بعد يومين حوالي الساعه 11بالزبط لقيتها قاعدة تتمكيج،قالت لي ماشه معي؟قولته ليها المظاهرات؟قالت لي اي عشان م تقولي م وريتك لكن افضل ليك تكوني قاعدة هنا مع ولدك،قولته ليها لالا،قالت لي حتقولي لي خالتي وعمتي شنوو؟قولته ليها انتي قولي ليهم م انا،انا ماشه معاك،قالت لي طيب اجهزي ،مشيت غيرته و لبسته لي توب وجيت،عاينت لي ماشه كدة وبي توب كمان؟قولته ليها اللبس عبايه يعني؟قالت لي شهد انتي عويرة؟تعالي دقيقه،فتحت دولابها طلعت لي فستان ومعاهو بنطلون جينز،قالت لي اللبسي،قولته ليها اللبس ديل؟قالت لي امشي اخليك؟قولته ليها طيب دقيقه دخلته الحمام لبسته جيت طالعه قولته ليها البنطلون ضيق شديد،قال لي افضل من ما تمشي ساااي وساقك يظهر،ادتني روج قالت لي اعمليهو،قولته ليها لشنوو ماشه حفله ولا ماشه اتظاهر انا؟قالت لي شههههد😏قولته ليها خلاص خلاص عملته الروج ادتني الضرحه لبستها قالت لي إتقبضنا انكري حطب انك جايه تتظاهري،نحن ماشين عرس فهمتي؟قولته ليها عرس منو؟قالت لي المهم ماشين عرس😑طلعنا ونحن نازلين لاقتنا عمتي عواطف ،امتثال قالت ليها الليله خطوبه مرام صحبتي ماشه وقلته اسوق معي شهد بدل قعدة البيت دي،قالت ليها اهاا كويس طيب،قالت ليها طبعا م سايقين معانا كيمو مخلنو مع خالتي،عمتي عواطف قالت ليها انا زاتي طالعه لكن بقعد مع حبوبتو؟امتثال قالت ليها ان شاءالله م ببكي طالعين قبل م يشوفنا عشان لو شاف امو اسي بتعلق يلا بااي،طلعنا واحد من الحرس بقى يعاين لي،امتثال قالت ليهو انا سايقاها معي،قال ليها كويس،ركبنا العربيه قبل م نتحرك قالت لي شهد انتي متأكدة انك ماشه؟علشان الوضع حيكون صعب شديد وختي في بالك انو يمكن م نرجع ،خوفته وقلعته عيوني،قالت لي احسن ترجعي البيت ،قلته ليها لا ماشه،قالت لي طيب،إتحركنا ونحن ماشين مساااافهه جاتها مكالمه قالت"ميدو وين انت؟اها الحاصل الوضع كيف؟يعني فروقوهم؟م جاااادي،إعتقالات كتيرة شديد؟لا حولا لا حولا يااخي اها نرجع يعني ولا كيف؟يعني انتو ماشين بري اسي؟طيب انا هعمل ريتيرن انتو لما تصلو وروني الشوارع وضعها كيف في امنجيه ولا لأ،طيب ظابط يلا،قفلت الخط قالت لي حقت العربي قالو فرقوها بسرعه وأعتقلو الناس كميه قالو ليك،قولته ليها حسبي الله فيهم ،قالت لي اسي قالو نص الناس ماشه بري تمشي معي ولا اطلب ليك ترحال ترجعي؟قولته ليها بمشي معاك ي زوله،قالت لي طيب،فضلنا ماشين مسااافه جاتها مكالمه قالت"اها ي ميدو؟يعني م امشي بالمعرض؟طيب تمام وين انتو بالزبط،م بعرفو لكن لما اصل بسأل ،يلا بايات💜مشت شويهه كدة قالت لي شارع المعرض عايزين ندخل فجاهه ظهرو قدامنا عربات شرطه وقفوها،انا بقيت اقول ليها اجري اجري ي امتثال م تقيفي حيقبضونا وااااي،قالت لي بي نهرة شهههد خليك ساااكتهه هسسسسس،بقو يدقو في العربيه بعصاياتهم،نزلت القزاز قال ليها ماشه وين؟جيبي الرخصه وبطاقاتك و..قالت ليهم عندي عرس ماشه عليهو خير ي چماعه في شي؟قالو ليها عرس وين،قالت ليهم على بعد تلاته شوارع من هنا ،طلعت ليهم رخصتها وادتهم بطاقاتها،قالو ليها افتحي تأمين الابواب،فتحتو ليهم بقو يعاينو في العربيه يمين وشمال بعدها قالو ليها امشي،طبعا م صدقته لما قالو ليها امشي ولا استوعبته الحاجه دي الا بعد م اتحركته ،قالت لي اووووف اعصابي تلفت ،شهد ي هبله الخوف بخرب اي شي لما تكوني في وضع زي دة اتماسكي واتصرفي بي ثقهه فهمتي؟قولته ليها ديل يجيبو الجلطه،قالت لي انا خلاص طبعا هبطتهه،بعد شارعين ضربت تلفون بعد فصلت سالت زول في الشارع قالت ليهو لو سمحته شارع النص دة بي وين؟قال ليها ادخلي بالشارع دة وم تقيفي الا لما يلقاك زلط،بالفعل دة الحصل وصلنا شوفنا تجمع قالت لي ديلك الناس بس ابركن عربيتي وين؟