ملهمتي

البدايةة

وما هو الـحُـب !؟
هو ذلك الشيء الذي كلما تجاهلته يأتيك راكضاً
هو الابتلاء الذي يصيب المرء في اوقات لا يتوقعها
ومع اشخاص لم يفكر بهم ابداً !
الحب هو ذلك الشعور الذي يجتاح صدرك فجأة
ويحاول أخبارك ان هذا الشخص هو الشخص الذي يستحقك
هو الشخص الذي سيخطر في عقلك في جميع حالاتك • 
هو الشخص الذي ستستطيع ان تبكي امامه بكل اريحية •
هـيڤا 🌸
ها أنني اقف امام المختبر ، لطالما حلمت بأن اصبح محللة وها هو الحلم يتحقق •
أشعر ان قدامي لا تستطيع حملي من الفرحةة
اغمضت عيني وسحبت نفسي بهدوء
ابتسمت وكأني لا اشعر بأي توتر ودخلت بكل ثقةة
حسناً ليس كما كنت اتخيله ولكن لا بأس به
استفسرت عن مكاني وتوجهت إليه
طرقت الباب فنظروا جميعهم نحوي بأستثناء واحد منهم
هيڤا : مرحبا
سمر: مراحب
هيڤا : اني جديدة هنا وما اعرف كلشي كالولي هنا مكانج ويا هذا الكروب
لينا : فوتي اهلاً وسهلاً
انجي : متدربة ؟
هيڤا : لاا تعيين جديد
انجي : اهااا لعد تعاي اشوفج المكان واشرحلج شلون يصير الشغل
هيڤا : تمام
ليليان : زياد شفتها شلونها
زياد : .....
ليليان : شووف شووف شلون تمشي
زياد : .....
ليليان : مو دا احاجيك
زياد : اوك
ليليان : هو شنو اوك ؟
زياد : عندي شغل
ليليان : استغفر الله
نظر اللي بطرف عينه ونهض الى متى سيبقى يتجاهلني بهذه الطريقة؟ الى متى سأبقى احبه وهو لا يهتم ابدا

احمد : لاالا مو هيج
هيڤا : لعد ؟
احمد بضحكة : حتخربين كلشي يمعودة
هيڤا : ايي شمعرفني البنات كالوا هيج
احمد : لااا باعي هنا الاسماء انتبهي زين حطيتي هالاسم ببدال هالاسم هيج حتخربين كلشي وحتنطردين ديري بالج
هيڤا : هاا
احمد : شوفي اوكفي اليوم عالاستعلامات انتي
هيڤا : وشسوي بالاستعلامات ؟
احمد : اليوم عدنا تحاليل امراض قوية مو مال تصير خبصة كل اللي عليج تفوتين الاسماء بالحاسبة
هيڤا : خووش بس شوف
احمد : شكو؟
هيڤا : اكو واحد كاعد علحاسبة
احمد : حضج هذا بعد تعالي
هيڤا 🌸
لماذا لا يقتربون منه كثيراً ؟ هل هو كائن متوحش ؟
ذهبت مع احمد الى حيث يجلس هذا الكائن الغريب
وضع احمد يده على كتفه فاستدار نحونا وكأنني كائن مخفيي لم ينظر اللي ابداً تحدث مع احمد ونظر اللي بطرف عينه اومأ برأسة واستدار نظر احمد اللي ابتسم واردف
⁃ موفقةة
عاد احمد الى الغرفة عدت بنظري الى زياد كما ناداه احمد
لوحت بيدي فلم يعطيني اي ردة فعل يا الهي هل هو مجنون؟
هيڤا : احم احمم
زياد : اعتقد عندج لسان
هيڤا : سبحان الله
زياد : ؟؟؟
هيڤا : طلعت تعرف تحجي واني عبالي تشتغل بالاشارات
زياد : اول شرط لسان طويل ماكو
هيڤا : شروط شنو؟
زياد : حتشتغلين اليوم ويايا فاكو شروط تتطبق
هيڤا : وهي ؟
زياد : اولاً لسان طويل ماكو ، ثانياً تشتغلين بجدية ، ثالثاً بدون قشمرة وضحك هواية ، رابعاً اخذ وعطا ويا المراجعيين ماكو خامساً هاي الابتسامة اللي ماشية وتوزعين بيها للعالم تتبطل ، سادساً من يجي احد من اهلج تعاملي مثل متعاملين الغريب مفهووووم؟
هيڤا : خلصت ؟
زياد : من اتذكر نقطة بعد سجليها واقريها يومية قبل متجين علمود متنسيهم
هيڤا : ومنو كلك حمشي عليهم؟
زياد : تمشين ما عندج غير خيار
هيڤا : لا ما امشي واتصرف على طبيعتي
زياد : تتحديني !
هيڤا : مو قصة اتحداك بس حتصرف بشكل طبيعي وبدون قوانين
زياد : محد كلج تختارين الشغل ويايا
هيڤا : لتشوف روحك مختاريت الشغل ويا احد اني ، احمد اللي كال اليوم ويا زياد لان اكو تحاليل مهمة واني اول يوم مو مال خربطة
زياد : بقيج بمكانج اسوي شغلة واجيج
هيڤا : ماشي
ليليان : هاي شدتسوين
هيڤا : شكو ؟
ليليان : شمكعدج هنا ؟
هيڤا : زياد كال ابقي هنا ديسوي شغلة ويجي
ليليان : شوفي اكو وحدة جتي تريد سحب دم روحي سحبيلها
هيڤا : وين المكان؟
ليليان : على ايدج اليسرة
هيڤا : ماشي اكو احد جوا ؟
ليليان : اييي همة يعلموج
هيڤا : خوووش
زياد
عدت الى مكاني ولم اجدها اين ذهبت اخبرتها بأن لا تتحرك من مكانها يبدو أنها ستتعبني سحبت نفسي وجلست امام الكومبيوتر ما هذا ؟ اين ذهبت السجلات؟ نهضت من مكاني وذهبت الى الغرفة
زياد بصراخ : احددد يفهمنييي منو لاعب بالحاسبة؟
سمر : هو انت كاعد عليها محد ملاعب بيها
زياد : هاااي الجديددة وينهااا
لينا : شكو زياد شتريد بيها
زياد : دا اكلج وينهاااا
لينا : ويا احمد هسة يجون
زياد : بسرررعة تجييي كدامييي بسررررعة
احمد : شكو زياد شبيك صوتك طالع ؟
زياد : السجلات كلها ممسوحة شلون تريدنيي اسكت؟
احمد : هو انت اللي تشتغل علحاسبة احنا شكو؟
زياد : كمت كملت شغلة وكتلها لتتحركين ولتلعبين بشييي ارجع الكيها ماكو والسجلات كلها ممسوحة شنو ؟
احمد : ايي لتعصب اسألها يومها الاول هذا ترا
زياد : كتلها لتلعب لتلعب بشييييي شكو تلعب ؟
احمد : اسالها يجوز مو هي
زياد : وينها ؟
احمد : هسة تجي
زياد : استغفرك ربيي
هيڤا : شكو ليش صوتكم طالع ؟
فوجئت بزياد يمسكني من يدي بقوة ويتكلم بصراخ نظرت اليه اذ به يعقد حاجبه والنار يتطاير من عينه اغمضت عيني بخوف لم استطيع ان انتبه الى كلامه اريده ان يتوقف عن الصراخ ارجوك توقف
احمد : خلصص زياد شبيك اهدى شوف البنية شلون صارت
وخر ايدك عنها
زياد : تمام تمام
ابعدت يدي عنها ودفعتها من طريقي وخرجت دخلت الى احدى الحمامات نظرت الى المرآة يجب ان تهدأ لن تستطيع الاستمرار هكذا اخذت ماء بيدي ومسحت به وجهي لعلي اهدأ قليلاً ، جلست في مكاني كأن شيء لم يكن
يجب ان استعيد جميع الملفات والا سنتضرر جميعنا
سمر : هيڤا حبيبتي خلص اهدي
هيڤا : والله مسويت شي اني
سمر : انتي وين جنتي ؟
هيڤا : ليليان جتي كالتلي اكو ناس لازم تسحبيلهم دم فكتلها اوكي ورحت والله ولا مديت ايدي
انجي : والله عرفت ليليان الها ايد بالموضوع
سمر : ليش يعني ؟
انجي : متعرفين ليليان وخباثاتها؟
هيڤا : وهسة السجلات محترجع؟
انجي : معليج انتي حبيبتي بلي هسة يرجعوها
هيڤا : الحمد الله ، اني رايحة اكمل شغلي
انجي : وين ؟
هيڤا : يم زياد احسن ميخرب شغل هنا همين
انجي : باعي لتحجين ويا هسة لانو معصب عوفي يهدى
هيڤا : مجرد حكمل شغلي لا اكثر ولا اقل
زياد
لم يتبقى شيء ويكتمل ارجاع الملفات فوجئت بها تجلس بجانبي ونظرت الى حاسبتها والاوراق التي امامها تتصرف وكأن شيء لم يكن لا استطيع التحكم بأعصابي الم يخبروها بأني لا اتقبل أحد بجانبي في هذا الوقت؟
كيف تجرأت واتت ؟
اغلقت يدي بقووة واستدرت نحوها
هيڤا
لا اعلم كيف يتم تسجيل هذا صحيح لقد تدربت عليه ولكن نسيت يا الهي لا اريد ان اسأله ولا اريده ان يساعدني بشيء
فوجئت به يستدير نحوي ويتحد
زياد : شجابج؟
هيڤا : دا اشتغل
زياد : اعتقد كلت ما اريد اشوفج
هيڤا : واعتقد هذا مكان شغل مطالعين بموعد احنا !!
