الله يرد خطاك
لدروب خلانك
لعيوني ما تنساك
لو طال هجرانك
دام الأمل موجود
و النفس خضاعه
حتى العيون السود
في السمع و الطاعه
الله يردك لي
يا مطول غيابه
يا معذبي الهجري
مدري وش أسبابه
ياللي بعدك اليوم
نبكي على باكر
صبري عليك يدوم
ما دمت أنا فاكر
دام الأمل موجود
رماح كانت واقفه بعيد .. لما شافته طالع دق قلبها بقوه ..وتاكدت انه راح .. راحت هيه تدور ع اللبيوت ..ومشت ومشت وكل بيت تدق بابه بقولها انهم مو محتاجين ولا يعطونها فلوس ع بالهم طلابه ..واللي واللي... تعبت من المشي صار اكثر من عشر بيوت يردونها خايبه .. توهقت ما عرفت انها السالفه صعبه كذا .. قامت ومشت ومشت كثير لحد ما وصلت حاره كل اللبيوت فلاااات .اللبيوت كل واحد طابقين ولا ثلاثه .. انصدمت تمت تناظر اللبيوت ..وهيه تشجعت اكثر انهم هوامير وراح يمكن يرحمون حالتها .. اول ما وصلت في نص الحاره انصدمت من الشباب اشكالهم ما يطمن موليه.. ولا سيارته افخم من الثاني .. ضربت اول بيت .. وبعد نفس الشي عطوها فلوس ..وهيه ترجع اللفوس لهم .. وتمشي عنهم شوي وتبكي ..وبعدها جلست عند بيت طابقين ..ومسكت راسها بحزن .. والشباب اللي واقفين يناظرونها ويتهامسون
شافتهم قلبها ضرب بقوه من الخوف قامت وضرب الباب حق البيت اللي جمبها ..وسمعت صوت بنت
البنت من وراء الباب : من عند الباب ؟
رماح بتوتر وربكه وصوت ناعم حيل : انا انا
البنت باستغراب : من انتي ؟؟
رماح بتوتر وهيه تشوف الشاب يقربون قالت بسرعه : يا الاخت بطلي الباب بسرعه هذلا يتبعوني
البنت خافت بسرعه بطلت الباب .. ورماح بسرعه دشت وما صارت تسمع اللي برع غير صوت ضحكهم العاليه
رماح خلت ايدها ع صدرها وتنهدت براحه : اآآه الحمدلله ..(وناظر بالبنت وابتسم لها ) مشكوره وايد
البنت بتسال : العفو .....بس من انتي ؟؟
رماح بتردد : انا والله شنو اقولج .. (وبعدها قالت بسرعه ) والله انا جايه ادور ع شغله
البنت زاد استغرابها :شغله !!! مثل شنو يعني ؟؟
رماح تبلع ريقها :يعني .. مثل اشتغل في اللبيوت
البنت ابتسمت : اهااا .. (مسكت ايد رماح ) تعالي معاي . راح اكلم امي وابوي
رماح فرحت ..
ودخلن في الصاله رماح بلمت من البيت كان فخم بمعنى الكلمه ..وسحبتها البنت وجلستها في الصاله
البنت بفرح : لحظه ثواني راح انادي امي..
رماح هزت راسها بموافقه..
وراحت عنها البنت فوق ..صارت رماح تتامل المكان بتعجب!!! .. شوي جات البنت معاه بنتين وامها وابوها ..
رماح وقفت بسرعه : السلام عليكم
الكل : وعليكم السلام
وجلسو في الصاله ..
الام :نعم يا بنتي بغيتي شي ؟؟
رماح بربكه :والله يا خالتي انا ادور ع شغله من فتره يعني اشتغل في اللبيوت ..
