عشق المُعممِ

الاخيرة

رجع بوسني بقوه ادفعه ماكو انوب حلكي احسّه تخدر..

صهيب.. يا يمه غير تذوب بين شفايفي هل شفايف..

ضربته بكتفه بخجل بالكوه نزلت جوه اريد اشوف شنو جايب .. وعفته فوك وحده يصرخ تعاي.. خبل والله.. مو صاحي.. فتحت العلاكات كلها ماركه اكل وملابس إليه وشغلات نسائيه ..كلهن فضيحه!

- صخام الصخمني "!!

رفعت وجهي اله نزل وهو لابس بدي اسود وبجامه سوده.. غمز وهو يقترب..

صهيب.. عجبتچ المفٱجاه.. ؟

ساره.. صدك تحجي جايب ذني.. رفعتهن كدامه..

ضحك..

- غير عليچ يطلعن يملخن.. شنو حبيبتي تخجلين معرفتچ منو قبل شويه بالحمام ذاب بين اديه.. !

ضربته على حلگة بخجل لزمني من ايدي بوسني منها..

صهيب.. بداية جديدة.. ؟ مو لخاطري لخاطر ابنآ تعبت ساره اني واريد ارتاح بين اديج وبحظنچ.. محتاجه الچ بكل خطوة اخطيها.. ولا تساليني على ماضي وحاظر إليه إحنـا ولد اليووم...

ساره.. بس خايفه صهيب منك ترجع مثل قبل و !

سكتني وايده على شفايفي..

صهيب بهمس.. لچ ما سمعتي قبل شويه احبچ لو صدك ذبتي بين اديه.. خله ايده على گلبه.. هذا ما نبض غير بس الچ جبتي راس صهيب بكل سهوله.. احبج يا بنت الحلال... حسّي بيه..

ساره.. اخاف ترجع مثل قبل وتـإذيني ..والله هل شي مو بيدي.. انطيني فرصه اجربك واصبر عليه شويه..

تنفس بقوه..

صهيب ..ماشي راح انطيج صبر بس تعيشين هناً ممنوع ترجعين لبيت امچ..

ساره بتوتر.. لا صهيب هل شي غلط لأن انت ما احترمت امي ابدا ورجعتني من وحدك هل شي غلط وبدايته هم غلط.. بـ الأصول كولشي ينحّل..

صهيب.. يعني؟ تريدين ترجعين؟ موو

سارة.. أي ارجع هسه لأمي وتجي الها ترجعني منها بس بـ الاصول احسن طريقة... شكلت؟

رفع حاجبه.. " امچ ما طيقني الف مره اجيت ارجعج طردتني من الباب مثل الخبله..!

ضربته على ايد..

- لا تحجي هيج عليها! هي لخاطري وعلمودي تتصرف هيچ..! وبعدين انت اذا تجي بـ ألاصول وبكل إدب تكلها عليه ترجعني صدك وهسة هم لأن حامل كبر إلامل برجعتي..

صهيب.. ذبحتني بـ الإصول.. تنهدت.. ماشي راح اخذج هسه واكلها اريدها ترجع ويايه.. مدام بعدهي مبدلة شتكولين عمتي الحبيبه...

- صهيب!!!

ضحك " احترك صهيب كـومي خلي اكل لـگمة ونشوف شلون تاليها وي امچ..

كمت داحضر المواعين اشو جرني لصدري..

- شكوو! ؟

- خليني إكـل وين رايحه..