د. عبد الوهاب *عينيه برقو* : اوكي راني جاي منال سمحيلي عندي عملية ..*قاطعتو* :بون كوراج...
خرجت و وليت بعقلي لدار...
جاز النهار هذايا طويللل و صراو فيه بزاف احداث راسي تقبني...كنت حانرقد مورما كملت صليت و تعشيت و خملت لحالة...
مي حسيت واحد السطر قاوي بزااف داخل راسي قعدت فالارض و بديت نبكي مالسطر جامي صراتلي هكا ....الدوخة.... وقيل حانموت...
وقفت بسيف و رحت للكوزينة شربت بانادول بش يحبسلي السطر...
ماني : وش يالالة وش راكي ديري فنص ليالي
منال : والو
جيت رايحة لبيتي
ماني : علاه وليتي صفرة ڨع هكا وشبيك ؟
منال : مابيا والو سبحان الله راني عيانة و حابة نرقد
رحت لبيتي بقيت سهرانة حتى ل2 مع هذاك السطر داتني عيني رقدت
5:30
صونا الرافاي بسيييف باش فطنت... رحت ستقهويت شفت وجهي فالمراية كنت نخلع لي سارن في عينيا باينة مارقدتش... درت شوية فون دوتان وفاراجو بش مانبانش صفرة ...
مي السطر هذا بزااف عياني منين جاني! مام الدوخة راهي تزيد... لازم كي نقعد ندير راديو...
كملت وجدت روحي صليت و خرجت ...
لحقت 7:45 رحت لبست طابليتي وبقيت نسنا فيهم فالكولوار....
لحق يوسف قالي : بونجوغ منال صافا؟
منال : حمد لله و نتايا؟
يوسف : حمد لله
منال : ماجاتش الاء!
يوسف : قاتلي ماراحش جي عندها جنازة ماتت مانها
منال : ربي يرحمها...
يوسف : امين... نلبس طابلية و نولي
دخل لبسها وولا
يوسف : مزال مابانش د. عبد الوهاب! ؟
غير قالي اسموا حسيتو ضربني بلوحة للوجه.... ياااخاه قالي خمي فالخطبة ورديلي بالخبر ليوم وانا بايتة مع السطر نسيتو ڨع....
منال : ...وي مابانش
كملنا نڨسرو على القراية و الكتابات...
قاطعتنا كاميليا مع د. عبد الوهاب : بونجوغ
يوسف : بونجوغ
انا بقيت ساكتة ونغزر فيهم... سقساه على الاء و فهمو يوسف... كانو يڨسرو و
د. عبد الوهاب يغزر فيا متبسم
part 25 ^^
Start from the beginning
