كنا نهدرو حتى تزدم علينا هانية دخلت باينة كانت تحوس عليا بسكو عيطتلي قبيلة مارفتش كنت مشغولة...
كي شافتني مع د. عبد الوهاب ناكلو من فطور واحد و قراب من بعضانا و نهدرو سووور فهمت كنا نتمعشقو ولا...
بسكو عيطت عيطة و بدات تغمض في عينيها و تقول : سمحووولي ماشفت والو ههههه راني خارجة...
انا لتم تمنيت نحكم شاقور و نتيريه عليها بسكو د. عبد الوهاب و طروشاتو بهذ لي جاست، وقف و بدا يعيطلها و هي هاربة خرجت غير عاود قعد د. عبد الوهاب عاودت دخلت قاتلي : منالتي فرحتلك كملو كملو... ههه
وعاودت خرجت
يا يما على هذ المصيبة بهدلتني ،!!!
منال: *نحمحم* ما... ماديرش عليها راهي ...
قاطعني د. عبد الوهاب : هههههه هانية مزالها في عوايدها... كي كنت نروح لعند فؤاد لدار كانت تهبلنا و ديرلنا سمير كحل..
(يسما مالبكري هكا)
منال : ههههه
حبس هدرتو و غزر فيا مشوكي عينيه يبرقو قالي : منال!!!!
منال : وي؟
د. عبد الوهاب*حكمني من خدودي و بدا يجعد فيهم*: بالاكي نشوفك تضحكي مع كاش واحد الضحكة هذيا نسحقها ليا برك
نحيتلو يديه...
.
منال : وش من ضحكة ماضحكتش... وقفت و جيت حابطة
د. عبد الوهاب : منال
منال : وي؟
د. عبد الوهاب : راني حاب نسمع منك كلمة
منال : كلمة؟ وشنوها؟
د. عبد الوهاب: قوليلي تحبيني! ؟
منال * وليت حمرة* : مانقلكش... حبطت نجري... وخليتو فالسطح...يتمعشق مع لحيوط
دك نروحو لدار بسكو د. عبد الوهاب عندو خدمة مع عمليات الدماغ... تلاقيت مع يوسف و الاء بقيت نهدر معاهم حتى لحقت 13:00 جا د. عبد الوهاب قالنا تقدرو تروحو... كي جيت رايحة حكمني من يدي و قالي : مزال ماكملناش هدرتنا ...
عفستو على رجلو خليتو يتلوى و كملت طريقي لبرا...
رجعت لدار بكري كي العادة... ماراناش نخدمو حاجة كبيرة فالسبيطار....
(تسريع الاحداث)
جازو اليامات كي العادة مع المرضى و مع د. عبد الوهاب بقينا نفطرو كيف كيف كانت كاميليا تغزر مالبعيد و تتعنكر مي ماتدناش... بسكو نعفسلها على راسها نورمال... و لا د فؤاد قاتلي هانية بدا يخرج مع وحد الطفلة بنت حومتهم تحبو بزاف و كي اعترفتلو مدلها une chance
لحقت الجمعة عيطت لمول الشي تع ريسطورون و حكيتلو بلي عندي شغل.... قالي اوكي
خملت الحالة كانت 9 تع الصباح سمعت الطبطيب.... اووو ماتقولوليش جاو دك... مزال ماقلتش لماني مام پا...
part 26 ^^
Start from the beginning
