👴نوفيلا ابو الرجاله👴
🌵البارت الاول 🌵
تبدأ حكايتنا فى بيت متوسط المعيشه بيه ثلاثة أطفال واب حزين ويبكى بحرقه على فراق محبوبته زوجته أم أولاده ويحيط بأبنائه كانت الأطفال تضحك وتلهو ولا يعلمون اين ذهبت والدتهم ولا يشعرون بشئ قال الابن الأوسط لأبيه
محمد / بابا هى ماما هتيجى امته اصل انا جعان اوى
الوالد مصطفى / بحزن ماما راحت عند ربنا يا حبيبى
الاخ الاكبر احمد/ الميس بتاعتنا بتقولنا اللى بيروح عند ربنا مش بيجى تانى ويبقى هو شايفنا واحنا مش بنشوفه بس فى الاخر كلنا هنشوف بعض ونعيش مع بعض علطول
مصطفى / ايوه يا حبيبى كلام الميس مظبوط كلنا هنروح عند ربنا بس بمعاد وماما جه معادها وهى دلوقتى شيفانا وسمعنا كمان
الاخ الاصغر محمود / بدموع عايز ماما مليش دعوه
مصطفى / اخده فى حضنه وقال ماما هتزعل منك كده
محمود / عاااا عايز ماما
مصطفى / دموعه نزلت منه وقال يارب صبرنى على فراقها وقوينى على ولادى من غيرها
محمود / بدموع ماما ماما ماما
مصطفى / احمد خد اخوك وسكته بأى حاجه
احمد / لما كان بيعيط كده ماما كانت بتاخده فى حضنها وتفضل تغنى ليه علشان ينام
مصطفى / مسح دموعه وقال طيب يلا ادخل انت واخوك محمد اوضتكم نامو
محمد / حاضر يا بابا بس هى ماما دلوقتى شيفانى
مصطفى / ايوه يا حبيبى
محمد / بص لفوق وبعت بوسه فى الهوا وقال تصبحى على خير يا ماما انا هنام بدرى اهو علشان متزعليش منى
مصطفى / دموعه نزلت منه وقال أحمد خد اخوك ونامو يلا
احمد / اخد محمد ودخلو اوضتهم ينامو
محمود/ لسه بيعيط وبيقول عايز ماما
مصطفى / شال محمود واخده فى حضنه ودخل الاوضه بتاعته بص عليها وبص على السرير وقال ااااااه يا قلبى اللى بيتقطع علشانك يا مريم يارب ارحمها وصبر قلبى على فراقها
محمود / عمال يعيط وعايز أمه
مصطفى / نام على السرير واخد محمود فى حضنه وغنى ليه علشان ينام
محمود / زقه وقال انت وحش عايز ماما
مصطفى / نام وهى شويه وجايه
محمود / قعد يعيط ويقول ومش عايز انام وبعد وقت طويل نام محمود
مصطفى / باسه فى راسه وقال مش انت بس اللى محتاج ماما كلنا محتاجنها وغمض عينه ونام
~~~~~~~~~~~~~~~~~~~
مريم / مصطفى خلى بالك من ولادى
مصطفى / بدموع انتى اللى هتخلى بالك منهم وهتفرحى بيهم وتشوفيهم عرسان قد الدنيا
مريم / بلاش نضحك على بعض يا مصطفى الدكتور قال نسبة نجاح العمليه دى 20% وانا حاسه ان مش هطلع منها عايشه
مصطفى / قولتلك بلاش العمليه يا مريم انتى اللى صممتى عليها
مريم / من كتر الوجع اللى عايشه فيه الورم اللى فى المخ صعب اوى اوى يا مصطفى
مصطفى / باس ايديها وقال ياريت كان ينفع كنت بقيت انا مكانك
مريم / بعد الشر عليك يا قلبى ربنا ما يكتبها عليك ولا على حد ابدآ
الممرضه / يلا يا مدام مريم
مصطفى / خلاص هتدخل العمليات دلوقتى
الممرضه / ايوه
مصطفى / خليها شويه معايا
الممرضه / مينفعش الدكتور مستنيها فى العمليات
مصطفى / بص لمريم وقرب من راسها وبسها بوسه طويله ودمعه نزلت من عين مصطفى على خد مريم
مريم / بصت ليه فى عينيه وقالت بلاش دموع يا مصطفى انت عارف دموعك غاليه عليا قد ايه
