مكتوبتلك

الحلقه العاشره

الـحـلـقـة #الـعـاشـرة 1⃣0⃣
.
.
.
#مـكـتـوبـتلـگ❤
.
.منقووول
.
كلمته قعدت نبكي وهو يبكي💔😭
موعرها كلمة #النصيب💔
اني فقدت الامل بعد اليوم بديت معاش نتكلم مع حد ولا نضحك مع حد مافيش شخص دارلي حل كلهم كرهتهم💔
روحنا لحوشنا
ركبت لداري قرايتي سيبتها
حياتي سيبتها كل شي سيبته
معاش رديت ع مروان
بدي بيهبل يكلم في ماما وماما تقوله هي ماتردش علينا كلنا كنت نسمع فيها لما تكلم فيه الي كان مطمني انها اطمن فيه عليا
خشت ماما..بنيتي خلاص عاد معاش اديري في روحك هكي
اني شفتلها..اني مادرتش شي انتم الي درتو😏
وتلفتت قعدت نرسم في كراستي وخلاص
ماما..اااه ربي يهديك يا بنيتي
اني..اجمعين😌
تلفوني قدااااش ليا معاش مسيته مسكرته ومليت من كل حد حتى قمر معاش نكلم فيها ومعاش نهدرز معاها بكل
حتى الي ماليشي ذنب معاد نكلم فيه كلهم زي بعض🖤
~
في يوم كسدت فتحت فوني ولقيت هلبا مسجات منهم كلهم دورته بينهم ولقيته 💌
فتحته قريتهم كلهم
وينك
وعلاش اديري فيا هكي
وكيف تغيبي عليا هكي
معقولة معاش تبي تكلميني
استسسلمتي!!!
اني..هه انتم استسلمتو اما اني مانستسلمش بس فقدت الامل💔بس
كملت الباقي
ولقيت مسج من رقم فيديو فتحته لقيته مروان في الفيديو نحيت نت الشفرة وفتحت النت العادي اقوا وفتحت الفيديو
لقيته يغني في الفيديو
ليش الجفا ويش درتلك من سية😔
بعت الغلا هانت عليك الغية🖤
ليش الجفا غير قولي يامنااايا💔
يلي نهييت صوب الغراام معايا🤕
ياهل ترا زاهي اليوم بلاااياا ