كي لحقو لاصال سلمت على لعروسة تعنا كانت بززاااف شابة الله يبارك و طايحة حشامة لاول مرة ضحكتني هذ الهم...
كانت معاها يماها و بنت خالتها لي حاتصدرها معايا... . سلمت عليهم و دخلنا لبسنا لاغوب لولة... و بدينا نصدرو فيها وراتلي بنت خالتها وش ندير يعني مشي حاجة كبيرة نمشوها و نلبسولها....
جاز الوقت مع التصديرة جازت هايلة و كي لبست لاغوب بلونش دخل سي جواد قطع معاها لاپياس مونتي ناضت يمات جواد سلمت على هانية...
كان جوواد ميت بالسعادة يعني عندو لحق دا هانية طفلة بزاف هايلة...
تصورنا معاها و خرجها جواد بدات يماها تبكي عنقتني ...بقيت نهدر معاها حتى سكتت...
خلاص لعرس و ولينا لدار.... جاز لعرس الله يبارك بزااف شباب ربي يكملهم فرحتهم...
كي رجعنا لدار ماهدر والو د. عبد الوهاب حبطت بقيتهم على خير وطلعت لدار..... مورما نحيت لماكياج و لبست بيجامتي تكسلت
.....
د. عبد الوهاب بعتلي ميساج : منال.. غدوة نجوز ليك لريسطو نتعشاو كيف كيف و نهدر معاك فسوجي
Important
منال : ان شاء الله
غدوة مينداك جاز النهار عادي فلخدمة ...
لحق وقت العشا دخل د. عبد الوهاب رحت لعندو....
منال : ديزولي مانقدرش نتعشا معاك هذ ليامات راطيت بزاف فريسطو كون نزيد يشوفني قاعدة نتعشا مول الشي يزعف تع الصح...
د. عبد الوهاب : راني مليح ونتي صافا؟
ايواه لازم كل يوم نقولو ولا صافا؟
منال : حمد لله
حبسلي ڨع الهدرة مالقيتش وش نقول و هو تان كان سيريو قالي : اقعدي نهدر معاك 2 دقايق ونروح مانديرونجيكش كثر
منال : عبد الوهاب ! *بتشناف*
مافهمتش كيفاه خرجت من فمي عيطتلو باسمو بزعاف بقا غزر فيا مشوكي... وبدا يضحك قالي : دك نحيتي دكتور... نولي كل يوم نشنف وقيل
منال: فاتو 2 دقايق اذا ماعندكش وش تهدر نروح ...
كنت نايضة حكمني من يدي...
د. عبد الوهاب : اصبري
غزرت في يديه و عاودت ريحت ماطلقش يدي
قالي : منال راني حاب نردك على اسمي كي شفت عرس تع جواد و هانية حسيت بالغيرة و جامي صراتلي فحياتي... تمنيت كون جا هذاك عرسي انا معاك... علا هذاك و بش نرتاح خلينا غدوة نروحو نعقدو
منال : بصح غدوة نخدمو فسبيطار!
د. عبد الوهاب : نقدرو نراطو الصباح تع الاستعجالات وش رايك
منال: ماعلاباليش...
د. عبد الوهاب : كيفاه ماعلابالكش قوليلي ايه ولا لالا ...وننصحك تخيري مليح *يتبسم*
راه يهدد فيا! ؟
منال: ومانوجدو والو؟ كيفاه نعقدو هكاك برك؟
د. عبد الوهاب : سي نوجدوهم صبح لازم نروحو بكري
منال: علاه راك مزروب هكا ڨع
د. عبد الوهاب : نتي ماكيش مزروبة؟ ماكيش حابة نتزوجو ؟
منال: ماقلتش هكا
د. عبد الوهاب: نقولك حاجة دبري راسك
ناض وراح بقيت نغزر فيه كي لبغلة مافهمت والو... وشبيييه مقلق
...يتبع
.
part 27 ^^
Start from the beginning
