف ديما ضاربينه ف الساس وفايتينه باش مايكبروش المشاكل ، متزوج ومرته اسمها "ندى" سم ولفعه من تحت اللتحت 🐍، مش عارفةة تحسوها معاقةة ولا عندها شعور ب النقص ، بس اللي نعرفه انها تبي مستشفى الرويعي 😂، ع العموم مريضة نفسية ومااضنيش ينفع فيها العلاج ، هوا مواليد 85 ، وهيا 90 ، عندهم بنوته ووليد
، بنت اسمها "رفيف" الفرخة تههبل مش كيف امها ، عسل طالعه ل عمتها يآ كبدي 😌 ، عمرها 3 سنين ، وولد اسمه "علي" ع إسم بابا .. صغير عمره 3 شهور ، طبعا يسكنو فوقنا...
.
.
.
.
~
هيثم .. خوي التاني ، مواليد 87 ، دكتور جراح ، خاطب وخطيبته اسمها "سارة" عرسهم مازال مش محددينه بس لين يكمل هيثم حوشه ، حنون بس عصبي ومتشدد شويه ، حياته اغلبها ف المستشفى ، لانه "جراح مشهور" وف أي وقت يمكن يتصلو بيه ، امى حوشه ف هوا يبني بروحه ع عكس احمد ، وبالنسبةة ل جماله ف هوا "حلو" يكفي عنده عضلات ولحيةة😍💔 ..
"وسعولي شويةة بنبكي😭"
.
.
.
.
~
قيس .. هادا الحب كله ، مواليد 89 ، نفسه نفسي ، عايش الحياه وضارب الحب ف الساس 🐸، مهندس مدني ، جوه جميل ، اني وياه اقرب من اخ واخته ، نعتبر قيه صديقي ، ونقشه ع الأسود ، عضلات وجو 😍💔 ، بس اغلب وقته مع صحابه زردات وحرگات ، ومش مدور الزواج وغيره ..
.
.
.
.
~
علي "بابا" ، حبيبي وقلبي وحياتي وسندي ودنيتي كلها😍 ، عمره "59" سنة يخدم مهندس مع عمي ف الشركة ..
إلهام "ماما" ، حبيبتي هادي ، بالرغم من كل شي بس نموت فيها ومانتحمل فيها شي🐸💖 ؛ عمرها "55" سنة بس تحسيها اصغر من عمرها ، وضعها مش تمام يعني السكر متعبها والضغط زايد عليها ..
____
طبعا خلي نوضحلكم الرؤيه 👀..
جدي من قبل كان عنده شركةة صغيره، ولمى توفى ورثوها بابا وعمي .. وولو شركاء فيها وكبروها مع بعض 👑 ..
اما عميمه ف نصيبها كان وحده من المزارع الكبار وخدتها ..
أما باقي الاراضي ف انقسمت بينا وبين حوش عمي ..
عندي عمه وحده وعم وآحد ..
____
عمي اسمه "سالم" مرته اسمها "فتحيه" 🍃..
عندهم ||••
رتاج .. عمرها"26" سنة ، عرسها مازال عليه اسبوعين بس وكل شي واتي ليه ، تمووت ف شي اسمه مؤيد "خطيبها" .. //
عمر .. عمره "28" سنة . عازب و مهندس مدني ، يخدم ف الشركةة ، حبيب الحماره اختي ، وطررف عضلات ولحيةة ، ويعشق شي اسمه جوري ! .. //
____
عميمه اسمها "سالمه" راجلها اسمه "عبد الله"🍃
عندهم ||••
اسماء .. عمرها "29" سنة متزوجةة وعندها بنوته ووليد ..//
معاد .. عمره "35" سنة متزوج جديد ومرته اسمها "بلقيس" حامل ..//
رتال .. عمرها "23" سنة نديدتي ، مخطوبةة وخطيبها اسمه "معتز" جوها حلو ..//
ياسمين .. عمرها "20" سنة ، تقرا مع جوري ، طب أسنان ، عزباء ..//
.
.
.
.
~
حالتنا المادية الحمد لله متوفرلنا كل شي 👀🍃 ..
اما حناي وجدي ف متوفيين ، لييهم زمااان💔 ..
طبعا عميمه هيا الكبيرة ، بعدها بابا وبعده عمي ..
عندنا خال واحد واكبر من ماما اسمه "علي" ومرته "حنان" عندهم بنت وحده وباااااارده نكرهها ف الدم اسمها "دنيا" رزينة هالمخلوقة ، ادررهلي ف كبدي ، اصغر مني ب سنة ! ، طبعا لانها بنت وحده مدللعة زيادة عن اللزوم ، تمووت ف حاجة اسمها قيس بس الحمد لله هوا مش عاطيها وجهه ، ع فكره هيا زي لصقةة الكولا ؛ ولاصقةة ف قيس لصقةة غبرة ..
وحناي اسمها "رجعه" ، طبعا ماتعرفوهاش هالعزوزة كيف ؟! ، مرات نحسها بنت اصغر مني ومرات نحسها قريب بتموت يعني حسب جوها وحسب المصلحةة ، عمرها 78 سنه ، مشاء الله قاعده تقاوم ، هيا كل مره عند حد ، يأما عندنا او عند خالي بس حالياً عند خالي ..