مصطفى / مستنيكى تطلعى ليا من العمليات بخير انا عارف انك قويه ومش شوية مرض هيهزموكى بالسهوله دى
مريم / خلى بالك على نفسك وعلى ولادى والممرضه اخدتها
مصطفى / بصوت عالى مستنيكى تخلى بالك مننا زى ما بتعملى تملى
مريم / قعدت تبص عليه وهى مع الممرضه ودموعها نزلت منها
مصطفى / قعد فى الارض وحط أيده على راسه من فوق وقعد يعيط زى الاطفال وبعد وقت طويل خرج الدكتور وهو ملامحه حزينه وراح عند مصطفى
مصطفى / بخوف م.م.مراتى عامله ايه دلوقتى
الدكتور / خبط على كتفه وقال البقاء لله مدام مريم تعيش انت
مصطفى / قعد يعيط ويصرخ ويقول لالالالالالالالالا
~~~~~~~~~~~~~~~~~~~
صحى مصطفى من نومه وهو بيصرخ بيقول لالالالالالالالالا قام قعد على سريره ودموعه نزله منه وقال
مصطفى / بدموع يوم موتك كان أكبر كابوس بالنسبالى هفضل العمر كله اشوفه فى منامى بعدك عنى حاجه صعبه اوى والدنيا اسودت فى عينيا وقام من على السرير دخل الحمام اتوضه وصلى ركعتين ومسك المصحف وقعد يقراه فيه
~~~~~~~~~~~~~~~~~~~~
اشرقت شمس صباح يوم جديد بنورها الساطع فى سماء مصر
خبط احمد على باب اوضت مصطفى
مصطفى / صدق بالله العظيم وقام فتح الباب وقال صباح الخير يا حبيبى
احمد / صباح النور يا بابا انا ومحمد جعانين
مصطفى / ماشى يا حبيبى انا جاى افطركم
احمد / ماشى
دخل مصطفى علشان يصحى محمود بس لاقه عمل حمام على نفسه على السرير صحه وقال
مصطفى / اصحه يا محمود كده عملت حمام على السرير
محمود / عيط وقال انا عايز ماما ماما بدخلنى الحمام بليل ودلوقتى
مصطفى / صعب عليه محمود شده فى حضنه وقعد يطبطب عليه لحد ما هدا شويه وشاله دخله الحمام وقلعه هدومه وشطفه ولفه بالفوطه وخرج بى من الاوضه
محمد / انا جعان يا بابا
مصطفى / هلبس اخوك هدومه واجى افطركم ودخل الاوضه بتاعتهم طلع هدوم لمحمود ولبسها ليه وسرح شعره وخرج من الاوضه دخل المطبخ حضر ليهم الفطار وقعد فطرهم
احمد / بابا انا هروح امته المدرسه
مصطفى / من بكره يا حبيبى انت واخوك هتروحو المدرسه واخوك محمود هيرجع الحضانه
احمد / وانت يا بابا هتنزل امته الشغل
مصطفى / الاسبوع الجاى يلا بطلو كلام وكلو اكلكم ده كلو
وفطرهم مصطفى وقام دخل المطبخ غسل المواعين وعمل الغدا وخرج من المطبخ على صوت التليفون الارضى رد وقال
مصطفى / السلام عليكم
أخته ملك / وعليكم السلام عامل ايه يا مصطفى
مصطفى / بحزن هكون عامل ازاى فى بعاد مريم عنى
ملك / البقاءلله يا حبيبى شد حيلك انت عيالك لسه صغيرين ولازم تبقى اقوى من كده علشان تقدر عليهم
مصطفى / مش قادر يا ملك مش قادر اصدق ان مريم خلاص ماتت ومش هشوفها تانى
ملك / مريم قطعت بينا كلنا مش انت لواحدك يا مصطفى بس هى الدنيا كده محدش دايم فيها ربنا يصبرك ويصبرنا على فراقها ياريت كنت جنبك كنت قدرت اساعدك فى تربية الأولاد لكن أنا فى بلاد تانيه بعيده عنك يقطع الغربه والبعد عن اللى بنحبهم
مصطفى / يا حبيبتى ربنا يخلى ليكى جوزك و اولادك الغربه صعبه بس وجود جوزك وولادك معاكى وجنبك بيهون عليكى الصعب
ملك / بوس ليا الاولاد وسلملى عليهم وياريت تيجى وتجبهم معاك
