انا ماعرفتش وش لازم ندير على هذاك بقيت واقفة و نغزر برك...
د. عبد الوهاب : انا و منال خطبنا و كان مادبيا نقوللكم بطريقة خير مي يعطيك صحة كاميليا كي خسرتيلي المفاجئة... *شنف *
د. عبد الوهاب : لي كيپ تبعوني !
رحنا معاه و خليناها واقفة وحدها كي السلوڨي...
فطريق باركولنا الاء و يوسف مالڨري يوسف كان مشوكي قاعد غير يقولي : منال ؟ صح راكي مخطوبة!! هه و زيد مع دكتور عبد الوهااب!
قلقني حسيتو يحرش بيا... بقيت نغزر فيه... ماجاوبتوش
كان د. عبد الوهاب باين زعفاان بزااف... ماقدرتش نهدر معاه ڨع...
...
دخلنا للاستعجالات كان غاشي دود و مانحكيلكمش علكاتاستروف لي كاينة لي محروق و لي مقطع بموس ولي مكسر.... ليوم تان حايجوز طويل على حساب الشوفة مزية رانا نخدمو صبح برك ليوم دالت الاء تدخل لغرفة العمليات معاه...
خدمنا مع هذاك الغاشي عيييت بززاااف سورتو مع الدوخة هذيك صرعتني لحق وقت لفطور كنت رايحة نفطر معاهم مي تفكرت هانية قلت نطلع نشوفها...
د. عبد الوهاب : وين منال؟ ماتفطريش معانا
منال: لالا دكتور سحقيت هانية نفطر معاها ...
د. عبد الوهاب : هممم اوكي بون اپيتي
منال : مرسي...
طلعت لهانية لقيتها تفطر داخل لاصال تاعها... شافتني..
.
هانية : اه منال ختي جوزي ريحي معايا
منال : مرسي
ريحت معاها مدتلي ناكل معاها مي ماحبيتش بسكو ماعنديش لاپيتي كامل....
منال : هانية كيفاش راهو د. فؤاد؟
هانية *حبطت راسها*: سمحيلي على وش دار صبح... كنت حانضربو كي دار هكاك مي كي شفتو يبكي عرفت بلي غلطت فحق خويا الصغير و جرحتو بزاف
كي قاتلي بكا ماامنتش... غاضني مي الله غالب الدنيا مكاتيب و راني متأكدة يلقا الف وحدة خرمني..
منال : ....
بقيت ساكتة بسكو ماكاش كلام ينقال دك ، هذ المواقف لازملهم السكات ...
جاز لوقت تمتم رجعت لدار...ماشفتش د. عبد الوهاب كي كنت جاية بسكو راهو مشغول مع العمليات...
مالڨري ماخدمناش عشية...مي عييت بزاف... الاعراض هدوما ماوليتش نقدر نصبر عليهم لازم هذ اليامات كي نكون ليبر ندير فحص شامل...
(تسريع الاحداث) :
جازت السمانة هذي و لي موراها بلخف
part 27 ^^
Start from the beginning
