جيت هاربة للباب حطيت يدي عل الپاص... حتى نشوف يدو فوق يدي ...درت ليه كان قريب بزاف مني حسيت قلبي تقبض ...
منال : *محبطة راسي* طولت... لازم نروح
د. عبد الوهاب : ياجاوبيني يا تريحي هنا معايا لغدوة...
منال : هبلت ؟
بقا يدنا ليا كثر وكثر قالي : دك نوريلك هبالي تع الصح ...
حسيت روحي حانبدا نضرب مي شديت روحي بسكو كون نغلط و نرفد يدي عليه ماراحش يسامحني....
حسيت وحد الضغط في وجهي و جسمي كامل بدا يرعش...
وهو بقا يدنا كثر وكثر حسيت نفسو لحق لوجهي..حتيديرلي ازمة قلبية...
قتلو : ايه نحبك ...بصح محال نكونو كيف كيف...
بقا يغزر فيا مشوكي...
طبعتو حليت الباب و خرجت نجري يا انا هبلت يا راني نتخايل... وش قتلو دكا؟ من نيتك منال من وكتاش تقولي لواحد نحبك ! هذا البنادم دخل فحياتي قلبهالي رأسا على عقب....
...
عاودت طلعت لقسم الخاص لقيت الفارملية تسنا تما...
رحت ليها
منال : خرجت résultat ?
فارملية : وي خرجت...
منال : ok
عيطت ل ألاء فالتلفون جات تجري مع يوسف و زاد لحق د. عبد الوهاب ماغزرتش كامل فيه ريد مام هو حسيتو حشمان...
قال ل ألاء اقراي les analyses ...
الاء : esr مرتفع (سرعة ترسب الدم) ، كريات دم البيضاء و الصفائح الدموية ڨع مرتفعين بزاف... انيميا.. بروتين c طالع... بروتين في البول ...وكريات دم حمراء... ڨع هذ الريزولطا يأكدو بلي صح عندو مرض ويغنر...
د. عبد الوهاب : يوسف! وش رايك وش لازم يدير سي رؤوف؟
يوسف :عقاقير... ريتوكسيماب، وميثوتركسيت، وآزاثيوبرين، والمايسوفينوليت هذو كامل ينقصو الاعراض و يقللو من نسية حدوث انتكاسات...
د.عبد الوهاب : اوكي تبعوني ...
دخلنا معاه لشومبرا تع سي رؤوف وشرحلو د. عبد الوهاب المرض تاعو و الداووي لي لازم يشربهم بش يتحسن باذن الله...
د. عبد الوهاب : حمد لله دخلت لسبيطار هذ ليامات و بالراديو لي داروه بش يشوفو اذا صرالك ضرر مالاكسيدون فاقولك عندك مرض فالمراحل تاعو الابتدائية ...فاقولو قبل مايبداوك حتى اعراضو المتقدمة...وكانت حالتك حاتسؤء كثر و كنت بعملية زرع الكلى و ياربي... دك غير بالدوا حاتتحسن باذن الله
رؤوف : حمد لله يعطيكم الصحة عرفتها بلي الجزايرين شاطرين و هاربين علابيها بقيت هنا بسكو كنت متأكد بلي حاتصيبولي مرضي...
part 25 ^^
Start from the beginning