مصطفى / صعب يا ملك احنا ايام دراسه
ملك / خلاص هستناكم فى الاجازه
مصطفى / مقدرش علشان شغلى انتى تبقى هاتى الاولاد وتعالى مصر قضى معانا اسبوع ولا حاجه
ملك / إن شاءالله يا حبيبى مش محتاج حاجه ابعتها ليك من عندى
مصطفى / ربنا ميحرمنيش منك يارب محتاج سلامتكم بس
ملك / الله يسلمك يا حبيبى مع السلامه
مصطفى / قفل مع ملك وشم ريحة شياط طلع يجرى على المطبخ لاقى الاكل شاط على البوتاجاز طفى البوتاجاز بسرعه وحط الحلل فى الحوض تحت المايه وبص على الحلل واتنهد وخرج من المطبخ قعد على الكنبه وحط راسه ما بين ايديه ودموعه نزلت منه خرج محمد وقال
محمد / مالك يا بابا
مصطفى / مسح دموعه وقال مفيش يا حبيبى انت خرجت ليه من اوضك
محمد / جيت اقولك جعان بس لاقتك بتعيط خلاص مش عايز اكل
مصطفى / قعده على رجله وباس راسه وحضنه وقال بابا مخنوق شويه علشان ماما واحشته ومش عارف يعمل زى ما كان ماما بتعمل
محمد / اساعدك يا بابا انا كنت بشوف ماما وهى بتعمل كل حاجه
مصطفى / هههههههه هتعرف تطبخ وتعمل البيت لوحدك هههههه
محمد / اه اعملو كله بس انت متعيطش يا بابا
مصطفى / باسه وقال ربنا يخليك يا قلب بابا انا هعمل كله بس ادخل اوضك وشويه وتعال
محمد / حاضر يا بابا ودخل اوضه يلعب
مصطفى / بص على محمد وهو داخل اوضه واتنهد وقال الصبر من عندك يارب وقام طلع اكل جديد من التلاجه وبدأ يعملو من اول وجديد وبعد وقت خلص مصطفى الاكل وحضره على الطرابيزه ونده على أولاده علشان ياكلو وجم الاولاد واكلو
احمد / ايه القرف ده الاكل طعمه مش حلو ماما اكلها احلى
مصطفى / معلش كل ده دلوقتى وانا شويه وهنزل اجبلكم اكل جاهز
محمد / لاء يا بابا بلاش تنزل تجيب حاجه الاكل حلو اوى تسلم ايدك احنا هناكل منه دلوقتى وبليل زى ما كانت ماما بتعمل
محمود / عايز اكل
مصطفى / حاضر يا حبيبى وقعد يأكلو وبعد وقت خلصو اكل وقام مصطفى يشيل الاطباق ومحمد قام وساعده و احمد قام دخل اوضه ومحمود قعد يلعب باللعب بتاعته وانتهى اليوم والكل راح على اوضه ونام
~•~•~•~•~•~•~•~•~•~•~•~•~•~
اشرقت شمس صباح يوم جديد بنورها الساطع فى سماء ام الدنيا ليبدأ مصطفى بفتح عيونه على صوت المنبه قام من على سريره بصعوبه ودخل الحمام اتوضه وخرج اداه فرضه وصحه محمود وخرج من الاوضه دخل اوضت احمد ومحمد صحاهم ودخل يلبس محمود للحضانه وجهزو وراح المطبخ حضر السندوتشات بتاعتهم وحضر ليهم الفطار وخرج التلاته من الاوضه وقعدو فطرو ودخل مصطفى لبس هدومه وخرج كان خلصو فطارهم اخد التلاته ونزل وصل احمد ومحمد المدرسه وراح الحضانه اداهم محمود ورجع البيت قعد ينضفه وحضر الغدا وقعد يقرأه فى المصحف لحد ما جه معاد خروج المدارس لبس هدومه ونزل جاب احمد ومحمد من المدرسه وجاب محمود من الحضانه رجع البيت غداهم وقعد يذاكر ليهم لحد ما الليل جه ودخل كل واحد ينام فى اوضه
مصطفى / اترمى على السرير وقال بدموع كل ده كنتى شايله لوحدك يا مريم ولا عمرك اشتكيتى من التعب وانا ولا كنت حاسس بده كنت مفكر نفسى بتعب فى الشغل معرفش انك بتتعبى فى البيت أضعاف ما انا بتعب فى الشغل الله يرحمك يا حبيبتى ويصبر قلبى على فراقك وغمض عينه ونام
