موئل

الفصل الاول

سحبت نفسي من الفراش بصعوبة ....اوووف هاي الريحة تجبرني اكعد كل يوم علموده فتحت شباك غرفتي .....يا الله هذا مايمل دائما اتصبح بوجهة ....

شفته يلوح بأيدة انجبرت ابتسم ...سديت الشباك ....مشيت ورة الريحة الي جاي تجذبني للمطبخ
اكيد راح تضحكون عليه ....اي هاي الريحة ريحة البيض والطماطة الي تسويه بيبي كل يوم الي ...

الجدة: صباح الخير بنيتي موئل

اي اني اسمي موئل اكيد راح تستغربون من الاسم هذا اسمي اله قصة طويلة يجي وكته واسولف ...
بالمناسبة معنى اسمي الملجأ او الوطن

موئل : صباح الخير بيبي شلونج اليوم ان شاء الله زينة
الجدة : نعمة من الله بنيتي ...يلا تعالي تريكي لا تتأخرين عالدوام

موئل :ان شاء الله بيبي

اني خريجة بكلوريوس تربية انكليزي طبعا مامتعينة بس اشتغل بروضة اهلي ...ومديرة الروضة صعبة وكل يوم تهددني بالطرد ...اوووف شسوي مجبورة اشتغل علمود العيشة ....

كملت ريوك وبدلت وطلعت للدوام ....وهم لكيتة واكف بالباب

موئل ; احمد ماتمل انت!
احمد : لا طبعاً
موئل : احمد انت مثل اخوية واني وياك ربينة سوة الله يخليك فك ياخة عني .

احمد: احبج ميمي
موئل: احمد وراي دوام كافي

احمد جيرانة وعقلة مو تمام ومجلب بية كل يوم الصبح من افتح الشباك الكاه واكف منتظرني ....اني مخليته ع راحتة شسوي مااكدر اجرحة .....

وصلت للدوام ولكيت المديرة گالبة وجهة

المديرة :موئل ليش تأخرتي ؟

موئل : ست ترة الساعة سبعة ونص بعد وكت
المديرة: شوفي موئل احجيه من الاخير بعد لا تجيين للروضة وراتبج مال هاي الاسبوعين راح تستلمي وترحين

موئل: ليش ست اني بشنو قصرت

المديرة : ماقصرتي بس اكو من اكثر كفائة منج راح ياخذ مكانج ...يلا روحي عالحسابات واخذي راتبج

سكتت ماحجيت شي اخذت جنطتي وطلعت حتة راتبي مااخذته حسيت نفسي ذليلة وصدك الي ماعندة اهل ماعندة سند

بقيت اتمشى بالشوارع .....كعدت كبال نهر دجلة ماادري شسوي شلون ادبرهة علاج بيبي مصرف البيت ....اه يا ربي انطيني صبر وقوة

بقيت صافنة بنهر دجلة وبأمواجة الي تتحرك بخفة جان الجو غائم والغيوم لونه رمادي گأنها تنبأ الناس انو المطر راح ينزل .. . .

حسيت بقطرات المطر بدت تنزل ...واني بعدني حايرة بهمومي ...تبللت ....بس بعدين حسيت بوجود شخص حماني من المطر بمظلة.....

الشخص: يا حلوة ماتحسين بالمطر!

ماادري ليش ابتسمت وجاوبت : بلكي المطر يغسل همومي