#الحلقه_الثالثه_والعشرون👌
#فارقتك✍️💔
اسماء: تخبط وتعيط ربي ينتقم منك ربي ينتقم منك ...
الدكتور: اهدى يامدام
اسماء :منهاره ع اعلى مستوى من الهم والغم والغربه والخيانه صراعات داخلهااا ....
الدكتور: ثبت انبوب الدم فيهاا وحط ف التغديه حقنة مهداء . .....
الدكتور:يشوف فاها يارب اشفيهاا هالحرمه من كم سنه يابوها وهيا منهاره واللحين نفس الحاله ..كان الله فعونك ....
ساره: تبكى يارب خيرهاا شن جاها البنت كانت تضحك وتهدرز وفرحانه بينا ...
جنات: ربي يحفظها ويشفاهاا الباين عائشه ف هم ...
بو جابر :زعلان علاها هلبا
وجابر: يهدرز ويضحك مع مازن
اساسا مازن زعلان علاها اكثر منه ...
سلام :يارب قومهابالسلامه ...
بوجابر :شن جاهاا وشن صارلهااا ...
ساره :ياعمى ف رقم اتصل باهاا ومن بعد هالاتصال انهارات ... بوجابر :شن زعمى الاتصال من ليبيا
ساره :لالالا من هنى ...
بو جابر :هااتى الهاتف جااى
جابر :واقف ويشوف فيهم ..
بو جابر :شاف الرقم وقعد يقول كانى نعرفه هالرقم ....
قرب جابر وشااف الرقم ... وفلت عيونه
بوجابر: تعرفه الرقم
جابر: بلع ريقه لالالالا مانعرفه ...
بو جابر :طلع وقال لى ولده الحقنى بغضب ....
جابر: يرتجف من الخوف شن فيه يابابا
بو جابر :الحقنى قلت .... وفيده هاتف اسماء ...وطلع برا المشفى وركب ف السياره بوجاابر اه ياربي شن بندير وكيف بنتصرف ...
جابر :بأستعباط يااااابابا خيرك ...
بو جابر: اخرس ولاحرف يااحيوان ياامريض البنت بتموت من قلت الراحه ....
جابر: وانى شن درت ..
بو جابر: الرقم هذاا لمن قوووووول ...
بو جابر:ف قمة غضبه
جابر :وووواللل اللله مانعرف ...
بو جابر :وتحلف بالباطل ياامريض ...
بوجابر: استنى توى تعرف هات تليفوونك.
جابر: شن بدير بيه
بوو جابر :شن قلت انى افهم علياااااا هات تليفوونك قلت ... جابر :جبينه ينقط بالعرق ومد الهاتف زى الراجل الطيب ونقل الرقم من هاتف اسماء لى هاتف الحيوان قصدى جاابر ... وامتى دار جاارى الاتصال طلع الحب ...
شاف فيه نظره غضب واالشراره من عيونه جابر انخرس توى خلاص والهاتف تووووت توووت توووو ...
الو يابعد قلبي موضي ردت وبوجابر فاتح السبيكر ...
وموضى: الو حبي اشفيك ماترد يااقلبي انت ...
بو جابر :ياحيوانه يارخيصه شن قلتلك انى
موضي :ا ا اأ بو جابر ....
بو جابر :كم مره فهمتك تبعدى علي ولدى
موضي: قفلت الخط ...
جاب:ر خش بعضه من الرد ومن الموقف.....
بو جابر: فتح ع الارقام وبدى يمسح ف كل شيء يخص هالبنت ... والرسال ..
ويهدد ويتعهد ويتوعد ف جابر بتجميد رصيده ف البنك ..
جابر:نزوه والله سامحنى يابابا والله هالمره وعد
بوو جابر :خلاص انت بنسبه ليااا مش موجود والحيوانه اشبح شن امقاايله لى اسماء وصلت حالتهاا لهذااا الموقف ... وبالغلط ضغط ع الصور ....ولما شااف انصدم من اللقطااات المخله ...... وهواا ف سىريرهاا ...
جابر: يابابا ويحلف ويعهد ويقسم
بو جابر :فتح الشباك وقعد يتنفس ارتفع ضغطه وقريب مات لدرجه غاب عن الوعى
جابر: نزل يجرى اسعاف بابا مانعرف شن صاارله ....
ودخلوو للاسعااف حكم غايب عن الوعى بسبب المناظر المقززه اللي شافاها .... بوجابر ف الاسعاف خطوه حقنة مهداء وخلوه تحت الملاحظه شوى ......
#عند اسماء بدت تفيق شوى شوى واتكررت تخاايولات كلام علي ليها مش مركزه ولا متاكده هل صح او غلط ......
جابر :يخبط ف راسه امتى شاف بوه وحاله بيهبل وماعرف كيف هكى صاار ...
مازن :خيره عمى شن صار
جابر: متوتر معااش عرف شن يرد .....
