مرحبا اني اسمي اسراء مواليد 1988\3/من حزيران اني عائلتيى سبع اخوه واخت وحده اثنين من اخوتي اتوفو اني الكبيره بيهم انولدت عندي نقص ولادي مو اكو مفصلين بلرجل اني برجلي اليسره واحد ماكو من جيهت الاصبع الاصغر المهم جان حصار والكل تشتغل حتى تعيش اني يتركوني بلبيت جانو اهلي يزرعون بس اني ما اطلع برغم اني صغيره بس جانو يتركون يمي اخوتي الصغار وطبعن البيت والتنضيف والطبخ والخبز واذا رجعت امي ولكت شي ناقص انكتل كتله سحل بلبيت راح تكولون تبالغ ابد والله العظيم بحرف ما مبالغه وابويه يفضل الولد عليه بحكم اختي جانت صغير يعني مااكلكم مرات اكول اني يتيمه جايبيني من الميتم دراسه ما خلصت ابتدأيه مخلوني اكمل احنه مدرسه بقريه يعني طلاب قليلين جنه بل خامس عشر طلاب ولهاذا ما سواو سادس رغم هذا جنت كلش شاطره بحيث اي موضوع امتحن بي درجتي متقل عن التسعين رادوني اروح سادس بغير مدرسه بعيده شويه بس مره عمي مقبلت وكالت مازال بناتي مايرحن لان بناتهه صاقطات بلمدرسه هيه متروح عليه يعني تكعد حالهه حالهن وكعدت وضل الروتين نفسه اشوف ابويه يدلل الولد وحتى اختي الزغيره بس اني تدرون تعودت حتى صرت مااغار منهم ولا كرهتهم لئن حتى جان اذا احجي احد منهم بلغلط يضربني يروع يشتريلهم ملابس اليه ما يجيب يكول مااعرف اجيب الج عمتي جانت تجيبلي كبرت وصرت احب حالي حال البنات حبيبي ابن خالتي اني مشايفته جان ميجينه واني ما اروح بس خالتي حببتني بي من كثر ماتكول اريدج لبني وشاء القدر وشفته حبيته هوه يكبرني 3سنين هو عادي ملامحه عاديه بس اني حبيته شفته اجمل مخلوق دام حبنه 4سنوات بس شوفني الويل يخوني وادري بي واطلعله اعذار ابجي يوميه من ورا هوه اهله اصحاب بساتين بلتاجي يشتغلون بيهن ابوه اسان جبير بلعمر ولد عمامه الكبار همه الي لازمن البساتين اجه خطبني ولبسني حلقه اني جان ماعندي تلفون اذا اريد احجي وياه من تلفون عمتي بلخفيه ميقبلون اهلي سامعين عمامه ابويه مييقبل اطلع اشتغل وياهم بحكم اني معوقه وتعب موزين الي رافضين يرتبط بيه هوه فتره تغير صار يصيح من احجي وياه اخير شي كلي بعد ماريدج اني انهاريت كمت امشي واكع امي لحت على خوالي كالتلهم راح تموت خلي يجون كدام الناس واحنه نرفض بحكم اني مخطوبه اربع سنوات الناس ضلت تلوم بيه اني صرت جلد وعضم لا اكل لاشرب هوه عافني والناس مارحمتني المهم اجتي خالتي امه على اساس ابويه رفضهم حتى يسكت الي يحجون بيوم الي جتي كلتلي علي يريد يحجي وياج من تلفوني حجيت وياه كلي لا تعوفيني اني احبج وكذا حجي هواي بقيت ويا من وره اهلي اخابره فتره بعدين اختفه ماعندي اي رقم غير رقمه واخاف اسأل عليه ضل مختفي حوالي شهرين بعدين المفاجئه سمعت بي متزوج عافني من التقينه بعدهه وردت تفسير تدرون شكال كال عمامي كالولي اذا تزوجتهه مالك شي يمنه والدهه خالتي امه مئيته تدرون منو كال لعمامه اني معوقه ما افيدهم بيبيى ام امي كايلتلهم صكط ماتفيدكم اكوهيج شي اذا امني وبيه هيج لعد الغربه شلون *وبعدين جوني هواي يطلبوني بس من يعرفون بعوقي يرحون ميرجعون وللعلم اني ابد ممئثر على مشيتي 90% طبيعيه والي يشوفني ينطيني اقل من عمري يعني اختي عمرهه 18 اليشوني اني وياها نفس العمر مع العلم اني اكبرهه 12 سنه ناعمه كلش بعد كلشي صار اكطعت اخباره او اني مااحب اسمع عنه شي قبل جنت اكول هاي الي عافني علمودهه يجوز احلى من وعجبته ىتوفه ابو امي ورحت بلفاتحه صدفه جنت كاعده علدرج اجتي وحده كالت ممكن اكعد كتاهه عادي اشوف نسوان خوالي يسلمون عليهه واني ما اعرفهه سألت عليهه كالولي مره علي هاي تعرفون الي مجروح وتوه جرحه بلش يطيب ويجي واحد ويلجمه ويذب عليه ملح اني هيج حالتي لضيت اكول واصيح هاي الي عافني على حسابهه وابجي بعو صوتي بنات خالاتي يسكتن بيه والي زاد الطين بله صبو عشه اجت امه اخذت الاكل من ايدي وكلتلي اريده لجنتي وخالتي الثانيه ابنهه ورشحوني اله رفضت تكول ماريد الوراثه تنتقل النه انب شنو ذنبي ربي خلقني هيج واكو هواي امور ما حجيتهه بعد اكو اشياء اصلن تجرح وكل ذنبي معوقه وهاي مختصر عن حياتي
