منال: خيير!!
هانية: خير... انا ماعنديش ختي عندي غير نتيا... على هذاك قلت نتي تصدريني بسكو يما تكون مشغولة مع الضياف ولازم توقف معايا وحدة نكون نحبها كيما ختي و كاين غير نتيا و بنت خالتي وحدة مي لازم توقفي نتيا معايا...
منال: ماعلاباليش وش نقلك مام انا عندي غير نتيا و مادابيا نفرحك بصح جامي صدرت كاش وحدة نخاف نخسرلك التصديرة
هانية: ماتعاوديهاش كامل تع تخسريلي التصديرة... انا نحبك و مايهونيش الناس... و نوريلك وش ديري بياان سور
منال: اوكي ان شاء الله
هانية: ان شاء الله و زيد عندي طلب صغير
منال : وشنوه
هانية : بون نتي وبنت خالتي حاتصدروني و مادابيا تلبسو كيف كيف بش تخرج تصديرة شابة و خيطتلكم 3 لي غوپ تلبسوهم راني جبتهملك... و لمشطة و لماكياج ديروه نتوما برك اللبسة لي من عندي ياك ماعندكش مشكل؟
منال: لازم نلبسهم هذو؟
هانية : وي لااازم تعيشي
منال : اوكي عذا عرسك نتي ديسيدي
هانية : ربي يخليك لياا مناالتي
تعنق فيا
بون انا خاطيني هذ العفايس بيان سور و ماعلاباليش كيفاش لازم ندير مي ماعليش على وجها عرسها لازم نفرحها...
راحت هانية و خلاتلي هذوك لي 3 غوب بش نقيسهم بصنادلهم...
مي مابقاش عل العرس لازم نشريلها كادو و عرضت ماني و خالتي حميدة ماشكيتش يجو هذوك لعيباد مشي تع مناسبات
جازو هذ اليومين عادي فالسبيطار قالي د. عبد الوهاب بلي عرضاتو و عرضت الاء و يوسف تان...
و د. فؤاد عرض كاميليا بسكو هانية قاتلو مانعرضهاش...
شريتلها كادو وش كتب ربي ان شاء الله يعجبها....
بالجمعة رحت للحفافة صبح بسكو خاطيني ماكياج و لازم مشطة مسڨمة بش مانبهدلهاش رفدت دراهم لي لميتهم مالخدمة تع ريسطو ورحت ليها...
خالتي حميدة جا راجلها داها و راحت معاهم بش تصلح بيناتهم...
وجدت روحي ودرت عباية مسطورة... لازم نكري طاكسي مانقدرش نركب هكا فالبوس...
كنت راح نكري طاكسي...حتى نسمع لاصونات تع الباب...
زعمة ماني ولاات؟
رحت فتحت الباب قلبي خبط فور كي شفت.. د. عبد الوهاب واقف عند الباب...
منال *مشوكيا*: دكتور!
كان لابس حوايج كلاسيك جاوه بززاف شابين...
د. عبد الوهاب : منال ...راكي... *يغزر فيا مدهوش و عينيه يبرقو * ....احم
part 27 ^^
Start from the beginning
