منال : كيما تحب
صح راني خايفة يكون هذ الراجل كاش زواخ راه يلعب فيها برك مي ماشكيتش يقدر يريح كالم هكا و علابالو قادر يموت فأي لحظة سور راه سوور بلي حايفريها صح...
رؤوف : روحو
د. عبد الوهاب : اوكي
حبطنا فالدروج ...فطريقنا مالقينا حتى وحد رافد كابة ولا... مافهمتش وين راه هذا لي شافوه... خوصلنا للباب تع برا شافونا العسكر ورينالهم لي باج فتحولنا الباب خرجنا...
جات هانية تجري عنقتني
منال : راني مليحة
جا د. فؤاد و كاميليا يجرو عنقو د.عبد الوهاب
كانت هانية تهدر على وش صرا... كان لغاشي دود برا العسكر كامل لي عندهم نجوم خرجوهم وولاد الزواولة لداخل متهومين...
تنرفيت تع الصح و رحت لجنود لي عند الباب... هانية مافهمت والو...
جندي : مادموزال ولي للور...
منال : وش لفرقة تعكم وقيل راهم دايرين لاسياست علابيها ماجاوش
جندي : وشنو ؟؟
صحابو كامل غزرو فيا ...جا يجري د. عبد الوهاب و هانية و د. فؤاد و كاميليا مام لغاشي دارو بينا...
د. عبد الوهاب : وشبيك منال ؟
تجاهلت د. عبد الوهاب و كملت نهدر مع هذوك الجنود...
منال : اه صح علاه يزربو سيادكم سلكتوهم هوما الاولين بقاو غير الشعب و الزواولة
جندي : عندك زوج دقايق في يدك ياترجعي للور يا نطرطقلك راسك
هانية : طرطقلها راسها! ! وش وقيل حسبتلك الدنيا حشيش!
د. عبد الوهاب : ماتنساش راك تهدر مع اطباء ...منال نتيا تان اجبدي روحك ماشي نتي لي تهدري...
للمرة الثانية زدت تجاهلتو و دنيت للجندي مليح و قتلو : راني حابة نشوفك كيفاه طرطقلي راسي...
(الناس بالخوف الزايد منهم طلعوهم فوق ريسانا...راني نقول فالحق لوكان دارو خدمتهم جوست كون نقدملهم الاحترام كثر من لي نمدو لنفسي)
لتم تنرفا هذا الجندي... وبدا يسب... رما يدو باش يطبعني للور...عوجتهالو وحكمتو فپوزيسيون تع يبوجي نطرطقهالو...
كامل تشوكاو مام د. عبد الوهاب عيط : منال!
وقيل هذي اول مرة يشوفني نضارب...
جاو لجنود لوخرين بش يحكموني ...
حتى نشوفو مروحيات كحولة يدورو فوق السطح تع السبيطار و طونوبيلات كبار وكحولة ... حبطو منهم رجال لابسين كلش كحل ورافدين سلاحات...
العسكر رفدو سلاحاتهم وووقفو في وجهم...
part 24 ^^
Start from the beginning