الام : اممممم ..خير ان شاءالله بس ع شروط
رماح بفرح : انا موافقه ع كل شروطج ..بس المهم اني اشتغل
الاب باستغراب : ليش مصره كذا ع الشغل .. ؟؟
رماح نزلت راسها بحزن : والله يا عمي ما راح اكذب عليك بس اختي مريضه بمرض السرطان في الراس ولازملها العمليه .. والعمليه تكلف فلوس وانا ابي اساعدها
البنات بحزن : حراام ..ان شاءالله راح تتشافى
الاب بحزن :ان شاءالله .. بس وين امج وابوج ؟
رماح " ليش بعد هذلا الاسئله كلها اوووف " بحزن اكثر شوي وتبكي : امي ماتت من فتره من ولدت اختي الصغيره.. وابوي مات بحادث ..وما بقينا غير انا واخوي واختي
الام بحزن وقامت وجلست جمبها وحظنتها ع الجنب : لا تحاتين يا بنيتي ان شاءالله اختج راح تقوم بسلامه ..
رماح نزلت دموعها : ان شاءالله
الاب قام : انا راح اتركم عندي شغل برع
الام : الله وياك ..
طلع الاب والبنات نطن عدالها..
البنت بلقافه :اممم انزين بعدي الشيله عن وجهج
رماح وبعدت الشيله عن وجها ..ومسحت دموعها .. الكل انصدم من حلاتها
الام انصدمت " معقوله لالا مستحيل " قال بتسال : من اسمج يا بنيتي ؟؟
رماح بابتسامه : رماح يوسف ال......
الام انصعقت من اسمها " يا المصيبه ..يا ويلك ويلاه والله الدنيا صغيره" مسكت رماح من جدوفها وحظنتها بقوه : سمعيني يا بنتي انتي اعتبري نفسج بنتي ما وحده غريبه ... (وبعدتها عنها .ورماح مستغربه منها ) وانا اول شرط معاي انج تعيشين معاي .. لحد يجي وقت العمليه ..هاااه شنو قلتي ؟
رماح انصعقت : لا خالتي ما اقدر ..يعني انتي تعرفين اخوي بروحه في البيت واختي في المستشفى والله السموحه منج
الام بحزن : لا كان ع اخوج فهواء كبير ويعرف يدبر نفسه .. واختج لا تحاتين راح كل يوم نوصلج المستشفى علشان تتطمنين عليها
رماح استغربت " كيف عرفت انه منصور كبير انا ما قلتلها " : خليني افكر .. وارد لج خبر
الام بفرح : ع خير ان شاءالله ..بس اليوم ترجعين بيتكم وتتفاهمين مع اخوج وتردين لي خبر انزين
رماح بابتسامه :ان شاءالله
الام بابتسامه بشوشه :ولا تاحتين راح نعطيج فلوس اضعافه مرتين
رماح فرحت كثير ما توقعت راح يتسهل لها الموضوع كذا قامت وحبت راسها : مشكوره خالتي كثير
الام وهيه تقوم : انا اتركج مع بناتي
وراحت عنهن ...
البنت بفرح وتوقف جام رماح : انا اسمي لمى
والبنت الثانيه نطت جمبها : وانا اسمي ليالي>>> (اظني بانت الصوره الحين )
البنت الثالثه جلست جمب رماح وبابتسامه عريضه : واانا اسمي قمر
رماح بابتسامه : عاشت الاسامي ..
الكل : عاشت ايامج
رماح تناظر لمى وليالي : انتن تؤام .. صعب الواحد يفرق من بينكن
لمى تمسك شعرها اللي جابتنه ع اليسار : انا عرفيني اني انا لمى بشعري دايم يسار
ليالي :وانا عكسها باليمين ..
رماح : ههه بس خلاص كذا انا راح افرق من بينكن
ليالي بتفكير : انا سامعه اسمج وين ؟؟ بس والله ما اذكر ابد
لمى بتفكير : آيه والله .. لا يمكن مجرد تشابه اسماء
ليالي ترفع كدوفها : يمكن
ومسكن رماح وصارن يفرفرن فيها البيت بكبره ...
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
قصر عزام ... الساعه 5:45
كانت في غرفتها وقافله الباب ..وجالسه ع السرير وتتكلم في التالفون ..
