واحد من الرجال لي لحقو جبد كارطة وراهالهم راح يجري عسكري بزوج نجوم تحالهم..بدا يهدر معاهم... فتحولهم الطريق دخلوا يجرو... و بداو العسكر يجاراو يعيطو فالتلفونات... و دخلو معاهم... سمعتهم يقولو : راه لداخل مسيو رؤوف وليد ...*** يماه رئيسة وزراء لهيه...راهم دخلو القوات الخاصة... تاوعو...
دخلو يجرو ف 2 دقائق فتشو السبيطار و لقاو بلي السيد لي شكو فيه مريض عادي و الكابة لي عندو تع الڨيتار تاعو وين يمشي يرفدو...
كي يحبو يخدمو يخدمو....
دارولنا حكاية في باطل... هذي هي الحكومة تعنا...
يقول المثل : لا تملك الحكومة ضمير و احيانا تملك سياسة...
دخلنا كامل لسبيطار... د. عبد الوهاب كان يغزر فيا مالبعيد بسكو موقبيل رميتو فالثقيل... وزدت ضاربت علابالي قللت من احترامو مي والله تنارفيت بزااف...
{تسريع الاحداث }:
عاودنا ردينا المرضى لبلايصهم و رجعت الخدمة عادية فالسبيطار...
كنت واقفة مع الاء و يوسف نحكو على وش صرا... جا لينا د عبد الوهاب كي شفتو قلبي خبط و تفكرت كي باسني و كي حكمني من يدي ووو... وليت مانقدرش نشوفو كأستاذ برك...
د. عبد الوهاب : راكم ملاح ؟
قلنالو : وي
قالنا : مالا تبعوني
طلعنا معاه فالاصانصور... دخلنا للقسم الخاص دانا لشومبرت سي رؤوف لي كان يرخس فواحد العسكري هذوك الرجال لي جاو مقبيل غلقو السبيطار علاجالو بسكو وليد وزيرة و زيد عندو دوبل ناصيوناليتي مدام يماه وزيرة لهيه... سور باباه كاش ملياردار جزايري ...
كي جا خارج العسكري تعنكر فيا سور شفا عليا ... خرج و بقينا حنا
فؤاد: اوه دكتور كنت نسنا فيك
د. عبد الوهاب : مرسي علاجالك سلكت بزاف ارواح ...
فؤاد : اوه بلا مزية هذي خدمتهم
د. عبد الوهاب : هذو طلابي و هوما لي حايشخصولك مرضك... وسمحلي نزوخلك بلي نجحو فتشخيص امراض نادرة اطباء مختصين عجزو بش يكتاشفوهم...
رؤوف : متشرفين.. نعرف هذيك الطبيبة لمشنفة نهار لي دخلت لسبيطار هي لي رجعتني لعقلي... كنت زعفان و زعافي خرجتو فالسي محرز...وزدت قلقتها هي تان مي قادرة على شقاها ...
راه عليا؟
غزر فيا د. عبد الوهاب وقال : مزال ماشفت والو... موقبيل برك ضربت عسكري ..انا و ماقدرتش نحبسها... كي تزعف تولي تخوف...
رؤوف : هههه نحب لبنات هكا ،،،، ممم زعمة كون نخطبك تقبلي بيا ؟
غزر د. عبد الوهاب فيا مشوكي و الاء و يوسف ميتين بالضحك
part 24 ^^
ابدأ من البداية