زياد : واعتقد الشغل ويا شخص تضغطين على اعصابة مينراد
هيڤا : واعتقد اني مو بأيدي اختار مكان شغلي والمفروض بشغلتنا نتقبل الكل مثل ما همة
زياد : احب اكلج دتلعبين ويا الشخص الخطأ
هيڤا : واحب اكلك لما رحت ليليان جانت بوحدها هنا مو اني اللي لعبت بالحاسبة
زياد : ميهمني
هيڤا
انه يضغط على اعصابي لا استطيع التحمل هكذا لا اريد ان تسقط دموعي امامه مرة اخرى
ليليان : وينها الجديدة
سمر : عوفي البنية بحالها
ليليان : هو اني شمسويتلها
سمر : ترى واضحة انو انتي اللي مسحتي السجلات البنية متعرف شي بالمكان
ليليان : تلكيها جانت دتسجل تحاليل ومسحت بالغلط
سمر : جان كالت البنية لو هي غلطانة شفتيها شلون تفاجئت وكبل بجت البنية فقيرة
ليليان : لتغرج المناظر حبيبتي كلهم هيج بالبداية
احمد : عوفي البنية بحالها
ليليان : يابا عايفتها شبيكم اثنين اثنين عليا
انجي : اسفففة تأخرت
احمد : عادي يلا صعدوا هيڤا منو يرجعها؟
ليليان : عايز ترجع ويانا؟
احمد : وشكو بيها ألزمها خط حالها حالكم
ليليان : ميكفي
احمد : اكو مكان فارغ لي ورا
ليليان : ننحشك هييج مناخذ راحتنا
احمد : هيڤااا
هيڤا : نعمم
احمد : عندج خط لو تسجلين ويانا؟
هيڤا : لا شكرا هسة يجيني ابو الخط
احمد : تمام براحتج
هيڤاا : الله وياكم
زياد
خرجت من المستشفى فرأيتها تسير هل تعود الى المنزل سيراً ؟ ولماذا اهتم لأمرها فلتعود كما تشاء ولكن تباً لم ارى نفسي سوى انني الاحقها بسيارتي من الجيد انها لا تعلم نوع سيارتي فلا اريدها ان تشعر انني الاحقها ومن قال انني الاحقها مجرد طريقي هو نفسه طريقها
هل وصلت؟ هل هذا منزلها؟ لا يبدو أنه كذلك اذا هو منزلها لماذا تلقي السلام على هذا الرجل ؟
لقد تأخرت هل انتظرها كل هذا الوقت ؟ ما شأني بها فلتفعل ما تريد ولتعود متى ما تريد
قمت بتشغيل محرك السيارة فأنفتح باب المنزل انه نفس الرجل هذه المرة يعطيها المال ؟ هه هل هي هكذا؟
تبعتها ايضاً لماذا لا استطيع التوقف عن تتبعها
ها هي تدخل الى منزل قديم
تبدو بريئة لم يبدو عليها انها من هذا النوع
7:30 am
هيڤا
أغلقت دفتري ونظرت الى الساعة جيد لم اتأخر
قمت بتغسيل وجهي ارتديت ملابسي وخرجت وكلعادة اول من ابدأ به صباحي
جاسم : محتحنين؟
هيڤا : جاسم الله يخليك ابعد عن طريقي
جاسم : مو أحبج
هيڤا : ما افيدك يا اخي وخر عني
جاسم : اني اولى بيج
هيڤا : جاسم يكفي
جاسم : ترا اكدر اخذج غصب عن الكل
هيڤا : شلون بلة؟
جاسم : بنت عمي وعندي كلمتي عليج
هيڤا : روح كول لامك خل تعلمك غير كلام ماشي ؟
جاسم : وبعدين انتي شكو دتشتغلين؟
هيڤا : لعد عليمن اخذت الشهادة؟
جاسم : ماكو متشتغلين
هيڤا : ومنو يعيشني ؟
جاسم : اني انطيج مصروفج
هيڤا : على يا اساس
