حقيقة قنعتني هذ الكاليتي.... مي نزيد نخمم و عشية نردلو لخبر... حسيت لقنطة حكمتني كي تخايلتو يتزوج و ينساني قبل ماتصرا... انا اكثر حاجة نكرها هي الندامة... علابيها عشت نهدر فالوجه بش مانندمش كي نريح وحدي ونقول كون غير هدرت هك ولا هك... انا عفسة في راسي نقولها و نديرها مانحبش نندم....
منال : اوكي مرسي ...
هانية : بلا مزية و j'espère ديري العفسة الصحيحة...
انا نخليك خليت لابو فارغة...
حبطت تجري ...و أنا تان تبعتها لازم نولي بش نروحو نبداو حالات مستعصية جدد...
كنت فالكافيتيريا نحوس عليهم مالقيتهمش كملت طريقي لقسم الاستعجالات... مالقيتهمش اوو.. كنت رايحة للبيرو تع د.عبد الوهاب...
حتى نحس واحد عكلني برجلو و كي جيت طايحة شدني...
شفت فيه كنت حانبدا نعرش.. لقيتو د. عبد الوهاب قالي : وين رايحة ؟
منال : كنت نحوس عليكم
د. عبد الوهاب : اه اوكي مي ليوم عشية نخدمو غير أنا وياك...
منال : اوو علاش يوسف وين راح؟
د. عبد الوهاب : هي مالاول كانت حاتشدكم عشية كاميليا فبلاصتي بسكو بعد نص ساعة عندي عملية جراحية تع المخ... مهمة بزاف بالنسبة ليا بسكو اول عملية ليا فالمخ... و نتيا لبارح كي اكتشفتي مرض تع سي رؤوف وعدتك نكافئك بحاجة... كي ماخليتينيش نخلصلك فطور مالا وش رايك تدخلي معايا لغرفة العمليات ونشوفي عن قرب اول عملية ليا فالمخ؟
حسيت قلبي خبط فورر... وزيد en plus اكبر مزية يقدر يديرها فيا كي مايخلينيش تحت رحمة هذيك المصفارة تع كاميليا... نقبل نروح معاه بعشرة يدين....
منال : و يخلوني ندخل؟
د. عبد الوهاب *يضحك* : هههه بيان سور تلميذة تاعي ندخلك وين نحب... حتى في قلبي
وليت حمرة
منال : خلينا نروحو ...
د. عبد الوهاب :*يتبسم* : مايكون لا خاطرك ...
رحنا لغرفة العمليات دخلو معانا فراملة و جراح دماغ هو لي يعلم د. عبد الوهاب ...وجد روحو مام انا لبسولي وحد اللبسة معقمة... دخلنا بقيت نشوف من بعيد دخلو معانا سطاجار تان ..كانو رافدين ورق يكتبو فيهم...
حسيت د. عبد الوهاب مضغوط شوية malgré دار بززااف عمليات من قبل... مي اول مرة ليه فمجال جراحة الدماغ... علابيها...
غزر فيا غاضني حسيتو متوتر اول مرة نشوفو هك مالف توجور قوي وواثق من نفسو بسكو هو طبيب معترف بيه لهيه...
بش نحيلو الخوف شوية تبسمتلو
حسيتو تفاجىء و بدا يتبسملي. ...
جازت العملية لي دامت 3 سوايع حسيتلهم ثانية بثانية...بسكو مع هذاك التركيز و الخوف لوقت تحسو يثقال و حسيت الشومبرا فارغة فيها غير أنا و إياه... كي يعيا و يحب يشرب الما و لا كي يعرق و يحب يمسح يعيطلي ليا... لفارمليات باينة طايحين فيه حسيتهم حبو يضربوني... حمد لله نجحت العملية و خرج السيد لاباس بيه كان عندو سرطان فالدماغ...
خرجنا من تما... قالي كملنا بكري تقدري تولي لدار تريحي
منال : اوكي مرسي مي... عندي هدرة معاك
د. عبد الوهاب : *يتبسم* اه... يادرا ههه تبعيني للبيرو تاعي نهدرو تما على راحتنا
منال : اوكي
رحت معاه للبيرو غلق الباب بسكو هذيك المصفارة تزدم فأي لحظة...
ريحت فالكرسي مقابلاتو...
د. عبد الوهاب : ايه يالالةاتفضلي راني نسمع
منال : ...على وش قتلي لبارح...
سڨم قعدة تاعو ووجهو تقلب سيريو قالي : ايه ...
منال : خممت مليح و قررت ن....
...يتبع
سلام ماتنساوش فوت و كومنت مادابيا نعرف رايكم فالاحداث كيفاه راهي تطور 😍💜
part 25 ^^
Start from the beginning