ساره :قربت خدت منه هاتف اسماء لان جنات تبي تكلم احمد ... لقت رقم متصل ثلاث مرات عاودت ع نفس الرقم
علي: ايوه جنات ..
ساره: لالا انى ساره لقيتك متصل
علي: بالله عليك طمنينى ع اسماء ..
ساره: خنقتها العبره مزالت تعبانه ...
علي :خيرهاا شن صار
ساره :محد فاهم شيء تعيط وتخبط وطردت جابر من غرفتها وتوى الدكاتره عندها.....
علي: انشالله خير انى بننزل توى ناخد خط شفره ونسال ع المصح ونجيكم ...
سلام :تبكى خيره بابا شن جاااه
جابر: مش عارف مش عاارف ....
من لما داخله يقول توى انوراهاا حسابهااا موضي الحيوانه ....
طلع الدكتور :ماتخفون ابووكم بخير خلونه شوى وعقبها تسيرون بيه البيت عليه العافيه ..
جابر :الله يسلمك
سلام :خلينى انشوفه ..
الدكتور :تقدرين تشوفيه ...
جابر: باهى وزوجتى كيف حالهاا
الدكتور :احسن الحين لاكن يبغالها تنام الليله ف المشفي لاجل نطمن عليها اكثر ...
نستاذن يا استاذ بس ياريت تمرون ع المحاسبه ...
مازن: اقعد انت توى انحول لحساب لشركه ..
جابر: تم براا....
ساره: جنبك احمد ياعلى
علي: لا توى بنمشيله ونعطيه الرقم ولا نجوو جميع...
ساره: حاضر ..
علي: بالله عليك ردى بالك علاهاا خليك معاهاا شوى ونجى ...
#ساره فلتت عيونها وقالتله حاضر .. وقفلت
جنات :خيرك غلاى عيونك ...
ساره: غمزتها بمعنى اسكتى ....
جابر :خش لى بوه يشوف ويطمن عليه بو جابر مايبي يحكى معاه.....
سلام :تحضن وتبوس ف بوهاااا
بوجابر: ماتخفيش حالى باهى يابنتى ..
سلام :ربي يحفظك يابابي ......
الدكتور: طلع من غرفت اسماء وين ساره
ساره: انى تبيك المريضه ادخليلها اللحين ....
ساره' خشت بسرعه لى اسماء ..
اسماء :سروو تعالى قربت علاها وحظنتهاا اسماء تبكى ماتخلونى هنى نبي نروح معااكم
ساره:باهى بتابتى عحسب كلام الدكتور
اسماء :لالالالا بنروح لى ليبيا انى انموت هنى..
ساره: بعيد عليك الشر شن فيه حبيبتى
اسماء: جابر وحش حيوان ماافالح في شيء الا الاهمال والتواقح معااى واهانتى ..
ساره: كيف ...
اسماء:يخون فياا مع وحده فاسده وحتى المصروف يصرف عليا عمى بو جابر ...
انا نكرهه وكلامى في حقه قبل مانتزوج نفسه توى لازم انروح معااكم ...
ساره :تحضن وتبوس فاهاا يصير خير وسعى بالك وربي يستر ...
رن هاتف اسماء ثاانى
اسماء :انفزعت من اللي يرن
ساره: هذاا الفندق على من بكرى مشغول عليك اكيدهواا ... ساره :فتحت الخط ايوه
علي: طمنينى كيف حالهاا توى بنفس الخوف والشغف والتوتر ....
ساره: احسن توى انى بحداهاا ..
علي :اعطيهاالى انكلمها لو تقدر ...
ساره :شويا نسالهاا حطت يدهاا ع سمااعت الهااتف ... وتاشر ليها ان علي يبي يكلمهاا...
اسماء :,قعدة تتخيل ف كلامه وقت اللى رفعها ف حضنه وقالتلهاا هاتي وردت عليه ...
أسماء:بصوت تعبان الووو
علي: اه يااقلبي ف سره ..
اسماء: ايوه وااضح ع صوتها التعب والمرض ..
علي: لاباس عليك ...
اسماء: الله لايوريك بااس ..
علي: كيف اتحسي توى ...
اسماء: اه احسن شوى ...
علي :اناتوى بنجي غادى لو تبي شيء انجيبه معااى ...
اسماء:ماتعب نفسك صحيت بارك الله فيك ..
علي: كيف عاد تعبك راحه المهم ارتاحى انتى ..
اسماء :حاا ضرر
علي: بالله شن اسمها المشفى ....
اسماء: اسمهاا*********في شارع ********مقاابل مبنى *"******علي تم توى انقول لى التاكسي ...
اسماء؛ توصل بالسلامه ..وقفلت الخط ...
ساره: تشوف فاهاا نظرات استغارب ....
اسماء: خيرك
ساره:بنظرة ع جنب شيء سلامتك ماتبي شيء انتى ...
اسماء :لا سلامتك بس وين عمى ...
ساره:بارتباك اه شكله برا ..
اسماء: وين عمى بو جابر ..
ساره:, تعب شوى حطوه ف الغرفه الثانيه ...
