كامليا : اوه!!
دنات لوجهي مليح وقاتلي : منال درتي ماكياج خير ان شاء الله ليمن راكي تشبحي روحك
منال : لي شبحتيلو نتيا هذاك هو
خماج... بهدلتني... يوسف ود. عبد الوهاب بداو يكوفو في روحهم...
كاميليا : فمك كاش نهار نطرطقهولك علابالك ماتنسايش انا كبيرة عليك نعفس عليك تخلاصي
رميتها فالثقيل بسكو راني عيااانة و مارانيش قادرة نضارب ...
د. عبد الوهاب : كاميليا! ماتهدريش مع تلميذة تاعي هكا... سورتو منال
كاميليا : كيفاه surtout هي؟ علاش تحامي عليها انا هي amie تاعك نسيت ؟
د. عبد الوهاب : ماشي قصدي هكا مي ماتهدريش معاها هكاك و خلاص
يوسف : وشبيكم ماشي راكم تڨسرو؟
كي حرڨها هكا فرحت... بردلي قلبي...
بدلو sujet....
و دخلنا les urgences... تبادلنا مع تع الليل... كنا انا ويوسف نشوفو برك الطبا هوما لي دارو كلش...
جاز الوقت تمتم ماهدرناش انا و د. عبد الوهاب بزاف غير اوامر تع يبعثني من ولا من ولا كاميليا كانت تتعنكر باينة فاقتلو بلي يحبني ولا مي الله يسهل عليها... لحق وقت الفطور
د. عبد الوهاب : عليا لفطور ليوم فالكافيتيريا
منال : لالا صاحا انا مانيش جيعانة
كي مارقدتش مليح و الدوخة... ليسطوما تاني تأثرت تغلقتلي لاپيتي و مانيش قادرة ناكل
د. عبد الوهاب : كيفاه ماراكيش جيعانة ربع سوايع و نتيا تجري وتقوليلي مانيش جيعانة ارواحي تاكلي ومانسمع حتى هدرة...
منال : سبحان الله في عمري 24 سنة و مانعرفش روحي اذا جعت ولا لالا؟ قتلت والله ماراني جيعانة
كاميليا : الله لا كليتي وش نحلوك حنا جعنا.. خليك منها عبد الوهاب كي جوع تاكل وحدها
د. عبد الوهاب : ممم اوكي
راحو... وانا طلعت لسطح راني نحوس غير بلاصة وين الكالم بش نغمض عينيا شوية...حكمت بلاصة وين مالفة نريح وكسلت رجليا و انا تكيت على الحيط... راني نقاوم فالدوخة و فكلش عييت و راني شادة روحي بش مانقتلش هذيك المصفارة...
كنت قاعدة حتى دخلت هانية لسطح... .
منال : هانية!
هانية: اوه... منااال!!!
جات تجري سلمت عليا و قعدت معايا
قاتلي: صافا ؟
منال : وي حمد لله ونتيا؟
هانية : هههه راني مه تجهيزات العرس
part 25 ^^
Start from the beginning