اثار بابتسامه : شخبارج لبونه ؟
لبنى بزعل : اثار ليش ما رديتي ع الرساله .. جلست انتضرج وما رديتي علي
اثار استغربت :سوري حبيبتي ما شفتها
لبنى : ااهااا..انزين قوليلي شنو اسويله كمت ع نفسي ..دبريني
اثار توقف : تجهزي الحين انا امرج
لبنى بفرح : تمام .. خمس دقايق وانا جاهزه
خلصن كلام ..اثار كل اللي تسويه عناد في عزام " ان ما وريتك نجوم الظهر ما اكون انا اثار .. انا تنزني من شعري وترميني برع .آآه ..ان ما خليتك تكره نفسك بس اصبر علي" راحت وبدلت ولبست (بنطلون جنز اسود ..وقميص ابيض عليه كتابه بلون الوردي بدون اكمام يوصل لعند فخذها وفوقه قميص لتحت الصدر له اكمام طويله لونه اسود جنز .. وله جيوب ع الصدر .. وبوت لونه اسود يوصل لتحت الركبه خامه جلد يلمع .. ولفت شعرها باهمال وجذلتها ع جبينها ) ولبست العبايا ولفت الشيله ..ومسكت النظاره ..ومسكت شنطت ايدها وخذت التالفون ..وطلعت
وركبت الاصنصير شوي وارتفع ع فوق .. اثار استغربت وكبست ع زر اللي ياخذ تحت بس رفعها ع فوق الطابق الثالث .. وتفتح الاصنصير ودخل عزام استغراب يوم شافها
(عزام كان لابس شورت ابيض وقميص كحلي له نص كم ومن جدام له سحاب ..ومبطلنه شوي ..وكاب مال صوف لونها كحلي ..وفي ايده نظارته ومفتاح سيارته والمحفظه والتالفون ...)
عزام يناظرها من فوق لتحت : ع وين ان شاءالله ؟؟
اثار لبست نظارتها وشنطتها بكل غرور ولا ردت عليه:..............
عزام بعصبيه شووي: هاي انتي ما تسمعين ؟؟
تبطل الاصنصير ومشى عزام واثار في نفس الوقت ..
عزام بعناد : انا اللي بطلع اول
اثاار تناظره بنظرات استحقار : السيدات اول
عزام ضحك عليها : السيدات هههههه وين السيدات وين انتي ..(دفه ع كتفها ..وبتعدت اثار عنه بعيد )
اثار عصبت منه ..كان عزام بيطلع بس مسكته من قميصه وشدته بقوه لداخل الاصنصير .. وكانت بتطلع .. بس تحرك عزام بحركه سرريعه وشدها من شيلتها ورجعها ع وراء
عزام بعصبيه : قلت انا اللي اطلع قبل ..
اثار تعدل شيلتها بعصبيه : وانا قلت انا اللي اطلع قبل ..
عزام كان بيطلع بس مسكته اثار من شعره من الخلف اللي طالع منه شوي من تحت الكاب وشدته بقوووه ورجعته ع وراء .. عزام فول من العصبيه منها .. اثار ركضت بتطلع بس بسرعه حوطها بايده ع خصرها ورفعها ع فوق ورجعها بعصبيه للخلف ...
اثار بصوت عالي :عزام بلا مصاخه انا اللي ركبت قبل وانا اللي اطلع قبل
عزام بعصبيه منها ويرتب شعره : العرب اللي يطلعون اول .. عيب البنات تتجدم بخطوه وحده عن العرب .. انتي شنو ما تفهمين
اثار تناظره بنظرات غريبه وبعدها قالت : انتي متاكد انك ريال .. هههههههههه وبعد والله يحسب نفسه من العرب
عزام بطل عيونه ع كبرها وبعدها قال ببرود ويتجدم منها : هه استاذه اثار انتي شاكه فيني مثلا
اثار هزت راسها بايجابيه وغمضه عيونها
عزام صار مجابلنها وقال بهمس :اممم تبين تتاكدين بنفسج
اثار طيرت عيونها في عيونه :شنو تقصد ؟؟
عزام ابتسم ابتسامه خبث :قصدي مفهوم ما يبيله شرح
اثار عرفت شنو يقصد "صدق انك قليل ادب وما تستحي ع وجهك " : صدق انك نذل وخسيس ..(ودفته كتفه وبعدت عنه وطلعت )
ومشت بخططوات متسارعه وعزام وراها .ودخلت الصاله اللي كان شكلها دائري وبعدها دخلت للممر اللي ياخذ لبااب الصاله الكبير ..وبطلت الباب بكل عصبيه .. ومسكها عزام من ايدها
عزام شوي عصبيه :انا قلت وين رايحه ؟؟
ااثار بعصبيه كبيره : اروح من وين ابي اروح انت مالك دخل فيني
عزام قال ببرودد : اوكيه روحي بس السواق انا اللي اباه .. والبدقارد ما راح يروحون معاج .. يالله روحي
اثار عطته نظره استحقار وطلعت عنه .. وطلعت مفتاح سيارتها من الشنطه ..
