حبوبه وهي قاعدة معي قالت لي ي بتي الوجع رااقد والمعاناة كتيرة اقرب مثال اسي عمتك عواطف دي م تشوفي ضحكها وونستها دي والله شافت الويل،مش سمير دة ولدي وتربيتي؟اصلي م بشكرو ليك القروش والسلطه ي بتي بتغير من طبايع البشير كتيير وبتخليهم يبقو زي الكلاب بتنهش في لحم بعض ،انا م لايماك ابدا ولا زعلانهه منك لانك مظلومهه وم ليك ذنب،لكن ي بتي عليك الله فكري كويس دة م بيتو هو زاتو دة بيت ابوهو م تمشي خليك قاعدة بقولو عشان عين الواحد بكرم الف عين انا مش ولدي دة ؟عارفاهو تصرفاتو كلها غلط في غلط وياما نصحتو لكن م بسمع نصيحتي ي بتي ،الفي راسو بس بعملو نحن القاعدين معاهو زاتنا ضايقين الويل لكن اها نعمل شنو؟حقكك دة كان كعب برضو في النهايه م حقكك بس،
خالتو عواطف قالت لي راجلها اها ي سمير الحل شنو؟قال ليها بالنسبه لشنوو؟قالت ليهو بالنسبه للبت دي هتعمل شنو ؟شايفها متمسكه كيف بقرار رجعتها اهلها،البت مسكينه وتقطع القلب ،امتثال قالت ليها والله وجعت قلبي بالبكى وصغيرة يعني م حمل كل البحصل ليها دة والله ياخي💔 راجلها قال ليها تقعد بس،بأي طريقهه كانت حاولو اقنعوها انها تقعد ما عندي ليها حل غير كدة وانتي عارفهه ،وبعدين ولدك وينو؟ي محمد شوف لي اخوك دة وين،محمد قال ليهو ي ابوي انت عارف ولدك زي الزمن دة حيكون حايم في جمبه من جمبات 117،
طلع تلفونو ومشى منهم مسااافه وقال"صهيب،وين انت؟تعال لي في البيت اسي ،اسي دة انا منتظرك يلا،
حبوبه قالت لي الله يرضى عليك ي بتي قومي الود دة بتمرضيهو اسي ،م تقوي راسك اسمعي كلامي حلفتك بالله قومي عشان الولد دة قومي الباعوض والبرد الليله ياكلوكم اكل يلا،قومتني من محلي ودخلتني البيت ،وصلتني غرفتي قالت لي رقديهو ناايم ي حليلو المسكين،قالت لي دقيقه،طلعت مشت جابت لي اكل في صحن،ومويه وكبايه لبن،قالت لي اكلي م تنومي جعانه والولد كان قام شربيهو اللبن دة ي بتي الله يرضى عليك،فتحت الباب عايزة تطلع سمعنا اصوات نقاش جايه من برة،وصوت صهيب بقول"م تكتر معي ي حاج مش بيتك دة؟انا طالع مخليهو ليك ولا اسفا عليهو زاتو لانو اساسا دة م بيت دة جحيم،ابوهو قال ليهو اسكت ي حيوان ي كلب،خلاص اسي بقى ليك جحيم؟الجحيم دة اتربيت تحتو ي وسخ،اولاد كلاب انا اتعب واربي وفي النهايه دي جزاتي،صهيب قال ليهو دي ه تربيتك م جزاتك ،ابوهو قال ليهو اسكت ي حيوان اسكت،مقصر منكم في شنو انا العيشه المعيشكم ليها ماف زول معيشها لي اولادو،معيشكم في جنه انا ي كلاب في جنهه،قال ليهو جنهه بطعم الحنضل ي حاج عن اي جنهه انت بتتكلم؟هي دي عيشهه دي اساسا؟خالتو عواطف بقت تقول ليهو صهيب ،عيب ي ولدي عيب الكلام دة منك دة ابوك،حبوبه جرت عليهم،عمتي ماسكه، في صهيب وهو بتناقش مع ابوهو،في الاخير شال شنطتو وقام طالع،محمد مسكو قال ليهو صهيب صهيب خليك عاقل شويه دة ابوك،صهيب قال ليهو محمد خليني عليك الله،قال ليهو صهيب اسمع كلامي انت ابوي دة جديد عليك يعني؟م دايما دة اسلوبو كلنا قاعدين نستحمل ونبلع عشان مجبورين انت لييه م تستحمل؟قال ليهو صهيب منتهي اتفك منو وطلع امتثال وحبوبه بقو جارين وراهو،وعمتي عواطف بتقول ليهو ي سمير اتكلم معاهو،ي سمير طفشته الولد من البيت م براحه ي سمير براحه المشاكل م بتتحل كدة،
قال ليها ولدك سفيه ومطلوق وم نافع،فوق م انو قاعد عاطل ساي لا شغله لا مشغله كمان يتطاول ويقل ادبو؟م ياما ضاريت ليهو،ياما نضفته ليهو وسخو البعملو،ياما غطيت ليهو كان خرشاتو البتعاطاها ولا البيوت المشبوها البمسكوهو فيها وفي الاخير جاي يقل ادبو معي انا؟م ياهم اخوانو الاكبر منو فيهم المهندس والدكتور،هو الليله داخل في ال28سنه ولسسه مباري لي الفارغه،اعمل شنو انا اكتر من انو اي شي كنت بعملو ليهو زي م داير سواء في الجامعه او في غيرو،خليهو يمشي يطق راسو في سابع سما بقدر يبقى راجل هو؟،امو جات قالت ليهو ي ولدي،قال ليهم م داير زول يفاتحني في موضوع الزفت دة،خلوهو لي انا بأدبو بطريقتي ...💔
قفلته باب اوضتي علي ونمتهه ، صحيت الصباح كانو داخلين في حاله كدة غريبه والبيت جو مكهرب ووشوشهم م بتتفسر ،وعمتي عواطف دي وشها شااحب وعيونها مورمه كأنها م نامت،م قدرته اتكلم معاهو ولا اقول طالعه ولا م طالعهه،حبوبه قالت ليها كدة حاولي رقمو تاني شوفيهو برد،شالت التلفون ضربت،فجاهه قالت"الووو؟صهيب ي ولدي ،كيفكك؟قال ليها امي انا كويس الحمدلله م عندي عوجه اسي كنت داير اتصل عليك ،قالت ليهو ي ولدي م...قاطعها قال ليها امي دايرة تطمني علي صح؟يلا انا كويس وعليك الله م تفتحي معي موضوع،قالت ليهو اسي وين انت؟قال ليها انا في المطار مسافر،قالت ليهو مسافر وين؟قال ليها طالع رحلهه مع اصحابي،قالت ليهو رحله وين؟قال ليها امي دايرة تطمني واتطمنتي صح؟يلا مع السلامه،قالت ليهو لمن تصل اديني خبر،قال ليها كويس يلا سلام...
عدت اسبوعين في يوم حوالي الساعه 10ونص مساء انا كنت في المطبخ بجهز لي كريم في لبن،فجأهه حسيت بصوت جوطه برة بس م طلعته،بعد فترة بسيطه اسمع صوت حاج سمير بقول ادخل،ادخل ي كلب،وصوت زول بقول ليهو م تلز قولته ليك م داخل،وفجأهه اسمع صوت ضرب،والصوت التاني بقول اضرب ،اضرب على قدر م تقدر قايل نفسك كدة بتخوفني انت؟؟...💔
#نتلاقى®