~•~•~•~•~•~•~•~•~•~•~•~•~•
بعد مرور عدة سنوات من وفاة مريم وبدأ الأبناء تكبر وتكتر مطالبتهم ومازال الاب بيقوم بدور الام والاب فى وقت واحد
صحى مصطفى من نومه على صوت المنبه
دخل اوضت أولاده وصحه احمد ومحمد ومحمود وخرج من الاوضه وبدأ يحضر ليهم الفطار خرج محمد من الاوضه وقال
محمد / صباح الخير يا بابا
مصطفى / صباح النور يا حبيبى
محمد / روح جهز نفسك انت يا بابا علشان الشغل وانا هحضر مكانك الفطار
مصطفى / لاء مش مهم اجهز دلوقتى انا يعنى باخد قد ايه فى اللبس هو البنطلون والقميص وخلاص مش هاخد ربع ساعه روح انت بس اقعد وانا هحضر ليكم الفطار
محمد / يا حبيبى انا جهزت قبلهم خلينى انا بس احضر الفطار وروح انت
مصطفى / ربنا يبارك فيك يا حبيبى وسابه ودخل الاوضه يجهز نفسه للشغل وبعد وقت حضر محمد الفطار والكل قعد على الطرابيزه
احمد / يعنى احنا كنا خلصنا مع عك بابا علشان تيجى انت وتكمل علينا
محمود / عندك حق والله الواحد معدته قرفت من اكل كل يوم
محمد / ده بدل ما تقولو لابوكم شكرآ ان هو خدمنا ومش منقصنا حاجه وفوق كل ده بيشغل
احمد / عادى يعنى ما فى ستات بتعمل زى ما هو بيعمل واكتر كمان فى ستات بتبقى حامل وبتنزل تشتغل وبترجع تشتغل فى البيت عادى
محمد / انت كلامك ايه يا اخى دبش
مصطفى / خلاص يا محمد سيب اخوك يتكلم براحته وبكره لما يتجوز يعرف قيمة اللقمه اللى مش عجباه ولا الهدمه اللى بيلبسها نضيفه بكره يعرف كل ده
احمد / وقف وقال اه انا اخلع بقى قبل محاضرت كل يوم
محمود / خدنى معاك
احمد / بس هتدفع المواصلات من معاك
محمود / عيب عليك ده انت حتى اخويه الكبير
احمد / لاء فى كده معرفكش وبعدين بص لمحمد وقال مش هتنزل معانا
محمد / لما الم الاطباق واغسلهم
مصطفى / لاء روح انت يا حبيبى مع اخواتك وانا هشلهم واغسلهم قبل ما انزل
محمد / لاء يا بابا انا كده كده عندى محاضرات متأخره
احمد / احسن برضه وبعدين بص لابوه وقال ديشه ما تجيب فلوس احسن ابنك مقشفر على الاخر
مصطفى / يا ابنى انا مش لسه مديك فلوس من كام يوم
احمد / خلصو اعمل ايه كل حاجه غاليه دلوقتى
مصطفى / طلع فلوس من جيبه وقال حافظ عليهم انا معيش فلوس تكفى مواصلاتى بقيت الشهر
احمد / من يد ما نعدمها واخدهم منه ومشى هو ومحمود
محمد / شال الاطباق وغسلهم وعمل الشاى لابوه
مصطفى / ياااااه ابن حلال كنت هتجن على كوباية شاى
محمد / الف هنا وشفا يا حبيبى محتاج منى حاجه تانى
مصطفى / تسلم يا حبيبى وطلع فلوس من جيبه وقال خد دول اصرف منهم
محمد / مش عايز يا بابا لسه معايه الفلوس اللى انت أدتها ليا زى ما هى
مصطفى / يا حبيبى خليهم معاك
محمد / والله مش عايز يا بابا معايا ومشى لحد الباب
مصطفى / محمد نسيت اقول لاخواتك أن عمتك جايه النهارده وهتقعد معانا يومين
محمد / بفرحه بجد انا هحاول اخلص بدرى واجى وهبلغ اخواتى دى واحشانى اوى
مصطفى / ماشى يا حبيبى خلى بالك من نفسك ونزل محمد وركب وراح الجامعه بتاعته وبعد ما مصطفى شرب الشاى نزل هو كمان وراح شغله
~•~•~•~•~•~•~•~•~•~•~•~•~•
بقلمى #دودومحمد
