خيال الكحيلة

بارت الثامن عشر

صاحت الحجية ام ضرغام تعاي يمه اركبي ويانه ماكو فرق
اني بالنص واكفه شفت اني صاعده وام ذياب صعدت
كتلن لا اني اروح ويا ليث.. صديت على ليث مشة حرگ سيارته

ذياب... هسه مافهمنه تمشين لو لا ... عيني ست كحلاء تره اخنا بالشارع...

ام ضرغام ... يمة تره طولتيهاااا تعاااي عاد...

دحكت ذيج السياره مشت وهين الكل يصيح عليه ...
صفنت خاف تصير طلبه ...

جان يعيط ذياب ...اري اشوووف هي منعول  والدييين يحب طلعه السوك . ويا النسوووان ... اصعدي عاااااد ست

خفت منه ركضت كتلو اي راح اصعد... فتحت الباب وصعدت ..
الحجية ام ضرغام صاعده لجذام واني ومنال ليوره ...

صرت بالضبط وره الكشن الي كاعد عليه ذياب... سلمت وكعدت
شغل السياره ومشة ...

كال هذا ليث يمشي سريع ... ادري شجايه ...

اني يحجي وعيني عالتلفون ... فتحت القفل ...
صفنت .. اكول السلطان لني ويا ذياب... لو لا

ياربي والله يمكن مايقبل... لا خاف اكله وتصير مشكله ..
خل اصل السوك اتفق وياهم محد يجيب طاري جدامه ...

رجعت التلفون بالجنطة .. رفعت راسي .. عيني عالمرايه
لين ذياب عينه بعيني....  حاول يخفي نظراته  اني صديت .. عاشارع ... جان يشغل اغنية ...

عليكم جذب الكال اني مرتاح
ياراحه البلياكم تجيني
العطش ذبل اشفافي
وعافني وراح
متت لكن  روني دموع عيني
شلون ارتاح واصبر يلبعيدين
وانا بفراكم مانامت العين
اتمنى  اني طير وعندي اجناح
وياخذني وعليكم يوديني
بدون اعيونكم شيفيد عمري
اذا افرح دمع دمعاتي تجري
ليالي أتمر علي كليله مانام
شوفتكم حلم ظاع ويه الاحلام
حبكم بلقلب مايوم ينزاح
وعلى أبوابكم ظاعت اسنيني.. اني صافنه واسمع ..

ماكدرت ارفع عيني بعينه ... ماعرف اذا جان متقصد يشغل هاي الاغنية لو جانت صدفه...
انداريت على منال  حجيت بصوت كتله دداومين ...

_ اي اكيد ... بس  هسه واهسي بالدارسه مو مثل قبل

_ لاااا حرامات ليش.. ..

رفعت راسها وبحاجبها اشرتلي على ذياب..

قربت راسي كتله شبي ذياب وياج ..

مابي بس اهجس گلبه مو ويايه ...

تحاجيني جريت حسرة شريد اكول الها ... ياربي والله قهر
كتله لا حبيبتي انت ذكيه حاولي تكسبين گلبه الج

يحبج هو مو...

رفعت راسي عليه ... ماعرف بعد شنو اجاوبها ... بس اهجس گلبي انكسر نصيييين
كتله لا حبيبتي ذياب ماحبني  شبيج  ابتسمت كتله شوفي شلون ودانه حتى تاخذين ملابس وتتزوجون فكيها عاد انتي وافرحي اليوم
جهازج ...