جاسم : هم ابن عمج وهم رجلج بالمستقبل
هيڤا : احلم خوش احلم
جاسم : زين تعاي اوصلج
هيڤا : وخر عن طريقي حتأخر
تركته واكملت طريقي انه يلاحقني يا الهي وصلت الى المستشفى ومازال يلاحقني
سمر : صباااح الخيير
هيڤا: صباااح النور همزين عبالي تأخرت اني
سمر : لا بعد وكت
احمد : هاي دتنتظروني من هيج مدخلتوا؟
سمر : اييي علمود تفرشلنا السجادة الحمرة
احمد : ديلا فوتوا فوتوا زياد واصل ما بينا حيل لسانة
هيڤا : وشكو هيج تخافون من عندة ؟
انجي : بعدج مشايفة شي
ليليان : اصلا فدوة لكلبة وين اكو منة
هيڤا : تزوجي
ليليان : ايي حبيبتي لتخافين مبقى شي
جاسم : هيڤااا
هيڤا : استغفر الله ، نعم
جاسم : متردين فلوس
هيڤا : نعممممم
احمد : خلونا نفوت احنا
هيڤا : لا انتظروني
سمر : لا حبيبتي اخذي راحتج ويا
هيڤا : معليا بي عوفوا
ليليان : اكو وحدة هيج تحجي على خطيبها
هيڤا : مو خطيبيييي
ليليان : لعد حبيبج
هيڤا باعصاب : معليج منو ميكون خلي يكون
احمد : يلا يلا خلي نفوت
ليليان : صباااح الخييير
سمر : زياااد دنصبببح
زياد : صباح النور
احمد : شو هم معصب
زياد : اغراضي من مبارحة دتتخربط ودينلعب بيها
احمد : جني اكو يعني
زياد : احمد بطل هلسوالف واحد يفهمني منو اللي ديلعب
سمر : بشنو لاعبيين ؟
زياد : تيوبات الاختبار كلها متغيرة والاسماء متغيرة
سمر : يااااا عزاااا التحاليل كلها حتتخربط هسة
زياد : لعد عليش فاير دمي اني
هيڤا : اني اكدر ارجعهم
زياد : انتي الوحيدة ما اريد صوتج ينسمع
هيڤا : انت شبيك ويايا شمسويتلك اني ؟
زياد : هو بس جيتي انتي كلشي تخربط انتي الوحيدة جديدة هنا ومتعرفين انو محد يلزم اغراضي وهالاشياء مينلعب بيها
هيڤا : مو طفلة كدامك علمود تلعب بالاشياء المهمة ومو بس انت الخريج هنا كلنا خريجين وكلنا ناس واصلة ونعرف بشنو نلعب وبشنو منلعب ومو احنا اللي نلعب باغراض غيرنا وللعلم اني مبارحة مكايمة من يمك وان كمت فلو مرتين لو 3 كمت سحبت دم وبعدين رحت ويا سمر جبنا اكل واعتقد كلتنا طلعنا سويا فماكو داعي لهذا كلامك
زياد : خلصتي ؟
هيڤا : تريد بعد ؟
زياد : اريد تكرميني بسكوتج وتتفضلين برا الغرفة علما نرجع التيوبات لمكانها
هيڤا : تمام
خرجت واغلقت الباب خلفي
احمد : مو هيج زياد
زياد : ماكو غيرها من مبارحة وكلشي ديتخربط
احمد : البنية ملعبت بشي طول النهار علحاسبة دتسجل اسماء وانت انفكيت بيها
زياد : شكو تدافعلها وانت كلشي متعرف عنها
احمد : بيوم جنا مثلها وفتنا لهلمكان منعرف بعض وتذكر شلون جنا خايفين ومستحين
زياد : ما عندي هلحجي خلي تعرف حدودها
ليليان : ايييي وكفها يم حدها احسنلها من البداية هيج بشر مينطون عين
سمر : فكي ياخة عن البنية
ليليان : اني شكو اكوم اغسل وابدي شغلي احسنلي