وقفتها على جنب قالت لي يلا ننزل،نزلنا ومشينا لحقنا الناس،والحششششد كان كميييييهه ،وهي ماسكاني قالت لي م تفكيني وخليك في النص،عدت قريب النص ساعه والناس بتهتف وانا خاايفه خووف م عادي،فجأهه جات عربات الشرطه وبدو يفكو بومبان الاولاد بقو يقولو البنات تجري تدخل البيوت يلا سرعهه ،إمتثال بقت جاراني وجاريه لغايه م لفينا لفه كدة لقينا بيت فاتح قالو لينا ادخلو،دخلونا فيه،إنتظرنا شويه طلعنا الناس اتجمعت في شارع البيت دة زاتو وبقت تهتف ،برضو خلونا قعدنا قريب ساعه والناس متقدمه على شارع النص وامتثال كانت بتصور بي تلفونها،قالت لي هاك خليك ماسكاهو كدة وصوري،بس فجاهه جات عربات شرطه وبكاسي جهاز ،الشرطه فكت البومبان في واحد وقع جمبي م شوفته منو شي غير الدم جاري قدامي،بقيت اقول واااي مااات،واااي كتلوهو بقيت اصرخ بطريقه هستيريه والناس شالتو وجرت اتوزعت في البيوت وانا زاتي معاهم ،البيت الدخلنا فيهو كان اقرب بيت للشارع،والاوضه النحن كنا فيها بإتجاه الشارع وانا هبطتهه اول م دخلنا البيت من الخوف وقعته م حاسه بنفسي،في بت قالت ليها واااي اللحقوها،جابو لي مويه رشوني بيها وبقو يكفتو فيني،فتحته عيوني ادوني مويه شربتها،بقو يقولو لي انتي كويسه؟واحد من الأولاد جا داخل بسرعه قال لينا قومو بسرعه يلا اتحركو امشو بالزقاق داك الناس جاين،بقيت اقول امتثال،امتثال،واحدة قالت لي امتثال منو؟قولته ليها كانت معي م عارفاها وين وبقيت ابكي،جرتني قالت لي بتكون قاعدة ليها في مكان بس،اول م وصلنا الزقاق نسمع بصوت تكسير قزاز البنات بقو يصرخو،واحد من الاولاد طلع الحيطه قال ليهم اسكتو هس وبقى يشيل وينطط فيهم ،كل واحدة فينا حالتها بقت غير وانا خلاص قعدته في الارض ،واحدة سمينه قالت ليهم انا م بقدر واحد جراها قال ليها بلا م بقدر معاك ورفعها للتاني نزلها بغادي انا اخر واحدة إتناولني الفوق لما عايز ينزلني وقعته رجلي شبه إتفصلت،نزل شالني دخلني البيت ،المرة قالت ليهو دخلها هنا الغرفه دي بسرعه،كلنا بنات على اولاد دخلونا غرفه واحدة وقفلونا وانا ببكي قولته ليهم الجيت معاها مافي ،بكونو مسكوها،الولد قال لي م مسكو زول عشان كدة لافين بفتشو في البيوت اسكتي عليك الله م تجيبي لينا البلا ولناس البيت،فضلته قاعدة وبرجف ،في واحدة من الجنبي انتبهت لي قالت ليهم جيبو جلكوز ولا اي حاجه البت دي مهبطه شديييد يلا بسرعه ،جابو لي مويه في كبايه شربتها ،المره جابت ليهم بطانيه قالت ليهم غطوها عاينو سنونها تضرب في بعض كيف،البت غطتني وبقو واحدة تفرك لي في يدي والتانيه في رجلي ،فجأهه في تلفون ضرب،الولد قال دة تلفون منو ؟البت طلعتو من جيب الفستان حقي وردت قالت الوو؟لا انا م شهد انا واحدة معاها هي تعبانه شديد البيت الكنا فيهو هجمو عليهو عشان كدة متوترة شويه،لا م حصلت حاجه بخير بس دخلتها خوفه،نحن في...بقت توصف ليها،قالت ليها انتي بعيدة شديد م تحاولي تجي الناس ديل محاوطين الشارع كلو نحن البيت الكنا فيهو كسرو القزاز الفيهو كلو،طيب تمام لو لقينا طريقه نطلع بنجيبها ليك،فضلنا قاعدين وقاعدين والاولاد كل شويه بضربو تلفون بقولو ليهم م تطلعو لسسسه قاعدين في الشارع،عملو حركه بقو يكوركو في الشارع علشان يغشو الثوار ويطلعو من البيوت وكدة بس ماف زول طلع كانو في ناس طالعين في العمارات فوق ومراغبين الحاصل وبدو اخبار للناس التحت،وامتثال كانت كل شويه تضرب الناس ترد تقول ليها حتتنا دي لسسسه الخطر فيها،قالت ليهو ادوني شهد،البت قالت ليها هي كان قادرة تتكلم كان ردت ليك💔وكانو برمو بومبان كميه جوة البيوت،والزمن اتاخر في ولد قال لينا الساعه ماشه 8ونص مساء ياخ م فترو،المرة ست البيت قالت ليهو ديل كلاب م بفترو ي ولدي الله ينتقم منهم والله راجلي عندو الازمه اسي تعبان شديد وبخاخو منتهي،في واحدة قالت ليها هاك ي خالتو انا معي بخاخ جايبه معي احتياطي اتنين ،قالت ليها ي بتي،قالت ليها امسكي اديهو ليهو💜قالت ليها الله يوفقكم ويحميكم ي رب،فضلنا قاعدين على اعصابنا وانا كل م اسمع صوت البومبان والفنابل الصوتيه حالتي ترجع زي اول واهبط واقعد ابكي،ضربو للبت