اثار تمشي للجرار : منت الله ولا منتك انت يا الخايس
عزام واقف ويناظرها : روحي (ورفع ايده يدعي ) يالله بحادث ولا شي مثل هذا
اثار بطلت عيونها ع كبرها وناظرته وبعدها : هههههههههه بايخ دعواتك ما ترتفع لحد صبعك الصغير ..
(اثار تعرف تسوق من كان عمرها 17 سنه .. وبعدها تركت السواقه ..عند فقدان نظر عيونها .. بس لما رجع لها نظرها كل ما يطلع عزام من البيت ..تركب سيارتها وتجلس تتمشى ع كبر البيت علشان ما تنسى كيف تسوق والحيانا تطلع من البيت وتفرفر فيهااا ع كبر الحااره ..)
عزام بابتسامه : عاادي
اثار ركبت سيارتها .. وطلعت وعزام ناظرها لحد ما طلعت وركب سيارته وطلع .. بدون لا يروح معاه حد من حراس الشخصيين ..
اثار راحت ع بيت لبنى.. وسوت لها رساله انها تنزل ..وطلعت لبنى وركبت السياره .. وفتحت لها محظر من الاسئله .. متى رد لج نظرج .. وكيف .. وشلون .. وليش ما قلتيلي .. وغيره الخ ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في باريس .. في الاوتيل .. في الجناح
شهاب جالس في الصاله .. وجمبه سعود
شهاب بملل: خالي
سعود بطفش منه : هلا .. وبعدين انا كم مره اقولك قولي سعود .. لا تقول خالي انا ما من كبري علشان تسميني خالي
شهاب بابتسامه باهته : انزين سعود
سعود بابتسامه وهو يكمل شغله في الاوراق اللي جداامه : هلا
شهاب خلا ايده ع خده : سعود متى راح نرجع اللبلاد .. والله طفشت هنا
سعود :ماشي رجعه الا يوم اخلص اموري كلها .. يعني بعد 7 اشهر .او اكثر .
شهاب تم ينافخ : اووووووووف
وقام عنه .. سعود يناظره ويضحك عليه ... شهاب دخل غرفته ورن التالفون
المتصل .. ( جينـار) .. وحده من خويات اللي في باريس
شهاب بملل فضيع : ياربي شنو تبي ذي بعد .. انا واحد ما فاضي (ورمى التالفون ع السرير ودخل يتروش )
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في بيت منصور .. كانت رماح ومنصور جالسين .. في الصاله
رماح :منصور ليش جيت عن ريا ؟؟
منصور : لا تحاتين باكر الصبح راح اروح لها المستشفى واجيبها . قال الدكتور عادي لو طلعناها .. لانه حالته صارت احسن ..
رماح بارتباك : اهااا .. منصور بغيت اقولك شي
منصور ناظرها باستغراب : قولي
رماح تبلع ريقها : اليوم انا حصلت ع شغل ..وبصراحه ناس طيبين كثيرر كثير .. وراح يعطوني اظعاف الراتب الشهري .. يعني راح نستربح كثير .. بس عندهم شرط
منصور عقد حواجب بتسال : اللي هو ؟؟
رماح تمسح ع جبينها :امممم .. هم يعني قالو (وتبلع ريقها )
منصور بشك : شنو قالو ؟؟
رماح قالت بسرعه : قالو انهم يبوني اعيش معهم لمده بسيطه .. ومنها يوصلوني ويجيبوني اني اشوف اختي .. وانت تجلس مع ريا .. وكل خميس وجمعه راح ارجع البيت
منصور :اوكيه وانا ما عندي مانع
رماح بطلت عيونها ع كبرها : هاااااااااااه
منصور ابتسم : شفيج يعني ما تبين اوافق عادي ما راح اوافق اذا ما تريدين ..
