عشق المُعممِ

1

روآسي.. الحياة دائماً تختار طريقهاً بعناية وغصباً عن الگل.. راح تمشي بطريقها سوأ كانت عدلة لو عوچه.. ورب العالمين كاتب طريق لكل واحد منه طريق راح يمشي عليه وهو مغمض ما يعرف شنو مصيره وﻻ شنو.. منتظره من مطبات وعثرأت وحتى فرح لو سعاده .. مجنت اتخيل بعمري أعتنق الأسلام وأصير وحده مسلمه وفوك هذا كله بابا يجبرني وهو على فرآش الموت.. آنو اتزوج مسلم والمفأجاه العضمه هو.. معمم ودينه قـوي وايمانه كبير بالله ..اني الجنت اكول اتزوج واحد احبه ويحبني وانعيش بدوله حتى .. اوروبية ﻻن اعرف اوضاع العراق والتشدّد على مسيح.. بـ زمن قبل طبعاً ﻻن هسه العالم والعراق تغير نظرتهم للمسيح .. مجنت اعرف عريس الغفله وبابا جبرني عليه وخﻻني اسَلم بيوم عرسي منه.. تخبلت فقدت اعصابي واني اتوسل بي انو يغير رأيه.. ﻻن اني مستحيل ابدل ديني.. بس انفجعت بي ..وهو يرد عليه.. باقيلي ايام والله ياخذ امانته والسرطان.. وصل لگلبي بنتي اريد اشوف عرسچ اؤمنج يم واحد يخاف الله بيچ.. خلأني اوفق واني اشوف الموت بعيونه مردت اكسره واكوله ﻻ وهو يرافس بالموت.. زوجته وصرت مسلمه وأخذنه بابا لبيتهم واني كل هذا.. ما باوعت لوجه ما اعرف غير بس اسمه.. ألياس.. ما طول بابا هواي ومات فقدت حياتي الوانها.. وتخبلت علية.. وهو باقيلي من هل دينا من بعد ما امي عافتني وشردت وي واحد تحبه خلت بابا يتعذب بيه ومحتاره بلقمتي ومصروفي وكل شي احتاجه.. رغم مجنت ابيّن اله اني محتاجه امي.. بس احساسي صعب واني اكبر بـدون ام من اشوف صديقاتي يسولف علئ امهاتهن .. أختنك وبـودي اجرب احساس الي يسولفن بي .. ما شبعت من حظنها وهي راحت واني بعمر لـ 7 سنوات ما اعرفت.. غير بس بابا يگولي ..

.. امچ ماتت انسيها بعد.. الي اختارت حبها على بنتها وزوجها هاي ما تسمى ام..

زرع بابا بداخلي كره وحقد الها عميق كل جرح وكل عذاب جنت اعيشه يزيد حقدي عليها.. شلون عدها قلب وتترك بنتها وحيده وتركض ورآ واحد حبته..
هاي مو آم الاعرفه انو الام هي .. تضحيه..
وهي ما تركت وراءها أثر حتى ما خلتلي اخ لو اخت.. انسدن عليه بهل دنيا جابتني وحيده .. لهل دنيا..
ولي هسه ما اعرف شي يخصها ولا اريد اعرف.. لان ماتت بأليوم الي تركت بابا مكسور ورا بنيه تبچي عليها...

مرت سنه على وفاه بابا كبرت وصار عمري ١٧..سنه ..
عشت بيت الياس طول هاي سنه مثل الاميره مدلله.. ومحد يكولي ليش.. الحجيه ام اليأس ماكو مثلها بدنيا هاي.. مراة كبيره بالعمره.. بس وجهها يلمع.. وتربه محفوره بجبينها وبياض وجهها وريحتها الطيبه.. تمليّ عليه الدنيا.. عاملتني مثل بناتها.. ولا چني جنتها لا بنتها بنتها تخاف عليه من كل مرض..
وتحرص على اكلي.. وتشوفني مرتاحه يلا ترتاح.. ما اكدر حتى اسميها خاله.. لا هاي امي.. امي الي ما عرفت شنو احساس الأمومه الا بين حضنها..

