خرجنا مالشومبرا للكولوار بش نحكو براحتنا...
د. عبد الوهاب : منال عندك ذكاء طبي احسن من شي اطباء مختصين... اذا خرجت ريزولطا و نلقا كلامك صحيح نكافئك ب حاجة شابة...
يوسف : شاطرة كي العادة حاجة متوقعة من الطالبة لي جامي واحد نحالها المركز 1 فالجامعة
ايواااه هذا لي مانحبوش ...نكره نكون مركز الاهتمام.....
الاء : كيفاه حتى عرفتيه ؟
منال : شفيت غير كيما قريت عليه فكتاب هو و مجموعة من أمراض المناعة...
يوسف : تقراي بزاف كتابات علابيها مخك موسوعة تع معرفة الله يبارك
منال : يبارك فيك *قاطعونا العسكر *
مزال ماراحوش ؟
عسكري : نتيا منال عبد الكريم ياك!
منال : وي
عسكري : لعبتيها شاطرة سبيتي الجنود و زدتي تعديتي على واحد منهم خرقتي القانون و حاتخلصيها غالية
كانو كامل مشوكيين...
منال : تنحولي وذني ياك ! ! هدرت لحق و لا قاستكم اخدمو خدمتكم بش تنساو ...
عسكري : تبعينا جا حايشدوني
دخل روحو د. عبد الوهاب: اصبرو ماتقدروش تدوها.. انا المسؤول عليها ادوني انا....
منال : علاش يدوك نتا مادخلش روحك انا هدرت و انا مسؤولة على نفسي
د. عبد الوهاب *بزعاف* : منال بلعي فمك وروحي لداركم دك
راه يترعد راه خايف عليا ؟
منال : مشكلتكم معايا و نبقا نهدر و تقلقوني نجيبلكم لي جوغناليست نفضح الفشل تعكم...
يوسف : منال اسمعي لدكتور عبد الوهاب الله يسترك روحي...
شدو د عبد الوهاب و بعدو يوسف و الاء و حكموني كان د. عبد الوهاب يعيط كي المهبول اطلقوهاااا!!!
و انا كنت قادرة نضرب جدهم نركعهم مي تزيد الحالة تتخلط و نخاف نباسي دكتور عبد الوهاب ...سكت و كنت رايحة معاهم حتى نشوف الحراس تع سي رؤوف وقفو عند راسنا ...
السي محرز : قاللكم سي رؤوف *** يا تطلقوهم يا نعيط لجنرال *** يعريكم و تخلصوها نتو ب فاميلتكم
طلقونا و قالولي : ههذالخطرة فاتت لوكان نزيدو نسمعو حسك تخلصيها و واحد مايسلكك...
راحو و بقينا غير حنا
منال : مرسي
سي محرز : بلا مزية يا بنتي جامي ننسا خيرك نهار الاول كي تهليتي فيا...
راحو الحراس تان
ماحبيتش نشوف من جيهت د. عبد الوهاب بسكو علابالي راه منارفي...
يوسف : منال قريب باصيتي نتي صح مهبولة بش تخلطي فالعسكر زهرتلك راه هنا سي رؤوف...
الاء : ختيتو قريب باصيتي د. عبد الوهاب معاك
منال : هو دخل روحو انا مسؤولة على كلامي
د. عبد الوهاب : اه بون شكون المسؤول عليك كي راكي واقفة هنا داخل السبيطار؟
منال :...
راح د. عبد الوهاب و خلانا
الاء : منال ختي غلطتي معاه والله مافهمتش كيفاه مزال ماحاوزكش
يوسف : صح منال علابالنا لعسكر هذوك لي طاحو خشان كلاب مي نتي مجرد تلميذة الله غالب ماتقدري ديريلهم والو هذي هيا الحكومة...ديجا شفتي بيناتهم متاكلين شفتي لي ماتو مساكن لحقو 257 واحد كامل زواولة و لي سلكو راكي شفتيهم صحاب النجوم...
منال : وي ربي يرحمهم
راحو وخلاوني وحدي ...
قلبي تزير حسيت روحي غلطت مع د. عبد الوهاب تفكرتو كيفاه كان يعيط و يترعد.. .. وقاللهم ادوني انا...
ضاق فيا النفس حسيت السخانة تطلعلي في كرشي... لازم نطلب السماح... جامي طلبت سماح مانعرفش كيفاش مي غلطت... ومانيش قادرة نتحمل كون يبعد عليا...
بديت نعيطلو فالتلفون لقيتو مغلوق. ...
رحت للبيرو تاعو طبطبت سمعتو قالي : ادخل
فتحت الباب ، لقيتو مكسل فالارض على الطاپي و مغمض عينيه بيدو ...
دخلت غلقت الباب بلاسوكيريتي بسكو علابالي دك تخرجلي كاميليا من حيث لا ادري... نحا يدو وغزر فيا مخلوع قالي : منال! ؟
تكسلت فالارض قدامو وهو يغزر فيا مشوكي
منال : دكتور... ليوم...
...يتبع
part 24 ^^
Start from the beginning