رماح بسرعه : لالالالالا .. بس خلاص وافق
منصور ابتسم لها : بس المهم انهم ناس طيبين .. وما راعين منيه منيه حركات
رماح : لالا .. بصراحه قلبي ارتاح لهم ..ما عليهم زود
منصور هز راسه باليجابيه : اذا تعرضولج ولا شي قوليلي .. ولا تخبين اي شي تمام
رماح ابتسمت : من عيوني لا تحاتي
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
بيت العم احمد ...
كانت حور ونور ..جالست في غرفت نور ويفكرن
نور تاكل بطاطس : حور تتوقعين جدج شنو يبنا نتجمع في المزرعه ؟؟
حور منسدحه ع السرير : والله ويش دراني .. بنروح وبنعرف ..
نور تناظر اختها : شرايج نتجمع الحين في بيت عمي عبدالله ..نخطط وكل شي بيكون ام الحماس
حور جلست ع حيلها : مشينا .. بس امي ما راح توافق ..
نور تقوم : خليها لي انا اعرف كيف اقنعها ..
حور تقوم : روحي ولا تتاخرين وانا بتصل ع البنات
نور بابتسامه عريضه : اوكيه
طلعت نور من الغرفه ..
حور مسكت تالفونها ..دقت اول شي ع ليالي ..
ليالي : الو
حور بابتسامه وتاظر ظفورها : الو ..
ليالي تناظر التلفزيون : اخبارج ؟؟
حور بطفش : انا تمام ولا يكثر هرجج .. انا متصله ابيج تقولين لخواتج انه راح نتجمع في بيت عمي عبدالله (وبابتسامه شيطانيه ) نخطط للمقالب اللي حبهن قلبج لما بنروح المزرعه
ليالي ابتسمت ابتسامه غريبه :ابشري .. ثواني وانا وخواتي بنكون في بيت العم .. باي
حور : باي
.. سكت عنها الخط وتصلت ع ميثاق ..
ميثاق :آآه الوه
حور رفعت شفايفها ع الجانب : الو شفيج ؟؟
ميثاق بعصبيه تبعد التالفون عنها :قسم بالله لو ما بعدت عني لا اخبر عليك امي
عبدالعزيز بابتسامه : ما راح ابعد الا يوم تقوليلي من اللي خذا فلوسي بسرعه
ميثاق رجعت تالفون ع اذنها :حواري لحظه شوي
حور تكتفت بطفش : بسرعه
ميثاق تكلم عبدالعزيز : عزوز روح وبعدين نتكلم انت ما تستحي ما تشوفني اكلم البنت ..
عبدالعزيز : مالي دخل .. بسرعه ابي فلوسي ..
ميثاق قامت بطفش منه وقال بصوت عالي : والله ما عندي يمكن خذاهن عبدالرحمن .. روح له
عبدالعزيز :محد .. رحت غرفته وما حصلته واتصلت ع تالفونه وما يرد
ميثاق بابتسامه : شفت .. يعني معاه وما يريد يكلمك علشان ما تقوله عن اللفلوس
عبدالعزيز بتفكير : تهقين
ميثاق :آيه روح له
عبدالعزيز : ياويله لو طلع معاه .. (وطلع عنها )
ميثاق بطفش منه ورجعت لتالفون : الو
حور بعصبيه : لو ما راجعه ..انا نمت وقمت وتعشيت ونمت وقمت وتسحرت وكل شي وانتي الحين تردين
ميثاق بابتسامه : ههههه حـــــور سوي والله حبيبتي لا تزعلين
حور بملل : اوكيه سمعي كلمي امج ..نريد نجمع في بيت عمي عبدالله
ميثاق باستغراب : ليش !!
حور :تعالي وراح تعرفين يالله باي
.. وسكت التالفون ... واتصلت ع ايناس .. ودخلت نور
نور بسرعه بفرح :قومي قومي .. امي وافقت بطلعت الروح ..
