منال: بونجوغ
الاء &يوسف : بونجوغ...
منال : البراكة فيكم الاء
الاء: امين مرسي ختيتو
لبست طابليتي ...وخرجت معاهم تلاقينا بد. عبد الوهاب فالكولوار كان جاي لينا....
د. عبد الوهاب : صافا لي كيپ
ردينالو : حمد لله
د. عبد الوهاب : ليوم نخدمو صبح برك بسكو عشية عندي عملية سمحولي هذ اليامات حانهملكم شوية مي سمانة ولا عشر ايام برك
الاء : معليش دكتور المهم تتهلا فالمرضى تاوعك
د. عبد الوهاب : باذن الله... تبعوني
رحنا الاستعجالات و بدينا نعاونو فالحالات لي كانو يسناو مالبارح...تعاملنا مع غاشي كبييير...
لحقت 12 طلعت نفطر فالسطح كي العادة بسكو مانحبش ندخل في وسط الاء و يوسف ...
كنت نفطر حتى نشوف باب تع السطح تفتحت.... دخل د. عبد الوهاب كي شافني تبسم و جا قعد قدامي....
د. عبد الوهاب : ليوم جبت فطور معايا وش رايك نذوقك ماكلة يديا؟
صح مدامو عايش وحدوو سوور هو يطيب لروحو
شريتلو براسي تع ايه جبد زوج بايط فيهم جواز بطاطا باللحم...
قالي: نولي نطيبلك كثر كي نتزوجو
منال : *وليت حمرة* جامي شفت راجل يطيب لمرتو
د. عبد الوهاب : هههه سي كاين لي يحبها صح و لي خيرها هو ماشي خيروهالو يديرلها كلش فوق وش راكي تتصوري
جيت حا نرفد ناكل ضربلي يدي حسيت روحي اطفال... خلعني بقيت نشوف فيه مشوكيا علاه دار هكا ياك هو قالي كولي...
د.عبد الوهاب : نن لازم انا لي نوكلك قتلك ندوقك ماكلة يديا ...
منال : اوكي
مدلي كليت شوية ابري كملت كليت وحدي حقيقة ماكلتو بنينة كيما طياب تاع يمات هانية كملنا ناكلو وهو يغزر فيا و يتبسم حسيت روحي حانتخنق بهذيك الماكلة...
د. عبد الوهاب: راني حاسك مقلقة من حاجة؟ وقيلا تسرعت كي قتلك نجيب دارنا بالجمعة؟
منال : لالا... بصح خفت ماني ...ماتحبش تستقبلكم
وجهو تقلب سيريو و قالي : انا كي نحب نتزوج بيك واحد مايقدر يمنعني من غيرك نتي يعني ماتكسريش راسك
حسيت قلبي تزير مافهمتوش هذ السيد اذا سيريو ولا جايح كل خطرة شخصيتو نحسها تتبدل علابيها انجذبت ليه بسكو كي نكون معاه المشاعر تاوعي لي كانو جامدين بداو يتحركو...
part 26 ^^
Start from the beginning