عدها الياس الچبير وهو عمره ٣٠ ومن بعده اجه بفرق سنه.. علي الضابط برتبه نقيب.. ومن ورأ بكم سنه..
بنتها سلوى متزوجه وعدها اجهال اثنين ولد وبنيه.. ماخذه ابن عمتهم وبيتهم بالبصره ما نشوفها هواي.. بس اسمع بيها.. تجي بالعطل بحسب ما سمعت من .. خاله ام الياس انو رجلها اهم شي عنده شغله وعايشه ويا بالگوة بـس هي مؤمنه وعدها صبر كبير .. وهواي شغلات سولفتلي عليه يسكرّ وسوالف نسوان.. عنده وكم مره علي دگه دگـه وخلآ ما يشيل يده لو رجله.. بس يرجع مثل قبل وهي ما تكدر تتركهِ تكول جهالي وكبرو .. وين اعوفهم ..

بهاي سنه الي راحت تعلقت هوأي بيهم صرت احب ..
وجدوهم ويايه احب اسمع صوت خالتي وهي تقرأ قران لـو تصلي كـدامي واني اضل اباوع عليها.. مدري بس احب اشوفها تصلي لو اهتمامه لـ علي اليه وهو يعاملني مثل اخته الصغيرة من ينزل من الدوام بيده علأكـة مليانه حلويات ووكتب يعرفني احبهم.. وخصوصاً لحلام مستغانمي وشغلات نسائيه حتى.. عطورات وغيرها تعودت على بروده واعصابه من ما يعجبه شي .. صرت احب اشوفة من يدرب حتى ..
بالحديقه واضحك على خالتي تخاف علية يشيل هوآي حديد... صرت احبهم عائلتي ثانيه .. صحيح ما نسيت بابا بس مثل ما يكولون تنآسيت... وعشت بحياتي...

امآ اليأس .. بلوتي الچبيره روحي الي بجسمي.. وگلبي نابض بصدري.. الياس اسم علية... ريحه الياس والعنبر عطر الطيبه بيّ والحب النظيف ..وروح الله ..من اجيت للبيت وصرت زوجتة فجأه بالبدايه كرهته وكلت شلون اخلص عمري وي واحد معممّ؟ وراح يكـون همجي اكيد ﻻن الأغلبية هيج ..كل همهم دين بنيه متطلع صوتها ماكو حرام كل شي حرام..
بس ضربت افكاري عرض الحايط واني اشوفه يخاف الله بكل شي .. وشفت ثقافه منه وعرفت الأخلاق شلون تصير ويأ يعاملني مثل وحده طفله يمسح على شعرها لـو تبجي يصححّ غطلها من تغلط يلعمها صح من الخطأ الحرام من الحلال.. بس رغم هذا كله ..
ما جبرني على شي وﻻ خلاني احسّ انو اني نقمه عليه.. صرت متعلقه بي احب خوفه عليه احب اهتمامه وحرصه على دروسي .. كل شيء بي طعم من دخل حياتي وصار بي واحد يخاف عليه من الهوآ..
بديت شويه شويه انعجب بي وبعدين صرت احبه.. عرفت هل شي من يجي للبيت من سفره .. وهو رجل دين ومعّمم ويطلع بـ تلفزيون ويلقي محاضرات.. رغم صغر سنه بس كدر يثبت مكانته وحبه بين الناس ..اموت اني باليوم الف موته من يهدون نسوأن اله.. هدية يتباركون بي عود.. بـس هو يرفض بطريقته.. اعرف زواجنا على ورق بس واحنا نام كل واحد بغرفه بـس حبي بدأ يكبر اله .. بداخل كلبي... شلون راح اكمل حياتي ويا واني اشوفة كدامي رجال.. الكل يتمناه واني مجرد ولأ شي بحياتة.. مجرد شفقه... لأ اكـثر...

_____

البارت الاول هذا مجرد تعريف لا أكثر..

هل روايه جدا عزيزه على كلبي..

والبطل مو مثل ابطالي سابقين... 😅

اتمنى تحبوها.. 😘