حور طلعت برع وتكلم التالفون : الو
ايناس بفرح : يا هلا والله بهذا الصوت
حور :ايناسوه .. الحين راح نتجمع في بيتكم كلنا .. بعد نص ساعه راح نوصل حن وبنات العم كلنا
اينا بفرح : جد والله
حور : آيه باي
سك الخط .. وتلبست بسرعه
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في السوق ..
اثار تشري الحلويات من كل لون ..وطلعن ومابقن مكان ما راحن له ..بعد تقريبا ساعتين .. صارت الساعه 7 ..
لبنى بابتسامه : حبيبتي اثار لازم نرجع البيت ..
اثار : اوكيه مشينا ..
: ع وين بيروح الحلو تو الناس
اثار مسكت ايد لبنى : لا تلتفتين .. خليه يولي
الشاب :اووووووه ..شفيه القمر ما يعبر .. عطنا وجه
اثار ولبنى وصلن عند السياره .. وفتحت الباب.. كانت بتركب بس تسكر الباب بقووووه بطلت عيونها بصدمه كانت بتتكلم بس مسكها واحد من الخلف ورص ع شفايفها بايده وحوطها بايده ع خصرها .. ولبنى من شافت كذا نحاشت بسرعه ..
الشاب بصوت عالي لخويه : الحقها لا تشرد
ركض وراها الشباب .. بس اختفت فجاه تم يناظر يمين ويسار وما حصلها
... مع اثار
اثار ترافس وتشمخ بايده بقوه وتبكي طاحت منها شنطتها والنظاره .. والشاب ماسكنها بكل قوته .. اثار رفعت رجلها وداست اصابع رجله بكل ما فيها من قوه بلبوت العالي اللي لبستنه ..
الشاب تركها وصار ماسك رجله تالمه وعصب عليها :يا الحقيره انا تسوين فيني كذا .
وركض وراها .. واثار تركض بكل ما فيها الشاب يركض وراها مثل الوحش ..ومسكها من شيلتها .. اثار تصارخ بصوت عالي ومن حست انه مسكها من شيلها بسرعه رمت الشيله.. وتبطلت البنسه اللي رابطه فيهاا شعرهااا وطاح شعرها ع ظهرها ..
الشاب ابتسم ابتسامه شيطانيه وهو يناظرها من فوق لتحت :هه وين راح تروحين .. (كان المكان فاضي في ذاك الوقت تقريبا عن الاذانات ..والكل لاهي )
اثار تخبت بين المواقف حق السيارات .. وراصه ع شفايفها لا تبكي وتطلع صوت وجلست بخيبت امل ..وتلومت انها لو ماطالعه ولو انها جلست في البيت .. احسن لها .. "ياربي شنو اسوي .. يارب انك تساعدني .. ياويلي والله احس انه روحي راح تطلع " تناظر المكان وتشاهق ..وراصه ع شفايفها ..وقامت وهيه تشوف ظلت الشاب قريبه من السياره ويتكلم ويتوعد فيها ..ورمت البوت اللي في رجلها وخلته تحت السياره وطلع صوت بسرعه رفعت راسها تناظر مكان الشاب .. بس ما حصلته .حست بايد تمسح ع ظهرها ..ماتت من الخوف .. قامت بسرعه
الشاب : ههههههههههههههههه .. وين راح تروحين وراج وراج
وصار يركض وراها كانه اسد مفترس ... وهيه تركض اسرع من قبل .. بس تفاجات من الشاب اللي صار جدامها وضربت فيه .. الشاب بسرعه حوطها بايده ..
الشاب الاول :ههههههههه مسكيتها تعال
الشاب الثاني :وين الثانيه ؟؟ اللي كانت معاها
الشاب الاول : ما ادري فيها .. هربت دوريتها وما حصلتها
اثار تبكي من خاطرها " ياااارب سااعدني يمــه .. وينك عزام .. " صارت تضرب فيها .. بس الشاب محوط بايدها وما نعنها عن الحركه .. رفعت رجلها وضربته في مكان حساس .. فكها وصار يآآآن من شدت الضربه
اثار كانها ما صدقت انه فلتها .. ركضت لكن وين كان الشاب الثاني وراها
اثار تصارخ : يآآآآآآآآآآآآآآآآآآآ نآس ساعدووووووووووووني ..
