وقفت حياتي 🙃

وقفت حياتي بارت 10

يحجي صوته مخنوك  بدت اصواتهم تعله واحد يرد ع ثاني كتلهم ابصوت مخنوك امير امين كافي فدوه اروح الكم  كافي ارحموني كال امير ماشي زهراء بس ارجعي لاضلين اهنا كتله اي يلا بس روح لهلك كاله امين المن تروح حتّى تلزك بيها بعده امين مامكمل ضربه امير بوكس وكعه للكاع شفت امين طلع دم من شفته كم كام لزم امير دك بوكسات عمتي كامت اصيح وتفرغ بيهم اني رجليه ماتن اتخورست من المنضر ٱنتبهت علئ امير ايده بيها كانونه كامت تنزف ركضت علئ امين لزمته لبتوسل امين فدوه عوفه الخاطري كافي عوفه خطيه والله مريض شوف ايده تنزف عافا امين ركضت علي اني وكومته اناس تجمعت عليهم حتئ اشرطه اجت واني مثل

المخبله اركض لهاذه وركض لهاذه شايفين واحد من ينحط ابموقف كان هوه اسبب بيه اني كرهت نفسي ابهاي الحضه تمنيت الموت ولا صاير هيج شي شفت امير خشمه ينزف وامين كصته تنزف وشفته تنزف العالم مجمعه كلهه وكامت تسئل منو هاذه وليش هاد عليكم هيج اني ذكرت رقم سجئ رحت ركضت خابرته وكتله سجئ الحكي امير اهنا وتعاركو ويا هيه ضلت تلطم خطيه ورا ربع ساعة اجو اهله وعتذرو من امين وعمتي قبل لايجون اني من شفت ايده تنزف اخذت وصله ولفيته علئ ايده طبعا دخلو لسياج مابقو بشارع واني الف بيد امير لاحضت

بعيونه خوف وعتب وجهه شاحب جسمه نحلان كوه يكوم جنه شايب مو شاب بعمر الزهور كتله امير رجاء بعد لا تجي لهنا لاتسوي مشاكل شوف اصار بيك من ورا عنادك وعصبيتك هوه كام مايكدر يحجي كوه يتنفس صدك تمنيت الموت ولا شايفته ابهيج وضع ياربي دخيلك ساعدني لو تموتني لو تخلصني من المشاكل 😢
 ياربي اخذ عمري وخلصني من هاذه العذاب ماكدر اتحمل امتحانك اليه اجو اهل امير اخذو وهوه عينه عليه راح وهوه مكسور حتئ ضهره محني هسئ تكولين ليش ماترجعين اله او تزوجي اذا يحبج هيج راح اكلكم ليش لان اني العشت اليتم والحرمان من حنان ٱلام ولٱب اني الي انحرمت من طفولتي

وبرائتي نحرمت من كلمه ماما وبابا ماريد ينعاد اصار وياي نفسه وي بنتي اريده تعيش حياته عكسي مع ابوها وامها صح ابوها ابراهيم بس ماشافته ولا عرفته ابوها امين يعني اذا شفت بنتي هيج سعيده ومستقبلها بيدي وراح اتكمل دراسه وراح تاخذ حريته عكسي الي انحرمت من كلشي اكيد راح افضلها علئ راحتي اعرف امير يحبني من طفولته ومانكر اني حبيته بس لازم اضحي علئ مودها هيه اهم من حبي ومستقبلي اسفه امير خذلتك حتئ من اجيت كدام بابي تتوسل الله يسعده يستاهل الاحسن مني ٱنتبهت علئ امين صار كدامي وميخلي امير يشوفني عفته و دخلت مرن يومين ثلاثه واني ماطلعت من غرفتي ماريد اشوف اي شخص

نفسيتي اتدمرت 💔بس المشكله اجو علي وخالي محمد وجدي لان سمعو من ابو امير بالي صار واجو طبعا لاموني بالي صار وكالو لازم تحطون حد الهاي المهزله اني كاعده يمهم بس ابغير عالم واحد يحجي واحد يهدد واني ولا يمهم اخر كلمه ٱنتبهت اله من كالهم عمي احنه نريد نخطبها الامين على سنه الله ورسوله وعمتي نفس الكلمه رفعت راسي وكتلهم منو كالكم اريد ازوج كال جدي بابا زهوره نعرف انتي ماتردين بس لازم تخلين حد الهاذه الوضع لو ترجعين الامير خطيه والله كاسر خاطري لو تاخذين اهنا وتخلصينه نزلت ادموعي وكتله جدي والله ماريد ازوج اريد ابقاء وي بنتي وبس كالت عمتي وبنتج

