حكايات اربعين ليلة فصلية

البارت 5

الشيخ عطوان :-اي بوية ادنه (تعال)يمي عدي سالفه وياك

ياسين :-تم بوية عرفت السالفه شنو ايريد يفتح وياي سالفة الزواج من حور كلهم كعدو كبالي خواتي واخوتي ونسوانهم حتى جهالهم اجت امي كعدت بصفي وابوية على الجهه الثانية

الشيخ :-بوية انه وديت ابونمر يحجي وياك وانت رديته بموضوع خطبتك من حور بت عمك

ياسين:-اي بوية لان احنه مو من عوايدنه نكسر وعد انطينا الأحد
الشيخ:-شوف بوية البغدادية ماتتزوجها واذا تزوجتها فبشرط واحد وماكو غيره

ياسين :-وهوه شنو هذا الشرط اوافق عليه
الشيخ :-قبل لاتروح ترجع البغداد تعقد على حور وشوكت ماتريد نروح وياك ونعقدلك على البغدادية

ياسين :-حسيت ناار شتعلت براسي واذاني دخنت كمت على حيلي وكتله بوية انت شكاعد تحجي انه اتزوج على حبيبتي انه ماريد غيرها مره اليه

فجأه سحبني واحد وطرررراخ✋ على وجهي

الشيخ ابونمر :-من تحجي ويه ابوي توكف😠 وتحني راسك وما ترفعه الا لمن يأمرك هذا التعلمنا لو غيرتك بغداد

ياسين :-ابو نمر خوية بس مايصير هيج😵 اجبروني حور مااتزوجها لو تصير من ذهب

ابو نمر :-روح ارجع البغداد بس اذا ماتزوجت حور نذبك من العشيرة وروح شوفلك ناس تخطبلك البغدادية خل نشوف اهلها يوافقون بيك وانت ماعندك اهل

ياسين :-خوية شلون تسوون بيه هيج تكسرون قلبي وتخلوني اكسر وعدي

ابو نمر:-انت الي جبرتنه على هل شي وانه جنت بالبداية ردت اقنع ابوية علمود لا يزوجك حور لان شفتك تعشك البغدادية بس من دخلت وشفتك رافع صوتك على ابوي غصب عنك لو تعقد على حور لو ابوي يتبره منك

الشيخه:-يمه عين وصابتكم صلو على محمد يمه شمالكم شجاكم يمه ياسين لاتسوي هيج ببوك

الشيخ :-مايستحي وماعنده حيه حظوري ماريده ميلوا(وخروا) من ويهي (وجهي)

ياسين :-ابوي كام يعيط والبيت كله صار هوسه فجأه ابوية لزم قلبه وكع بالكاع كلنه لتمينه عليه شلنا حطينا بالسيارة وكبل المستشفى العمارة وصلنه والدكاترة اخذو للنعاش لان صار عنده توقف بعضلت القلب

يومين هو فاقد الوعي ومايگعد ثالث يوم كعد وكلنه التمينه عنده شافني جان يوخر وجه عني رحت يم ايده كتله

ياسين:-بوية تامر انه راح اخطب حور قبل لا ارجع البغداد
الشيخ :- وتعرس هم وتدخل عليها وتولي البغداد

ياسين :-نزلت راسي وكعدت وكمت ابجي واني لازم ايده كتله هاهية بوية تامر

الشيخ :-شيخ ابونمر بوية حظر المراسيم هل سبوع يعقدون والسبوع الجاي العرس

ابونمر:-بوية انت بس كوم بالسلامه وتامر امر بس انت كوم على حيلك

ياسين:-اليوم الرابع طلعنه ابوية من المستشفى ودز خبر العمي احنه جايين نخطب بنتك حور الابنه ياسين واني عبالك عندي عزه مو خطوبتي انغام تخابرني دزلي رسائل اني ابد مارد حسيت هاهية خسرتها وكسرتها

دزيتلها رساله حبيبتي لتراسليني ابوية مريض كلش واحنه بالمستشفى وانه كلش مشغول بس افضه اراسلج

ردت حبيبي والله قلبي يمك مدري شبيه صارلي كم يوم قلبي ممرتاح المهم ماشي حياتي اخذ راحتك اني بأنتظارك

ياسين:-من شفت هيج رسائلها كلت لا مستحيل اتزوج حور بليل اشرد ماابقى هنا خل يذبوني من العشيرة ولا اكسر بوعدي الحبيبتي انه مااتخيل نفسي بدون انغام اموت والله

انتظرتهم ينامون مديت راسي من باب الغرفه لكيت البيت كله هدوء ونص الاضوية طافية
الساعه ب١ بليل خليت الجنطه على ضهري و طلعت اتسحب من البيت وصلت للباب الخارجي محسيت غير بس صار طلق فوك راسي وصوت عاط بيه

اوووووووووكف لاتتحرررررك ....
.
.
.
صراع الحب مع التقاليد ترى هل سيربح الحب ام التقاليد
...