الشاب يركض وراها اسرع من قبل ..
اثار تعثرت رجلها بعباتها وطاحت ونجرح فك فمها جرح بسيط .. قامت ولا حست بشي .. فصخت العباه علشان ما تعيقها ..ورمتها وتركض بين السيارات .. الشاب اول ما شاف جسمها كيف متناسق ورشيقه بطل عيونه ع كبرها ووقف وما تحرك ظل يشوفها باعجااب .. واثار وقفت عند سيارتها ومسكت الشنطه وركبت بسرعه وهيه تبكي وتشاهق وما تشوف عدل من الدموع اللي في عيونها .. صار تفتش بسرعه ومرتبكه ع مفتاح السياره طلعته وطاح عنها تحت بين رجلها .. وصار تدوره بس تبطل الباب ورفعت راسها بصدمه ..
الشاب بابتسامه وعيونه ع كبر جسمها : هه ما قلت لج اني راح احصلج ..
اثار ببكي يقطع القلب وترتجف بكبرها : واللي يرحم والدك اتركني
الشاب :ههههههههههههههههه ما ابي عجبتيني .. بصراحه (ويناظرها بنظرات خبيثه) انا اول مره اشوف بنت بهذا الجمال ..
اثار صارت تبكي اكثر ومسك ايده شوي وتحبها : حرام عليك اتركني اتسهل ..انت ترضيها ع خواتك
الشاب بابتسامه هز راسه بلا
مسكها من شعرها ونزلها من السياره وهيه تبكي .. ورص بايده ع شفايفها ودخلها السياره وقفلها وشوي وجاء الشاب الثاني ..
الشاب الاول بعصبيه :هذي الكلبه والله لا اعلمها شغلها
الشاب الثاني بابتسامه : هد اعصابك .. انا اول راح اتصرف معاها وبعدها انت
الشاب الاول وهو يناظرها : اوكيه
الشاب الثاني بطل الباب الخلفي الي كانت فيه اثار وتبكي وترتجف بكبرها :انت سوق السياره
الشاب الاول بابتسامه عريضه :تمام
ركبو السياره وما صار ينسمع غير صراخ اثار العالي وبعدها انقطع .. وتحركت السياره
.. لبنى اول ما شافت السياره تتحرك من جدامها بسرعه طلعت من تحت سياره من السيارات .. وركضت وهيه تبكي من خاطرها ع صديقت عمرها وكل شي بنسبه لها .. وصلت عند سيارت اثار ومسكت شنطتها بايد ترتجف .. ومسكت التالفون .. ودوت بين الارقام ع رقم عزام .. اثار كانت كاتبه عليه (عزام الكريه ) ..صارت لبنى تبكي اكثر .. ودقت عليه ..
لبنى ببكي وصوت مخنوق ويرتجف : الو عزام الحق علي اثار انخطفت مع شباب ..
عزام انصدم وبطل عيونه ع كبرها ووقف بسرعه (كان في كافيه ) والكل التفت عليه : شنو .. من اللي خطفها ...تلكلمي؟؟؟
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
فوق البحر ..
كان شامخ ويزن ومصعب .. جالسين
مصعب : يزن شنو رايك تجي معنا المزرعه ..؟
يزن التفت عليه بطرف عينه :شنو ؟؟
شامخ يايد مصعب :ايواا .. انت ونصر وناصر نبيكم كلكم
يزن ضحك بضحكات استهزاء : ههههههاي ضحكتوني .. لو انا كان بعدها اهون لكن نصر وناصر مسسسسستحيل يروحون ..
مصعب : شوف الاناني .. حن نبيهم وما نبيك انت
يزن : هههه.. اصلا ما راح يرضون انهم يجون وياك
شامخ بشك : يزن .. قول انك ما تبيهم .. بعدين انت حتى ما كلمتهم او شاورتهم .. تتكلم عنهم وكانك تعرف شنو راح يقولون
يزن بجديه: انزين الحين انت وياه تعزمون وتتكلمون .. جدكم شاورتوه انه راح نجي .. ويمكن ما يرضى
شامخ بابتسامه : ولا يهمك انا راح اكلمه الحين
يزن بابتسامه : صدقني ما راح يوافق
شامخ بابتسامه تحدي :تتحدى ..