لازم يكون الها ابو كال عمي بابا زهره انتي بعدج صغيره والحياة طويله كدامج محد يدوم لاحد يمكن كلامهم صحيح ويمكن لا اني اريد ابقاء حره ماتقيد ابشخص اشوف امين نضراته بيهن رجاء يعني وافقي دار وجهه الجدي وكال عمي خلوها علئ راحته اتفكر لاضغطون عليها كاله خالي اليمته يعني يا امين ترا المشاكل كثرت فشله والله زهراء بويه فكري واحنه كلنه اوياج صدكيني ماراح يتكرر اصار قبل هزيت راسي باي عفتهم وكمت صعدت الغرفتي مرت ايام واني نفس اتفكير اصارع بين عقلي وكلبي خابرتني سجئ وهيه تبجي كسرت كلبي كالت زهراء امير كلش حالته النفسية تدهورت لاياكل ولا يشرب ابوي حبسه بالغرفه دوم يبجي ويصيح باسمي كتله اسفه سجئ والله ماكدر اضحي ابنتي علئ مود نفسي

كالت افهمج والله بس هاذه اخوي ضلينه نبجي اني اوياها سديته من وخابرت اختي كالت صلي ركعتين وادعي ربج ونامي اذا بيه خير يقربه الج ان شاء لله وصدك سويت نفس ما كالت شفت امي بالحلم اجتني وجايبه فستان ايخبل لونه وردي كالت زهرتي جبتلج هاذه الفستان الي تحبي اخذي ولا تكولين لا هاذه كلش زين الج البسي ولا تترددين فزيت واني ابجي وحاضنه نفسي شفت اساعه 3الفجر رحت اتوضيت وصليت ركعتين الماما وقريت قرٱان كلش فرحت لان من زمان ماجايتني بالحلم ياربي مانفترق اني وبنتي هاذه كل الي اريده ماريد يتكرر اصار وياي البيسان نمت ع المصلايه !ما حسيت االه علئ لمسات بيسان وهيه تكعد بيه ركضت بدلت اله

ونزلت اعرفه جوعانه شفت اساعه 8ونص كاعدين كلهم ماعرف ليش احس هشام متغير مايضحك مثل قبل وذا شافني يدنك راسه ستغربت كل مره صوته واصل السابع جار 😂خلصو وطلعو رحت يم عمتي كتله اني اموافقه ازوج امين هيه فرحت وبنفس الوقت حزنت وبجت اني بجيت وياها اعرف احساسه شنو كالت شوفي حبيبتي والله كل هاذه المصلحتج ومصلحه بيسانه اريدج تهتمين ابنفسج وزوجج وتنسين كلشي يخص الماضي ترا امين كلبه طيب ويحبج هوه الي كالي اخطبيها ماريد نضراتي تكون. محرمه الها يابنتي اخذ الي يحبك ولا تاخذ الي تحبه امين يحبج وشاريج كتله ان شاء لله عمه بوستني وكالت العصر نطلع اني اوياج نشتري الج

فستان للملجه ماردت اردها وكسر خاطرها كتله ماشي الي تشوفي كالت الغرفه لازم نغيرها الكم ماتبقاء نفسه روحي انتي وامين اختارو الغرفه حسيته حيل فرحت يمكن تريد تكفر عن ذنبها من خطبتني لبراهيم بس هيه ماله ذنب هاذه كله ذنب اهلي اووف احس نفسي جني عجوز صاحتني بنين كالت ها ولج بشري عاد ملينه ترا خطيه امين راح يموت من وراج كتله هاي هيه ولج وافقت هيه هلهلت ركضت عليها وسديت حلكها فضحتنه الخبله ولج عيب هسئ وقته عمتي منا كالت ايي يختي خلي نفرح متنه من المشاكل ولج حكه امين من

يذوب اشو انتي ملكه اجمال كتله دنجبي عشتو ولج صايره جني عجوز هاي ام عصه اتطير هيه ماتت ضحك وغمتني 😂وبدت تطلع اليه بالفساتين وتسريحات واني بالي مو يمه كلش بالي شلون راح ابقاء وحدي ابغرفه وحده وي امين 😶