(قصه فصليه)متاهات الزمن

بارت 15

كيان/ورا تلث ارباع الساعة طلعت الدكتورة تضحك..

الدكتورة/يتربى بعزك دكتور كيان...الطفل صحته تمام ومبيه شي وحاليا ويا امه...شوية ويطلعوهم لغير غرفة..

كيان/فرحت من كل گلبي اجا ابني للدنيا...وام سجاد بدت تهلهل..

ام كيان/اممم هسة يطلع على امه..

كيان/على امه على عليج ميهمني اهم شي اجا ابني...واضحك بصوت عالي هسة لو شيصير ميطير الفرحة مني..

ام سجاد/اباوع لفرحة كيان واول مرة اشوف وجهة هيج يشع فرح...يمة كيان بقى شي واحد..

كيان/شنو ام سجاد؟!..

ام سجاد/اسم الطفل تسميه انت لو امه؟..

كيان/امه شنو هذا ابني ومحضر اله اسم يلوك لابن الشيخ..

ام كيان/يمة احجيه اسمه لا تبقى تسوي هيج..

كيان/ههههه...راح اسميه ميهمن..

ام سجاد/الف الصلاة والسلام على حبيب الله محمد..
(منو لحنها يكتب بالتعليقات )
وهلهلت بكل قوتي...يمة يتربى بعزك ابو مهيمن..

كيان/مشكورة يا طيبة..

ام كيان/ولو ضايجة من الفصلية بس افرح لأبني...بسته براسه...يمة الولد الصالح ويرفع راس ابوه..

كيان/بست امي على راسه وبأيدها...ربي يحفظج النا خيمة يا يمة...شوية وطلعو ازل وميهمن لغرفة ثانية دخلت لگيتهم غافين ازل ومهيمن...تقربت على مهيمن باوعت عليه...شكله حلو يخبل بس ما طالع علية...طالع على امه...الخشة و الشفايف والعيون كلها لامه وما اعرف اذا يتغير شكله بعدين...باوعت لازل نايمة من التعب تركتها بحالها..

ام كيان/لا تزعل يمة شو محلو مثلك...طالع على امه..

ام سجاد/وشبيها امه ملاك يمشي بالگاع..

كيان/ميهمني شكله مدام تام الخلقة والحمدلله..

...........

...........

ازل/بعد ما شفت ابني وارتاحيت الدكتورة ضربتني ابرة مهدئ ومسكن...نعست من التعب وغفيت...كعدت من النوم لگيت ام سجاد يم راسي وكاعدة بالجهة الثانية ام كيان...تمنيت امي يمي وتشوف حفيدها وتقوم بواجبي...ليش اني غير البنات اهلهم يمهم بهيج وقت واني اهلي ميدرون بشي عني...ظلت حسرة بصدري واريد ابجي بس ما اكدر ابجي من الالم احس واحد دجني بسجين ببطني وجوة...حتى ما اكدر اصرخ من الالم..ظليت اتحرك بمكاني واتلوة من الالم...ابني وين؟..

ام سجاد/هاا بنيتي صحيتي؟...سودة علية عندج الم...هذا ابنج يم راسج..

ازل/ام سجاد مينحمل الالم كولي للدكتورة تضربني مخدر او اي شي متحمل..

ام سجاد/يمة انطتني هذا حب مسكن بس خلي اعدل كعدتج حتى تتريگين..

ازل/ما اريد ريوگ بس انطيني العلاج..