ماحسيتلهمش كانت لاشارج فالسبيطار شوية و زيد رحنا للجامعة انا و يوسف و الاء بش نهدرو مع لي بروف على لي اڨزامان...
ولا د. عبد الوهاب راني معاه كيما لعادة صح هو حنين معايا و راه يحاول يتقرب مني كثر و كثر مام انا راني نحاول نتفهمو مي ما هدرناش بزااف هذ اليامات راه مشغول بزااف ...
اما هانية و د. فؤاد مابانش حسهم لمدة 15يوم كنت نبعت لهانية لي ميساج كانت تردلي بالمختصر المهم نطمن عليها هذا مكان...
و جوست موراها جات ليا لدار ...عشية مورما خرجنا مالسبيطار...
عند الباب...
منال : هانية!
هانيية: وش منال صافا؟
منال : حمد لله ونتيا؟
هانية: حمد لله الشابة تاعي ...
دخلتها لبيتي...
هانية: بون ندخل فالسوجي ديراكت هههه جيت نعرضك لعرسي بالجمعة هذي
انا تشوكيت لدرجة ما امنتهاش حسبتلي راهي تحرش بسكو كيفاه رانا الاربعاء... و لجمعة عرسها؟ وكتاه ديسيدات وكتاه وجدتلو؟
منال: راكي تحرشي ياك؟
هانية: و في ميزك نشقا حتى لهنا بش نكذب عليك؟
منال : بصح وقيل انا مسمعتش مليح قلتيلي عرسك بالجمعة هذي؟
هانية: هههههه وي بون انا تان غير كيما عرفت بسكو انا كنت ناوية كي نكمل نجهز و نوجد لعشا ...بش نفيكسي لادات مي بابا و فاميلتي لمولي دراهم
وعاونوني بش كملت كامل التوجاد للعرس و كي شافني جواد هكا قالي مام هو راه واجد و قالي وش رانا نسناو...حانديرو عرس واحد منها عرسي و عرسو و يكون كبير لفاميلتي و فاميلتو...
منال: يعطيهم الصحة ، و مبروك عليكم...
هانية : مرسي لعقوبة ليك مع سي خونا..
منال : اييه حنا مزااال رانا قاطعين الشرط برك لهدرة مراناش نهدروها كيما كنا....
هانية: بسكو لزوج راكم مشغولين دك تخلاص لخدمة وتشوفي كيفاه مايطلقكش كامل....
منال: مانحتاجوش يشدني ولا يطلقني الله يسهل...
هانية: يااخاه ليمن نخليك كي نروح يا يما توخد روحا هذ الطفلة يسمعك هكا يقتل روحو علابالك
منال: علاش غلطت؟
هانية: لالا انا لي غلطت.... *مشنفة*
منال: خلاص خلاص ماقلنا والو قوليلي وجتي تروسو
هانية: 'وي بياان سووور.... و عندي طلب علابيها جيت ليك لدار....
part 27 ^^
Start from the beginning
