واقف قدام المرايه يلبس ساعته واهو يدندن بأغنيه
هنوني هنوني يا ناس هنوني
حبيبي راجعلي وبتفرح عيوني
في رجعته لينا بتنور الدنيا
خلوني اتهنا و لا لا تلموني
واحسني في الكون بس انتوا ماتدرون
اخبي قلبي أشواقي و شجوني
و ان حسيته حولي اطيح من طولي
الغالي لي جاني يخطفني من كوني
يسلملي يسلملي سيدي وكل اهلي
ابدا معاه ابدا ماخابت ظنوني
والله ما ادري اناديه يا عمري
أو روحي او قلبي يا ناس دلوني
أخذ عطره ورشه ونزله للتسريحه رفع عيونه للمرايه
سالم(ابتسم) : انتو هنا ... هلا والله بكل قراء قصتنا ومتابعينه كيفكم وشخباركم كل شخص باسمه وكل من تابع خلف الكواليس وكان معنا
( ألتفت وسند ظهره على حافة التسريحه وكتفت ايديه واهو يبتسم) من 53 بارت عشتوا معاي لحظات حبي وكنتوا جنبي في لحظات حزني وما تخليتوا عني دعيتوا لي يصبرني ودعيتوا لي احقق حلمي
( تنهد ولازال يبتسم) 53 بارت كان خليط بين الحب الألم وبين الدمعه والبسمه وبين الجرح والبلسم وبين الضحكه و الحزن واليوم راح تعيشون معاي فرحتي فرحة عمري انتظرتها طول حياتي اليوم عقد زواجي من اللي ملكت قلبي وتربعت على عرشه من الطفوله للشباب ليالي
( رفع حاجبه واهو يبتسم) وش فيكم منصدمين ليه مستغربين لحظه لحظه منصدمين ان اليوم ملكتي على ليالي وهـ يا حلو ليالي واسمها
( حط ايديه قدام صدره ) هههههههههههههههههه بس بس لا تذبحوني ادري ودكم تخنقوني قاعد اتغزل بروحي وقلبي وانتوا تنتظرون على نار عشان اقول لكم كيف اليوم ملكتي مع ان امس اقصد البارت اللي فات كان طلاقها من جاسم بقول لكم اليوم صار لها مطلقه 4 شهور ايه مرت على حياتنا 4 شهور بسولف لكم شنو صار معاي خلال4 شهووووووووور ( بدأ يعدل شماغه على المرايه) عرفت بطلاق ليالي من جاسم هذيك الليله مدري شنو اوصف لكم شعوري فرح انها تطلقت ولا غضب ان طلقها وصارت تحمل اسم مطلقه رغم عنها كنت مع ناصر نتمشى في احد المجمعات بعد ما سوينا الواجب مع سطام رجل مي اقصد طليق مي حبينا نتمشى ونغير الجو وكنا طلبنا لنا قهوه وحلى ونعلق على سطام ونضحك رن جواله وكان وليد
ناصر : هلا وليد
وليد : ناصر تعال بيتي بسرعه
ناصر( عقد حواجبه) : خير فيك شيء
وليد : اختك تطلقت
ناصر( وقف بصدمه) : شنوووووووووووووووووووووو
سالم ( وقف) : ناصر وش فيك
وليد : تعال انا في بيتي وابوي بعد ومحمد راح يوصل بعد دقائق
ناصر : جايك مع السلامه
سالم( مسك يده) : وش صاير
ناصر( بتردد) : ليالي
سالم : ليالي وش فيها
ناصر ( بعد صمت) : تطلقت
سالم ( بصدمه ما تقل عن صدمه ناصر) : تطلقت
ناصر : ايه خلنا نمشي بوصلك وأروح بيت اخوي وليد
سالم : كان ودي اكون معاك بس ادري هذا يعتبر تدخل مني بأمور ما تخصني
ناصر( حط يده على كتف سالم ) : بقول لك كل شيء بس افهمه
سالم : خلنا نمشي
ناصر : يالله
سالم ( ألتفت لقرائي) : ناصر وصلني للبيت واتجه لبيتهم بخلي ساكبت تقول لكم وش صار لأنها حضرت الاجتماع بس ترى كان ورى الستاره خافت من وليد لا يذبحها لانها تطفلت ترى عادتها ههههههههههههههه
ساكبت العود : اعوذ بالله منك سويلم فتان بس ما عليه تمون انا بكمل اللي صار وانت ضبط نفسك يا معرسنا ترى الكل متشوق ليوم ملكتك
سالم( غمز لساكبت) : عقبالك
ساكبت( عقدت حواجبها) : اقول فال الله ولا فالك خلك بعرسك لا اخليك اعزب طول عمرك
سالم : ههههههههههه اتحداك كان الكل انقلب ضدك وسوى اضراب لانك ما زوجتيني حبيبتي
ساكبت : اااخ منك مسكتني من اليد اللي تعورني عارف نقطه ضعفي قرائي طيب خلص كشختك ولا تنسى سبحتك تعرف لما اشوفك وش يذكر علي
سالم ( رفع خشمه بغرور مصطنع) : القمر
ساكبت ( طالعت بنظره من فوق لتحت) : حدك واثق لا تذكرني بشعر اللي يقول
