منطوية

part 26 ^^

ماني: وكيفاه يجو بلا ماتشاورينا

منال : علابالي بلي ماتقبليش و مانيش حابة نبدا بالمشاكل قبل ما تصرا اصلا حبيتها تصرا اومبعد ديري مشكل معليش

ماني : وش قالولك انا كافرة وقيلا بش مانخليش زواج تع لحلال ...يصرا...

يااايما... راهي تهدر على الدين ننسا ساعات بلي هذو مسلمين حتى نشوفهم يصلو بش نتفكر....

منال : نتي علابالك ونا علابالي بش مانكذبوش على بعضانا

خالتي : ياو راكي تهدري مع يما ماتنسايش

منال : وراني نهدر على حياتي الخاصة ماتنسايش

ماني : سكتونا في زوج

سكتنا

ماني : روحي اضربي جرية  اشري من عند عمك عمار شوية ڨاطو بقلاوة.... راكي علابالك وش يحطو.
وش حطينا فشوفت حميدة ...

منال : اوكي

جبدت دراهمي  لي نلمهم نقول بش كي نكبر نشري بيهم دار ليا وحدي...

مانحبش نخلي ماني تصرف علاجالي بسكو علابالي عامين وهي مزالها تهدرلي عليهم... رحت شريت و وليت وجدت روحي مشطت و دارتلي خالتي ماكياج و ملي قعدت وهي تزوخ و تخرط على راجلها... مافهمتش منين طاحت عليها الملاحة..

.  كي كملنا.. وشافتني ماني

قاتلي  : اون فان وليتي تبانلي طفلة...

شكرتني بسكو بنتها لي ماكياتلي.  ... ماشي بيها لمحبة ماتروخوش لبعيد....

جاز الوقت تمتم .... لحقت 2 سمعت الطبطيب فتحت خالتي الباب سمعتهما تهدر و تسلم معاهم...
دخلو لصالون ڨسرو مع ماني. 

...جازت وحد النص ساعة وانا فالبيت وحدي...

لقيت هانية بعتتلي : منااالتي كنت حابة نكون معاك فهذ الوقت مي الله غالب حتى انا ماقعدتش مع تروسو... و توجاد للعرس مابقالوش على هذاك حبيت نقلك والله نحبك بزاف نتي ختي و فرحتلك من قلبي و كي يروحو احكيلي بتفصيل هههه

ماجيت نردلها حتى تدخل خالتي قاتلي : منال!  ايا روحي حطيلهم سنيوة و اقعدي معاهم و ماتهدريش بزااف ....راه تما باباه و يماه و هو مزالو برا مافهمتش علاه جابو معاهم لابياس مونتي فالشوفة برك...
ماكنتش ڨع لاتية بواش راهي تهدر الننفس كان يروحلي... قريب مت بالخلعة خلاني وحدي معاهم...نقتلووو.

رحت بلعقل  حطيتلهم السنيوة بقاو غير يغزرو فيا
رفدت راسي يماه بزااف شابة الله يبارك و صغيرة فالعمر تكون فالربعين و باباه  كيف كيف و باينين قارين و حطة سلمت عليهم و ريحت...