ونطت اسماء :خيره ..
ساره: ماافيه شيء نزل ضغطه بس ...
اسماء :لازم انشووفه
ساره :ريحى روحك توى ينوض عنده جابر ..
اسماء: هالحيوان امتى نرتاح منه مليت ياسروو
فات الوقت وصل على واحمد مع ان احمد كان غير راضى ع جية علي للمصح ولاكن اصرار علي كان فوق كل شيء اطمنو ع صحة اسماء علي طلع وخلى القلب عند اسماء وبعدها طلع مع احمد وجنات وروحو للفندق وجابر روح بي بووه واخته .. وفاتت الليله عااديه واسماء وساره بايتين ف المصح اسماء طول الليل مارقدت مشغول بالهاا ع توامهاا اول مره تبات بعيده عليهم ......
وفاتت الليله عاديه وثانى يوم جي جابر بيروح بي اسماء وساره ...
طبعا ماتصرف اى تصرف اتجااه موضي قعد ف الفيلا والتوام مع سلام ....
اسماء ماتبي تشوف حتى وجهه وكانت ساره تحاول ترطب الامر بس عجزت ...
وصلو للفيلا ولقو قدامهم جنات واحمد وعلي ...
علي شاد التوام يلعب فيهم ..
اسماء نزلت من السياره امشت تجرى ليهم اصلا هما قريب هبلووو لما شافوهااا....
بو جابر: نورتى الحوش يابنتى
ام جابر:بتكبر حمدالله ع سلامتك ...
سلام:نورتى اسووم تحضن وتبوس فاهاا ...
جنات نفس الشىء ...
علي:بارتباك واريااف الف لاباس عليك نورتى
احمد: انستى ....
جابر:اسماء اطلعى لغرفتك ارتاحى ..
اسماء :تجاهلت وماردت عليه ربي يسلمكم جميعاااً ...
جابر :انكلم فيك خيرك بهمس ..
أسماء:بهمس وانا حره مانبي انرد عليك ...
جابر: اوف وطلع ركب في سيارته وتحرك ...
الكل استغرب تصرفه
بوجابر:جااابر تعال جاى وين ماشي
جابر:يؤخر ف السياره دار منبه🚗وطلع
سااره: وسعي بالك معاه
طبعاا علي مركز لكل شيى ...
جنات: توشوش لي احمد خيره علي هكى مع اسماء .تحسه مهمتم هلبااااااااااااااااا بيها صح
احمد:هالمصيبه ع اساس حبه الاول بيفضحنا عارف انى ....
جنات: بصدمه اهاااا كيف حبه الاول
احمد: يحبهاا من يوم حفلت المرسم كانك تتفكرى فاهاا .. ..
عند أسماااء
اسماء :ياعمى نبيك ف موضوع مهم ...
بو جابر :ارتاحى قبل ونحكوو كيف تبي بعدين
اسماء :راحتى بعد ماانقولك الموضوع وانت توافق .....
بو جابر :انشالله خير باهى هياا وخشوو للمكتب
اسما:نستادنكم شويااا
البقيه:خودى راحتك
خلت سلام معاهم وخشت ...
احمد وجنات يهدرزووووو
جنات: والله شكيت في شيء مش طبيعي بس مانعرف ان اسماء تبيه ...
احمد:تى اين تبيه الغبي ماقاللها يحبهاا من طرف واحد .... علي :متوتر ماتعرفي ياساره شن هوا هالموضوع يالى تبيى عمها فيه..
ساره:والله مش متأكده بس هيا تبي تروح لى ليبيا ...
علي: بجديات تتكلمى وبان الفرح ع ملامحه.
اسماء: بجديات وانت خيرك فرحت ..
علي:احم لالا وعلاش بنفرح وقعد يلعب ف التوام ...
عند بو جابر واسماء
اسماء: يااعمى نبي انروح لي ليبيا وننفصل ع جاابر خلاص انا معااد ليا قدره نتحمل اكثر ....
بو جابر: وقف شن تقولى انتى مستحيل يصير يالى تقولى فيه...
اسماء: ارجوك ياعمى انى تعبت من جابر ومعااش نقدر انعيش معااه ...
بو جابر :مستحيل تنفصلي عليه انا توى ان اذبه ...........
اسماء:جابر مستحيل يتأذب وبعدين انا خلاص مانبي شيء من حد نبيكم تروحو بيا اناوصغارى ..
بو جابر :زعل وعصب علاها التوام لا مستحيل .. انتى برى التوام لا يتربوو هنى عند جدهم... وف حوش بووهم
اسماء:مصدووومه ف كلام عمها بو جابر ومعاد عرفت شن ترد 😳😭
#انوقف هناء وانكملوو ف الحلقه التاليه كيف اسماء بتتصرف ومن بيساعدهاا عشان تروح لي ليبيا بدون علم حد وكيف علي بيقوللهااا ع حبه ......... ربي يحفظكم نتلاقو ف حلقه جديده ....
#حلومه
