كي قتلها هكاك وقفت باش تزدم عليا و الجون لي معاها بدا يضحك ووقف يسلك انا كتفت يديا و بقيت نغزر فيها ببرود. ...وهي دير روحا تزدم عليا شغول تع ماتشدونيش وهي مادير والو...
جاو يجرو لي يخدمو معايا بداو يسلكو ...حتى نسمع صوت مألوف عيطلي حسيت لبرودة خبطتني لراس...
درت ليه صبتو...
د. عبد الوهاب حسيت السكر حبطلي فمي نشف قلت اووو دك حكمني فصام ول... ولات عندي حتى هلاوس...
بقيت نغزر فيه مشوكيااا ونخمم بلي مجرد خيال مي راني حاسة لحالة تع الصح
دنا ليا و قالي : منال! وشبيك ؟
كي هدر معايا تأكدت بلي ماشي تخيل و راني صح نشوف فيه و تبهدلت معاه فالشباب
منال : والو ...قست هذا الراجل بالماء مدامتو حبت توري روحا هذا مكان...
د. عبد الوهاب : هههههه ياسيدي نتي قبيحة وين تروحي تضاربي...
منال : لالا ماداربتش ... المهم دكتور وش راك دير هنايا؟
د. عبد الوهاب : اه هههه كنت حاب نتعشا برا بسكو فالدار ماكفانيش لوقت نطيب لعشا ... كنت مشغول و قريب منا قلت نجوز نتعشا ونروح لدار ...
منال : علاه نتا لي طيب ماكلتك ؟
يلعن اللسان لي نطق وش دخلنييييي
د. عبد الوهاب : هههه وي بسكو عايش وحدي انا والديا عايشين فالخارج انا كي كملت قرايتي هبطت لهنا وحدي...
منال : ...
كنت نهدر معاه حتى توقف عند راسي وحدة تخدم معايا قاتلي : منال ختيتو مالصبح و مول شي يشوف فيك ويقولنا اي تڨسر وهذا وين دارتلنا مشكل مع les clients ... غير كملي خدمتك قبل مايجي ليك
منال : ممم صحيتي ...
بففف استغفر الله ...لمرا لي لصقت فيا عندها الزهر سلكوها و جا د. عبد الوهاب بسكو كون لتيت بيها نخرجها بياس دي طاشي منا....
د عبد الوهاب : *قاطعلي تخمامي* ههه سمحيلي درتلك مشكل
منال: لالا ...مكان حتى مشكل... هاي طابلة ريح دك جيك وحدة تدي طلب تعك
د. عبد الوهاب : ونتيا وش حاديري؟
منال : راني نساربي عندي بزاف طلبات لازم نوصلهم و راني طولت...
part 21 ^^
Start from the beginning
