وش بيه راه يهدر على المظهر تاعي؟ وقيل راني نخلع...
...
انا تما حشمت و حسيت وجهي حايطرطق مالسخانة قلت للحفافة ماديرليش بزاف ماكياج رجعتني وقيل نبان وحش...
...
د. عبد الوهاب : اممم جيت نديك بسكو علابالي ماعندكش معامن جي.
منال : لالا كنت حانكري طاكسي
د. عبد الوهاب : و تامني مول الطاكسي كون يخطفك ولا
منال : يخطفني؟
انا يخطفوني ؟ يرحم باباك انا نخطفو مشي...
د. عبد الوهاب : وش تسناي منو سورتو شوفي كيفاه راكي...
منال: كيفاه راني *بتشناف*
د. عبد الوهاب ولا حمر لاول مرة و قالي. : راكي شابة بزاف
وشنو.... وقيل ماسمعتش مليح قالي شاابة؟؟
ياربي. !! علاه قالي هكا دك كيفاه نقدر نزيد نهدر معاااه
طروشت و ماعرفتش وش نهدر بقيت ساكتة. .....
د. عبد الوهاب : راهم معايا الاء و يوسف فالطونوبيل طولنا عليهم ازربي
منال : اوكي
اف هكا خير مزية جااو
فيريفيت الدار... غلقت الباب و حبطت....
كان يسنا فيا فالدروج...
فتحلي الباب تع القدام
منال : نركب ماللور معاهم...
د. عبد الوهاب : منال نتي مرتي و مانحبكش تريحي مع يوسف و نتي هكا
نتي هكا نتي هكا صرعني وش بياااا
منال: ....*شنفت و ركبت مالقدام *
كي دخلت سلمت على الاء هي تان كانت بزااف شابة و يوسف كان تانيت ضارب حطة...
طريق كومبلي و هوما يحكو على لعراس تاع فاميلتهم...
انا طريق كوبلي ونا فاتحة التاقة بسكو ندوخ ماطونوبيل و مع لماكياج تصرا وخدة كبيرة...
مام د. عبد الوهاب كان ساكت ويضحك معاهم برك...
كي وصلنا طلعنا لاصال... بقا يوسف مع د. عبد الوهاب برا و حنا طلعنا لجيهت النسا...
كانت هانية مزال ماجاتش مزال لكورتاج يجيبها...
لقينا تما بزاف اطباء نعرفوهم... سلمنا عليهم..
و لقيت ريهام تما تان سلمت عليها قعدنا معاها بسكو هي تان جات وحدها سور جابها مسيو شهاب...
كنت قاعدة حتى نشوف فالطابلة لي قدامي يمات د. عبد الوهاب.... نضت رحت سلمت عليها فرحت بيا بزااف ڨسرت معااها شوية ابري وليت لبلاصتي...
راح لكورتاج بش يجيبو هانية...
part 27 ^^
Start from the beginning
