تحت وسط حاله الصمت ديك احمد قال ليهو شايف؟ حرفيا دة المعنى الحقيقي ل"إتقي شر الحليم إذا غضب"البت دي ليها كم شهر معانا م حصل سمعنا نبرة صوتها عاليه في الكلام سااي،انت وابوك الخليتوها تصل للمرحله دي وانا لو مكانها م كنت حأكتفي بي كف واحد ابدا،محمد قال ليهو عليك الله انت ي صهيب انت حتعقل متين؟م خجلان من نفسك وانت مباري ابوك كدة زي المراهق؟احمد قال ليهو المراهق زاتو بتمرد قول زي شافع الروضه،والغريبه انت وابوك الشحمه والنار يعني بتتفقو كيف ووين والمقابل شنو لمن بتوافق على خططو القذرة دي يعني؟
هيا قالت ليهم م تطلعو من دور المثاليه المبتذلهه الانتو داخلين فيها دي؟
احمد قال ليها المثاليهه دي متغمصاها انتي في شاشه التلفزيون البتطلعي فيها دي،نحن بنتكلم عن الواقع العايشنو نحن دة،
صهيب طلع امو بقت ماشه وراهو وتتكلم معاهو صهيب ي ولدي م تطلع ،قال ليها ي امي طالع انا عليك الله م تمسكيني،قالت ليهو كل مرة تعمل كدة ي ولدي مرة واحدة بس اسمع كلامي،طلع وم اشتغل بيها بقى ماشي وهي جاريه وراهو ،ركب العربيه دقت ليهو القزاز نزلو قال ليها ي امي ادخلي جوة وم تلحقيني ،قالت ليهو سمح اعمل حسابك وانت سايق ي ولدي،سوق غلى مهلتك م تحرق قلبي غليك واتصل علي لما تصل ،اتحرك مشى وخلاها واقفه دخلت البيت تتكلم براها وتقول استغفر الله العظيم ي رب ،استغفر الله العظيم ،ي رب تجيب العواقب سليمه، ي ربي تحفظو،ي رب تتلطف فيهو ي رب ،حسبي الله ونعمه الوكيل ،حسبي الله ونعمه الوكيل،وصلت لقتهم بتناقشو،قالت ليهم كفااايهه،كفاايهه الله يرضى عليكم تعبتوني ومحنتوني في دنيتي دي،اريتكم لو كنتو شحم وراح في البطن ساااي بدل البتعملو فيني دة ،دي م ولادة دي غضب،احمد مسكها قال ليها ي امي اهدي عليك الله روقي وم تزعلي نفسك وترفعي ضغطك سااي يعني ولدك وراجلك جداد عليك؟م ياهو حالهم حياتهم كلها عبارة عن صفقات على حساب حياة الناس ،هيا قالت ليهو البتقول عليهو كدة دة ابوك ي احمد ابووووك وعمل كل دة عشان يوفر ليك الحياة الانت عايشها اسي دي،قال ليها اي حيااة دي؟قصدكك النحن فيها دي حياة؟انتي عارفه في ناس عايشين في رواكيب وعايشين حياة احسن من حياتنا دي عارفه ليهه؟الحياة الحقيقيه بتكون براحه البال وراحه البال دي نحن فاقدنها،قالت ليهو دامك عايز عيشه الرواكيب دي المقعدك هنا شنو امشي جيب ليك عيدان ووقفهم واعمل ليك راكوبه ،حبوبتها قالت ليها هيا،قالت ليها شنو هيا هيا كلامي م صح؟ابوي اولادو جاحدين للنعمه ي حبوبه قدر م يعمل يبخسو فيهو يعني هو مجبور عليهم مثلا؟كفايه جدا انو كبرهم وعلمهم ووصلهم للمراحل دي ،محمد قال ليها بما انو عقليتك نفس عقليه ابوك ف النقاش معاك عقيم للأسف،امهم قالت ليهم كفااااايهه،قولته ليهم كفااايه؟مش البيت دة ؟اها انا دة طرفي منو ارتاحو بعد كدة،مشت فوق لبست توبها وشالت شنطتها الصغيرة وطلعت ،حبوبه مسكتها قالت ليها ي عواطف،قالت ليها ي عمتي م تمسكيني عليك الله،انا الاولاد دي هدو حيلي على شنو بس انا استحمل دة كلوو يااخي؟محمد جا قال ليها امي ،قالت ليهو ولا كلمه ي محمد،قال ليها امي انا محمد ولدك اسمعي كلامي ياخي مافي بيوت م بتحصل فيها نقاشات ومشاكل،قالت ليهم م بالإسلوب دة ولا بالكترة دي،اظن نحن البيت الوحيد اليوم واليوم التاني فيهو مشكله على شنو ياااخي؟شال الشنطه من يدها قال ليها امي ،جات هيا مسكتها قالت ليها سووووري مام انتي بس هدي اعصابك اوعدك انو تاني م حتتكرر،قالت ليها مش في البيت دة؟والله تتكرر في اليوم الف مرة،امتثال جات قالت ليها وبعدين ي عواطف ي اختي الزول بحل مشاكل بيتو ولت بمشي بخايها وراهو؟كان كل زول بعمل كدة م البيوت دي حتتهدم بالمشاكل بس،قالت ليها صبرتهه العمر دة كلو لقيت منهم شنو؟بقيت تبكي وبقو يهدو فيها لغاايه م ساقوها طلعوها غرفتها وجا محمد قال ليها الضغط لقاهو منخفض،قال ليهم محلول ملح وشويه سكر في كبايه سرعهه،مشت هيا تجيبو ليهم ،احمد قال ليها عليك الله ي امي عشان ولدك وراجلك ديل م تزعلي نفسك ياخ ،امتثال قالت ليهو انت اسكت خلاص اقفل الموضوع دة،جات هيا شربوها المحلول وقعدو معاها شويه لغايه م هدت بعدها طلعو ،بعد م طلعو حبوبه قالت ليهم امكم دي الا ترموها بجلطهه حتى ترتاحو عيال الله دة نهائي م اداهم عقل الله لا بارك فيكم ومشت خلتهم 💔
