منطوية

part 23 ^^

شفتها تبسمت و كملت تهدر معاه..

حايهبلوني

حطيتلهم ديساغ...

كنت واقفة نساربيلهم فيه حتى تروح التريسيتي... انا حقيقة تخلعت بسكو جااامي راحت هنا... درت نحوس على كاش وحدة تخدم معايا بش نروحو نفيريفيو الكونتور... حتى نشوفهم مدخلين پاتيسري كبيرة... و لبنات لي يخدمو معايا رافدين پلاكات مكتوب فيهم : "اذا تقبلي تتزوجي بيا هنوشتي" ...شعلو الضو و نلقا سي جواد قاعد فالارض وجابد باطة تع خاتم و مدورو لهانية

قاللها : هانوشتي تقبلي بيا ؟

انا تما قلبي خبط بسكو مابانش حس الاخت المعنية بالامر ولي تفكرت كي قاتلي نضربو بطبسي نورمال

درت ليها صبتها مخرجة عينيها قريب يطيرو في الارض و عينيها معمرين بالدموع ... بقيت نسنا السوغة لي حاتخسرلها حياتها....  وقفت قاتلو : ايه نقبل...

*تنهدت*اون فااااااااان ....بداو كامل يزغرتولهم... كي دارلها لخاتم عنقاتو و كانت ميتة بالضحك و الدموع يطيحو...  حمد لله جازت سالامات ودارت ليا و بقات تعنق فيا....

فرحتلهم ربي يكمللهم مي.... كيفاه خباو عليا فالريسطو... علاه ماقالوليش!! كيفاه عرفو ...ايه خلاص خدايم هذاك سيد شهام و مرتو ريهام سور شافوني صبح هنا كي جاو بش يوجو هذ الپاتيسري..خافوني نهدر وصاو لبنات عليا... علابيها ليوم مابانوش

معليش المهم جازت بخير هذاك هو الصح... راحت هانية و جواد و انا كملت خدمتي كي كملت رجعت لدار و كنت فرحانة من قلبي بسكو هانية طفلة بزااف ناس ملاح و تستاهل كل خير...

........................................................................

{6:00}: Am

••• فطنت على صوت الرافاي ليوم نخدم...فالسبيطار!
تفكرت ديراكت د.عبد الوهاب تقعدت نجري...

يخاااااه كنت نوم هذ ليومين ولا واش !!

هانية تخطبت و د.عبد الوهاب قالي نردك تحبيني بصح ماقاليش اذا هو يحبني ولا لالا... علااش ماقاليش؟

اه راسي وجعني مالتخمام.... نضت مزال عندي الدوخة هذيا عيَّاتني كنت نسڨم في فراشي بش نبدا نوجد روحي حتى نسمع ماني تتقيا
خرجت ليها لقيتها تتقيا فالارض تع الكولوار... رحت جبتلها بيدون و صابون بش تشمو... كي كملت نقيت لحالة

منال : قتلك راكي كبيرة وليسطوما تاعك ماتحملش هذوك المواكل و الڨاطوات...

ماني : بلعي عليا قالك علم وليدو الصلاة سبقو للحصيرة... روحي جيبيلي دوايا

رحت مديتلها دواها نقيت الارض... و بديت نلبس ...راني روطار علاجالها ، مي معليش خطرة فالغرة مايصرا والو... نستقهوا تما