نهوه عباس(عشقي نهوتي)

البارت التاسع عشر

#نهوه-عباس(عشقي نهوتي)
#اماني-ياسر

.
ضـَم رگبتـِگ
بيهـَا چـِم شيـَطان يدفعني على شمـَها ..

لطمت صدري وگتله يمةةصدگ
عباس-سالم هسه خابرني ويگول يدورون على ستار
يردون يكتلونه
جريت دشداشتي لبستها وركضت لزمته عباس لا تروح
عباس-شلون ماروح سمعتي شحجيت
عباس ابوس ايدك خاف يصير بيك شي
جرني وباس راسي وگال لا تخافين يروحي مايصير شي
عافني وطلع وبقيت اتراجف وحدي فدوة اروحلك ربي
مكتوب عليه اتعذب وينشلع گلبي كلما يتقرب مني مدري
شيصير..

بقيت اكل بروحي تذكرت عمتي نزلت لكيتها كاعده
هيه والبنات وخايفات..
بقيت يمهن جوه واحنى نتراجف..
ندى قفلت بيتها وجت يمنا للفجر واحنى گاعدين نخاف لا
يهجمون على البيت اجه حيدراخوي يشوفنه وكال قفلن لباب
ادري بي جاي علمود فرح ماميت على اخته بس يله..

فرح طلعت وي حيدر رحت وراهم لگيته حاضنها بلگراج
شوف الله هسه يدخل عباس ويشوفهم سويت احمم احمم

حيدر- هااا خير
خير يصيبك بعد گلبي بله ماتستحون
حيدر-ولج احجي عدل
بله دخل عباس وشافكم هيج وعلي فريحه يعدمج هنا
فرح-شعلي غير اخوچ
حيدر-هااا فريحه بساع بعتيني
يله عيني يله روح لبيتكم عيب
فرح-شعليچ انتي مرتاحه
شوف هاي ماتدرين بحضي
فرح-هاا شكوو
ماكو شي غلسي
حيدر-يله طبن جوه انه رايح وممنوع وحده تطلع وتفتح الباب
صار خويه
حيدر-غزل ديري بالج على فرح
هااا ...ايي تدلل
حيدر-ههههه وديري بالج على روحج يله اودعناكم
الله وياك
خليته يطلع وجريتها من ايدها..
ولج فريحه ماتخافين لا يچفت عباس؟؟
فرح-غزل موبيدي والله مشتاقتله
اووي عيني فديت المشتاق اشتاقي محد كاضچ بس موهنا
فرح-حقج ماتحسين
دمشي ندخل امشي يم الاحساس صار اذان الفجر..

توضيت وصعدت اصلي..
صليت واخذت تلفوني خابرت لعباس من اول رنه جاوب
-غزالي
حبيبي
-يروحلچ فدوة حبيبچ
وين انت؟
-مخبوص بهاي الهوسه
مانحلت ؟
-شتنحل يروحي ستار لاعب لعب
هوه شمسوي؟
-كولي شنوالما مسوي خاطف البت صار ايام وهيه يتيمه
بس امها لااب ولا اخ ادور يمكن ماخذها..
صخام الصخمه صددك؟؟
-والله العظيم عمامها يكولون نكتلها موت وامها دكول
ماريد شي بس يستر عليها
ايي خل يتزوجها..
-هوه وينه غيركون نكضه طافر وماندري وين اراضي
منا للعصر اذا مابين يدگون على كل بيوتنا وتعرفين اذا دگوا
احنى مانسكت يعني يصير بحر دم..
يمة عباس تحچي صددك هسه ترجع هسسه..

-وين ارجع صــــــدك جذب واعوف الزلم كلها
مالي شغل هسه ترجع لا يصير بيك شي اموت والله
-تخافين علي؟
بس اخاف عليك روحي تعلگت بيك والله ماگدرت انام
واغمض من رحت شدعي عليك ستار خربت علينا اليلة
-هههههههههاي هاي انتي التحجين هيج؟
هههه شسوي مشتاقتلك
-اخخ الله دخلي تفض وربج لو ادري اخذج لفندق
هههههه
-اضحكي اروح فدوة لضحكتج..
حبيبي فدوة تعال والله گلبي ناغزني ورحي لايبه
اخاف عليك..
-تخافين علي زلمه لو موش زلمه؟؟
زلمه والنعم منك تسوه كل الزلم هم بس كلش خايفه عليك
-اكلچ چاا لا سالتي على اخوتچ ابوچ بس انه؟؟
هههههه اوف نسيت والله هلگد مابالي يمك وروحي تريدك
-ولچ لاتحچين هيج تره اعوف كلشي واجيج هسه والحسن
ههههه دتعال چاا انه شريد
-اجي وداعتج بس ادعي تفض بسرعة ونلگه ستار
والحسن اله اكسره تكسرعلى سوالفه اذا ماكتلوه گبلنا
حبيبي فدوة ديربالك على روحك..
-لاتوصيني يروحي انتي ديري بالج عله روحج ومالج شغل
بأمي خووش
صار تدلل
-اموت على اليسمع كلامي احبچ بنيتي
امووت عليك باباتي
-يلا مع السلامة
الله وياك حبيبي