مي ماننكرش بلي علاجالو قلبي ولا يخبط فور و صح يقلقني مي يعجبني لحال كي هو الوحيد لي يتقبل ردات الفعل تاوعي
جامي قالي متكبرة و لا معقدة ولا منطوية
دايمن يقابلني بابتسامة...
راني خايفة يعرف هذ المشاعر من جيهتو يبعد عليا راني خايفة انا نحسب هكا و هو دايرني كي ختو و لا يشوفني طفلة تشبه لروحو لقديمة و يحب يعاونها
الافكار تقبولي راسي
كان بعيد مي كي شافني غمزلي حسيت قلبي قريب يخرج من بلاصتو...
كمل طريقو معاهم...
ستقهويت بعقلي كنت نايضة بش نولي حتى يصونيلي التلفون هانية تعيط
تكون جات مدام ريهام
منال: الو! راني جاية
هانية : أوكي
كي رحت لقيت هانية تسنا فيا بكقدام لاشومبر... دخلنا ... كان مسيو شهاب متقن الدور كان مغمض عينيه و داير روحو مصروع مايفاجئنيش بسكو قتلكم مسيو فيلم هند...
المهم كانت هانية تحلف فيا باش نهدر مع ريهام واش وصاوني حتى نسمعو الهدرة برااا....
تفتحت الباب و دخلت جون فيي تترعد باينة ميتة بالرعب كي شفتها هكاك ماقدرتش نكذب عليها ماقدرت ننطق حتى كلمة... بسكو كون نخسرلهم خطتهم علابالي هانية تزعف تع الصح و مانيش حابة نزعفها، مي فمي حبس تع الصح بسكو غاضتني هذ الطفلة ماقدرتش نزيد نخلعها كان جواد واقف عند الباب ينبه في هانية و هانية تقرص فيا باش نقوللها واش وصاوني... بقيت نحارب فنفسي مالداخل حتى لحقو جماعة منهم كي حسيت لغاشي زاد ...نطقت بش نتهنا...
منال : نتي فرد مالعايلة تاعو؟
هزتلي راسها بإيه تبانلي فحالة صدمة
غاضتني مي لازم نكمل بش تتهنا بالاك صح يتصالحو هذ الزوج و يتهناو... ويهنو راسي
منال: دار اكسيدون ...دخل للاستعجالات درنالو كامل وش لازم...وبقى غير يفطن مي...
ريهام *تترعد*: مي واش ؟
منال : مي السي شهاب تجاوز المدة لي لازم يفطن فيها واذا مافطنش نقدرو نعتابروه دخل كوما ...
حسيتها تخلعت تع الصح غطات فمها بيديها
وبدات تبكي
ماعلاباليش علاه راني نتفكر في دعبد الوهاب كي عنقني على شط البحر و كي قالي نتي سبيسيال ...وكيفاه مالف يجياح معايا... زعمة نقدر نكون معاه كيما شهاب و ريهام ولا انا طفلة مستحيل ليها الحب و حب العائلة ...
نخاف نتبع هذ الطريق ونزيد نتجرح برك
غير بدات ريهام تبكي و تهدر معاه باش مايخليهاش فهمت بلي خطتهم نجحت مالا خلاصت خدمتي هنايا...
part 19 ^^
Start from the beginning
