جيت رايحة حكمني ونحالي كارني لي فيه الطلبات وقالي نعاونك شوية ليوم باش اومبعدا نتعشاو كيف كيف ...
منال : لالا... ما...
ماخلانيش نكمل هدرتي مشا ...راح للكوزينة مد الطلبات لي يطيبو وبداو يساربو وهو يوصلهم
كي شفتو يسلكها كملت معاه....
كان مول شي يتفرج مالبعيد ماقال والو بسكو السيد ناس ملاح صح يتقلق تمتم مي حنين... يزعف شوية ويولي يحلل و يرقع...
المهم جاز لوقت فالخدمة حشمت بسكو حسيت روحي عيت د. عبد الوهاب معايا ...د. عبد الوهاب متقن للعمل مالڨري جامي خدم فريسطو مي راه يبان يعرفلها مليح... مام لغاشي كامل عجبهم و يضحكو معاه....
مافهمتش اذا كي راهو يتصرف معايا هك معناه هو تان نعجبو ولا مجرد اهتمام بطالبة عادية....
خفت نتسرع فالحكم عليه بلي اعجاب و يخيب ظني انا ملي كنت صغيرة ندير الف حساب لعلاقة قبل مانبداها مالڨري مادخلتش كامل فعلاقات هكا...مي نقدر نتوقع اسوء سيناريو ممكن يصرا باش نتجنبو... علابالي تقولو يعيي هذ التخمام مي هذا علاه يسموني منطوية ... انا مانسميهش إنطواء نسميه حدود الامان نديرهم بيني وبين الناس ...
سلكنا لحالة بقاو شوية عيباد برك يتعشاو... قالي ايا نتعشاو كيف كيف
منال : اتعشا انا تكون خلاتلي ماني عشايا
د. عبد الوهاب : اه هكا مانتفاهموش عاونتك وترفضي تعوضيلي تعبي بطلب صغير كيما هذا
منال : اوكي ...
فففف يلعب عل المورال...
طلب لماكلة كلينا طاجين الزيتون و فريت...
كان يغزر فيا ويتبسم
منال : ....
د. عبد الوهاب : مممم ليوم شفت منال العادية مالف نشوف الطبيبة منال والفتك بالطابلية
هذي انا نقولهالو ملي نشفالو وهو بالطابلية
منال : علاه وشنوه الفرق !
د. عبد الوهاب : كاين فرق... تما نحسك بعيدة عليا...
تفرفشت كي قالي هكا... هذ السيد مايحشمش يهدر برك مافهمتش علاه يهدرلي هكا بأي اساس وش راه حاب يوصلي....
منال : مام الاء و يوسف كيفكيف...
حبطت راسي وكوفت روحي
د. عبد الوهاب : الاء... ويوسف؟
قلبي تزير ماعرفتش واش نقول لاول مرة فحياتي مانصيبش وش نرد تعقد لساني...
منال :...
د. عبد الوهاب : نسقسيك منال؟ ...سؤال شوية خاص...
منال : اتفضل
د. عبد الوهاب : ...هذاك لي تحبيه... راكي معاه ؟ علابالي انا استاذك وماشي من حقي نتدخل فحياتك الخاصة بصح راني حااب نعرف عليك كثر ...ههه بسكو نتي تلميذتي ونتقلق على حالتك الاجتماعية كطبيية مستقبلية*مفرفش*
منال: ووعلاش راك تربط حياتي الاجتماعية بخدمتي ؟
د. عبد الوهاب : بسكو هذو امور يقدرو يدمرولك حياتك المهنية ...
منال : لالا مارانيش معاه ساعداتك؟
د. عبد الوهاب : ههههه شحال تشنفي... ماتنسايش راكي تهدري مع استاذك ونقدر نعاقبك على هد التصرفات
منال : مانيش مشنفة قتلك وجهي خادم هك ديجا ماراناش فالسبيطار
د. عبد الوهاب : ههههه علابالك ملي كنت عايش فالخارج ماكانش عندي اهتمام فالبنات كامل بسكو بنات لهيه.... اكي عارفة... وكي جيت لهنا شفت بزاف بنات مي كيما نتيا جامي شفت. علابالك بدلتيلي حياتي... كي نكون معاك نحس روحي بنادم وحدوخر
حسيت سخانة طلعت لوجهي... وكرشي وجعتني وقلبي بدا يخبط تفرفشت ماقدرتش نخزر فيه ضاق فيا النفس وشنو هدا دخلتني الموت!!!
منال : علاشش تهدر هكااا اه ؟؟
وشبيك تحبني ؟! ااا سبحان الله اففف لي يسمعك يقول ما دال مع كاميليااا...
نضت وخليتو حال فمو... رحت نجري لتواليت حاشاكم لقيت وجهي حمررر.... حسيت بدوخا ڨراااف حسيت روحي شعرة ونفقد الوعي... غسلت وجهي حتى حسيت روحي وليت نورمال سڨمت روحي ...
غزرت فالمرايا بقيت نغزر فروحي ونقول : منال عبد الكريم تقبتيها ليوم باصيتي راحت حياتك المهنية ماراحش تشوفيه مرة وحدوخرا سورمون يكون راح دك... وكامليا علاه جبدتها هاااا ربي واش درت...
كاين هنا تاقة نخرج منها ولا نبات هنا خيير !
تنفست مليح وخرجت... شفت الطابلة فارغة... قتلكم راح... درت نغلق الباب لقيتو مكسل على لحيط تع التواليت كان يسنا فيا... كان وجهو ڨرااف سيريو اول مرة فحياتي نفشل كي نشوفو هكا
يا ربي سلكني...
د. عبد الوهاب : تبعيني!
...
part 21 ^^
Start from the beginning
