عشق المُعممِ

12

ابو سوسن.. استهدى بالله الياس .. كول يالله ابني

الياس .. لا اله إلا الله لك الحمد وشُگر على كل حال..

ابو سوسن.. تطلع ان اشاء الله بخير.. لا تخاف عليها ادعيلها بس.. بعد عمك اعرف هل شي صعب وهل يتيمة امانتك ومريتك.. واني اعرف شلون فرأك ياخذ العزاز...

الياس بجمود.. اني السبب .. عمي

ابو سوسن.. محد اله سبب ابني اكو شي اسمه قضاه وقدر وانت رجل مؤمن وتعرف كل زيـن انو الصار اختبار من رب العالمين.. نسيت من ماتت نورس بنتي شنو جنت تكول الية.. الحياة اختبار ويومياً على واحد امتحان.. والشاطر يحمل هل اختبار فوك اكتافة..

الياس .. الحمدلله على گل حال... عمي

انتظرت شي ساعه كامله واني افتر واگف باب العمليات منتظر خبر ماكو تأخرو هـواية.. انفتح الباب رحت ارگض..

الدكتوره.. الحمدلله على سلامتها كدرنا نخيط الجرح بس تحتاج تبقى بالمستشفى لراحه شويه.. مره ثانيه... الحمدلله على سلامتها..

راح الدكتور سجدت بالگاع شُگر لرب العالمين.. الحمدلله ما قصر ويايه لك الحمد دائماً وابداً... طلعنها من الغرفة العمليات ونقلوها الغرفه كتلهم اريد خاصه.. الها .. شفت الفرحة بعيون عمي.. اعرف رواسي تشبه بنته الماتت .. شبه بينهم تقريبا بالوجه والبياض الله يساعده على ما بلاء.. خابرت البيت واني اسمع امي دگ وتلطم وتريد تچي..

- يا يمه و روح ابويه طلعتها زينه صارت.. لا تخافين عليها.. اني يمها..

- خليني چا اجي اذا زينه.. ولك الياس يمه هاي رواسي يبعد گلبي بية ولابيها.. ام وجه الحُلو ام گلب طيب..

بالگوه قنتعها انو احسن صارت.. وقفلته للخط رحت دخلت للغرفة ابـاوع عليها وجهه شاحب واصفر أيدها بشاش.. مديّت ايدي ورفعتها بـستها من جرحها..

- ليش شسويتي بنفسج.. هيچ ..

شعرها رأح واحسّ بگلبي راح ويا.. مديّت ايدي واني امسح علية بوستها من جبينها ورآسها وشعرهآ.. اعرف كل زين اني السبب بگل شي صار الها.. وسمعت كلامي.. اذا اني ما احبها ليش؟ احسّ بگلبي مثل النار عليها وخصوصاً من شفتها بدمها غارگه... احساس غريب بگلبي وروحي...

- يروحلچ فـدووه الياس.. وعشيرته ما استاهل ترا هل حبُ.. اگرهيني ابوية استاهل بس الحقد وعيونچ الحلوات...

___

لين.. ما افهمت شي واني اشوف رواسي غاركه بدمها ونازله علينا وشعرها مگصصّ مثل الولد ..شالها الياس واخذها بسرعه واني اشوف الخوف والرعب بعيونة والحمدلله تعدت على خير خابرنا گال طلعت مابيها شي...

سوسن.. يعني ليش هي هيچ سووت؟

ام الياس.. يا يمه ما ادري ..

لين ..خالة شوكت يطلعها الياس ..ماكال الچ؟