يزن :آيه اتحدك لو وافق
مصعب بابتسامه ويرفع ايده ع فوق : آآآآه اسمع اذا وافق جدي راح تجي انت وخوانك معنا غصب
يزن بابتسامه :بس خلاص اتفقنا ..
شامخ طلع التالفون .. ودور ع رقم جده .. وحصله واتصل وخله سبيكر
الجد بصوت فخم : الو
شامخ بلع ريقه : الو اخبارك جدي ؟
حيدر باستغراب : بخير .. بس من معي ؟؟
مصعب ويزن ناظرو بعض وشوي ويضحكون
شامخ رفع حاجبه اليسار :انا يا جدي شامخ عبدالله
حيدر بابتسامه عريضه : يا هلا والله بشامخ .. شلونك يا ولدي ؟
شامخ بهمس : لوني ابيض مدري والله برونزي ..
مصعب ويزن ماتو ضحك بس بهمس بدون لا يطلعون صوت
حيدر : شنو عل صوتك ما اسمع
شامخ بابتسامه ع الشباب :انا بخير يا جدك .. اخبار جدتي ؟؟
حيدر بابتسامه : والله بخير .. ما نقصنا غير شوفتكم .. عاد ما اوصيكم نبيكم كلكم من صغاركم لكباركم ..
شامخ : ابشر من عيوني .. لكن جدي انا ابي منك طلب اذا ممكن .
حيدر : من عيوني قول ؟؟
شامخ بتردد : جدي والله ابي انا اجيب خويي معاي للمزرعه وهو وخوانه اثنين .. هااه شقلت ؟
حيدر سكت شوي (ومصعب ويزن وشامخ كل واحد يناظر الثاني ) وبعدها قال بابتسامه عريضه : مرحبابهم المكان مكانهم ..
شامخ بابتسامه كبيره : جد والله .. مشكوررر كثير ..
حيدر :العفو .. يالله يا ولدي اانا اتركك الحين عندي كم شغله اسويها .. سلم عليهم كلهم
شامخ : يوصل ان شاءالله
وسك عنه.. واتفقو الشباب انهم كلهم يروحون .. ويقضون احل الاوقات هناك ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في حارة منصور ..
رؤى ورونق .. جالست في بيت رونق
رونق بضيق : رؤى قولي لاخوج لا يقرب صوب باب بيتنا لحد ما نتزوج
رؤى باستغراب : افااا ليش ؟
رونق بضيق اكثر : ما ادري ساليه .. شنو سوء والله ما يستحي
رؤى بطلت عينها ع كبرها : رونق خوفتيني شنو سوء قوليلي
رونق ناظرت برؤى : انتي وين راح تفكيرج .. ؟
رؤى ردت طبيعيه : هاااه .. ولا مكان بس قوليلي علشان اخبر عليه وخليه ما يطب هذا المكان موليه
رونق حمرن خدودها وهيه تذكر اللي صار معاها الصبح : هاااه ولا شي .. بس خلاص انسي الموضوع
رؤى رفعت شفايفها ع جانب : والله محد يعرف لج انتي وياه ..
®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
في حارة منصور ..
رؤى ورونق .. جالست في بيت رونق
رونق بضيق : رؤى قولي لاخوج لا يقرب صوب باب بيتنا لحد ما نتزوج
رؤى باستغراب : افااا ليش ؟
رونق بضيق اكثر : ما ادري ساليه .. شنو سوء والله ما يستحي
رؤى بطلت عينها ع كبرها : رونق خوفتيني شنو سوء قوليلي
رونق ناظرت برؤى : انتي وين راح تفكيرج .. ؟
رؤى ردت طبيعيه : هاااه .. ولا مكان بس قوليلي علشان اخبر عليه وخليه ما يطب هذا المكان موليه
رونق حمرن خدودها وهيه تذكر اللي صار معاها الصبح : هاااه ولا شي .. بس خلاص انسي الموضوع
رؤى رفعت شفايفها ع جانب : والله محد يعرف لج انتي وياه ..
