امو قالت ليهو اها ياهو واضح منو البدي التاني فرصه فيهو من العلامه العملوها ليك في راسكك بالبومبانهه دي 😏
احمد ضحكك قال ليها دي حجات خفيفهه ي حجهه يااااخ في ناس فقدت اطرافها وفي ناس ماتت عديل ماف مقارنهه ولا بسيطهه حتى انتي بس م قادرة تستوعبي الحاجه دي😓
امتثال قالت ليهو المهم نشوف صهيب حيمشي ولا لا،احمد قال ليها امس انا كنت معاهو قال م ماشي عديل،قالت ليهو ايوااا كان كدة معناها تمام بس برضو بالغ دة عرس خال مرتو وهو اول المعزومين يعني شيييينهه منو ،عمتي عواطف قالت ليها كل زول وعذرو معاهو انتو الماشين بتكفو واصلا هو نفر واحد بمثل الاسرة كلها ضروري البيت كلو يمشي؟امتثال عاينت ليها وسكتت💔
يوم الخميس إتصلت علي إمتثال الصباح قالت لي والله ي شهد نحن كنا جااين بس م حنقدر نجي للأسف إعتزري لينا من اهلك عليك الله،قولته ليها لييييهه في شنووو؟مالكم م حتقدرو تجو انتو كويسين؟قالت لي تلفوني حيقفل حتصل عليك بعدين واوريك الحاصل تمام،قولته ليها طمنيني انتي متأكدة انكم كويسين؟قالت لي الحمدلله بس ي شهد يلا سلام،قفلت وانا هنا اعصابي باظت قلته زول منهم حاصله ليهو حاجه،ي ربي احمد ضربوهو في المظاهرات؟ولا محمد ،ولا حبوبه حاصله عليها حاجه ولا عمتي عواطف ولا صهيب ي ربي الحاصل شنو م عايزة تحكيهو لي خصوصا انو صوتها كان متغير،بقيت اضرب في تلفون احمد م برد،محمد برضو م برد انا هنا خلاص فاض بي،وحبوبه تلفونها مقفول وعمتي عواطف م عندي رقمها،رجعتهه إتصلتهه على صهيب هو برضو م ردة علي،انا هنا خلاص اعصابي باظت بقيت داخله ومارقه حتى م قادرة اقعد مع الضيوف بالرغم من انو البيت ملااااان شديد،العصر ونحن بنوزع في الغداء سمعنا صوت سلام انا الصوت م كان غريب علي فضلته واقفه وعمتي رحمه بتقول وعليكم السلام،بعد مسااااافهه اشوف إمتثال قدامي ،طبعا م مصدقه واقفه وبعاين ليها ،وهي بتسلم لي عمتو رحمه وتضحكك ،لما قربت مني قولته ليها وربي م جادة انتي عارفه انا من قبيل قلبي واقف وراسي شاطب،حضنتني قالت لي وربي مشتاااااااقييييين يخخخخ الا يغشووك كدة يعني😂😂😂😂قولته ليها وااااي ياخي م عارفه انا كنت عايشه في نار وبتصل على احمد ومحمد وصهيب وحبوبه م بردو ،او تلفوناتهم مقفولهه،قالت لي م دي الوهمهه هنا😂😂قولته ليها هم جو معاك؟وينهم؟حبوبه قالت لي ي بتي اديها نفس كدة،فجأه حبوبه السرة جات داخلهه قالت السلام عليكم ،جريت عليها قولته ليها حبوبه،حضنتها وبقيت اسلم عليها ،بغض النظر عن كل شي الناس دي فرقت معي وفقدتهم بجد لاني إتعلقتهه بيهم 💔مشيت بإتجاه الرجال إتلاقيت مع احمد ومحمد سلمته عليهم سلام كتف قولته ليهم يااااخي نورتونااااا شديييييد،احمد قال لي وينو ولدنا ياااخ انا جاي مخصوص عشانو،قولته ليهو ولدكم طفشان وحايم من حته لي حتهه😂😂😂😂💔
فضلناهم وقعدته اتونس معاهم عشان اعرف احوالهم وكذااا،حبوبه قالت لي عمتك عواطف كانت جايه لكن اليومين دي ملتهبه شويه م قدرت تجي،قولته ليها ياخي عوافيها إن شاءالله ي رب،م جابو لي سيرة صهيب طبعااا خالص،جهزنا الغداء إتغدو وشلتها ونسه معاهم حبوبه اخدت ليها نومه وامتثال تحكي لي الحجات الحصلت وانا ماف والأحداث حقت المواكب وكدة قالت لي طبعا م وريتك صهيب إنضرب بالبومبان في رجلو مخيطنو ليهو 7 غرز تقريبا،قولته ليها انتي جادة متين؟قالت لي ليهو تلاته يوم تقريبا ،قولته ليها وهو الوداهو ليهو شنووو؟قالت لي كيف المظاهرات دي بقت ليهو موضوع إعتقلوهو مرتين طبعا😂😂😂قولته ليها م جادة وفكوهو كيف؟قالت لي في المرتين طلعوهو مره قعد يوم كامل وطلع اليوم التاني ومرة طلع في نفس اليوم،قولته ليها اهاااا،قالت هو م قاعد يتصل عليك؟قولته ليها بتصل،قالت لي بطلي كزب كان قاعد يتصل م حتغيب عنك كل التفاصيل دي😏سكتهه وغيرتهه الموضوع على طول،💔يوم العرس من اصبحت إشتغلنا غنا وزغاريد ورقيص وخننا احمد ومحمد وبراامج إستمرت لغاايه م جات لحظه الفطور فطرنا ،وقفنا مع الطباخ ساعدناه شويه وطلعنا انا وامتثال مشينا بيت ناس هبه علشان نغير للغداء وكدة حتى هبه زاتها كانت معانا ،مشينا إستحمينا وإمتثال مكيجتنا وقشرنا تمام وطلعنا،اول م وصلنا صيوان الغداء بقيت اسأل عن كريم ولدي،اي زول اسالو يقول م عارفو طلعته من الصيوان وانا لافه قولته لي ايات اختي كدة شوفيهو جوة البيت يمكن يكون نايم في غرفه من الغرف،دخلته فتشته معاها م لقيتو سألته حبوبه والنسوان الفي البيت قالو م عارفنو انا خلاص اعصابي باظت والأفكار الشيطانيه اكونت في راسي،حبوبه السرة قالت لي براحه بتلقيهو يكون شالو زول جاي ولا جاي كدة امشي على مكان الرجال،قلعته شبشبي العالي ولبسته لي شبشب بيت وطلعته سألته شفع الحله قالو لي اسي كان شايلو راجل ،قلته ليهم راجل شكلو كيف مشى بيهو على وين؟قالو لي لابس جلابيهه مشى بيهو على صيوان الرجال،مشيت وانا مستعجلهه م شايفه قدامي لغايه م وصلته صيوان الرجال م عندي طريقهه ادخل طبعا إتلفتهه رسلته واحد من اولاد الحله الصغار قولته ليهو شوف لي كريم ولدي في الصيوان،قبل م يجي إتلفتهه كدة فجأة عيني وقعت على صهيب وهو شايل كريم ونازل بيهو من العربيهه،
