منطوية

part 26 ^^

خالتي : حق الخير لي ربيناك دك كبرتي درتي علينا لڨرون

منال : الله غالب نتي ربيتيني وش تسناي...

رحت لبيتي ودخلت دوشت ...تكسلت دخلت خالتي حميدة لبيتي ماطبطبت  ماوالو... ماعندهاش اخلاق

خالتي: اسمعي نتيا وقيل حاترقدي غير الماكلة و الخرجات... ولعشا يما ديرهولك؟

منال : اخرجي و اغلقي الباب موراك

خالتي : اواه نتيا واقيل عندك شحال مارفدتلكش السبتة

كي كنت صغيرة كانت معيشتني فجحيم بسكو هي كبيرة عليا بست سنين و تتعاند معايا قبل ماتتزوج كان زعاف تع صاحبها و لا يماها تخرجو فيا كنت ضعيفة و هي تستغل ضعفي تضربني بالسبتة نبات نتوجع و ماني مادخلش روحا اذا خسرت عليا كلمة تقوللها حبسي تعودي تقتليها و تباصينا...

كي مايحبونيش مافهمتش علاه رباوني..

ودك كي كبرت مانتلاقاش بيها كامل مورما تزوجت بسكو اخر مرة فعرسها هدرت معايا ضربتها بكوتبي قريب قتلتها علابيها كانت ماجيش لهنا ڨع كي نكون. مي دك سور راهي غضبانة على راجلها ...
.و ماعندهاش حل من غير تولي لعوايدها و تخرج زعافها فيا..

رميتها فالثقيل ، خرجت و خبطت الباب تع بيتي فور حسيت پلا فون حايطيح....

بقيت نحارب فروحي بش مانرقدش خرمن يتخسرلي رقادي...*صوت تلفون*

لحقني ميساج من عند د.عبد الوهاب...

حليتو. . .

د. عبد الوهاب : منال لحقتي لدار

منال : وي

د. عبد الوهاب : هههه حتى فلي ميساج مشنفة

منال : نتا مزالك فالسبيطار؟

د. عبد الوهاب :  وي مزال شوية و يجو لي رومپلاسونت....

منال :...مليح

د. عبد الوهاب : منال وجدي روحك  هدرت مع بابا ويما و راهم حابطين للجزائر هذ السمانة بش بالجمعة ان شاء الله نزدمو لداركم

ياااااااا ماخممتش كامل في والديه... جامي شفتهم زعمة راح نعجبهم؟ و الكاليتي تع خالتي حميدة راهي هنا حايبهدلوني وش ندير

د. عبد الوهاب : منال ؟

منال : ...ان شاء الله...

دعبد الوهاب : هههه ان شاء الله

نحسو نية بزااف حتى يغيضني بش نحرڨو...

جاز النهار و غدوة منداك نفس الروتين مع صباح...
وصلت لسبيطار 7:55 طبعت نجري لبست طابلية لقيت الاء ويوسف يلبسو تما فالطابليات...