Waiting shed
Isa nalang aalis na
Ang byahe ni tadhana ay muling nag lakbay, at sa susunod na istorya'y di nako kadamay
Hindi dahil sa ayoko na
Hindi dahil sa pagod na ako
Hindi dahil sa sobrang sakit na dulot ng byaheng ito
Hindi dahil sa nakakapagod
Hindi dahil sa nakakayamot
Hindi dahil ma traffic
Hindi dahil sa nakakainip
Hindi dahil maraming kasabayan during the roadtrip
Hindi dahil kulong padin sa nakaraan
Hindi dahil sa hindi makasabay sa kalakaran
Kundi dahil iniwan sa waiting shed ng luhaan
Handa na sanang sumugal
Handa nang makipagsiksikan sa maliit na space na inilaan
Handa nang mag bayad ng buo kahit wala pang panukli
Handa nang maging seryoso kahit ikaw ay hindi
"kahit ikaw ay hindi"
.....
Sa makipot na daan ng byahe ni tadhana ay may disgrasyang dumating
Pinilit mag hanap ng ibang byahe ngunit lalong ipinamuka na ikay iniwan parin
Ikaw ay natalo at yan ang totoo
Paulit ulit na sinasabi sa sarili ko
At sa pag patak ng mga luha sa kaliwa at sa kanan
Nabuo ang sandigan na ikay ipaglaban
Wala namang masama na mag hintay kahit muka kang tanga
Masakit mang isipin pero totoo naman talaga
Muling gumawa ng paraan dasal dito dasal doon
Si bathala'y kinukulit na ibalik ang kahapon
Nakakatawa diba,
Pinilit nating hinahabol yung mga umaalis na byahe
Umaasang sa eskwela umabot tayo sa unang klase
Nakakatawa diba,
Kasi masyado nating hinahabol kahit alam nating hindi pwede
Naunahan ka sa pag sakay kaya ang plano mag hintay ng panibagong byahe
Nakakatawa diba,
Kasi nag mumuka natayong tanga kakahintay
Napapabayaan ang sarili para lang sa pinaglalaban na pag mamahal
Pero iyan ang punto ng tulang ito,
Sa waiting shed iniwan ka ng puno ng sakit
Pero si God ang pag tawa'y hindi sa iyo ipinag kait.
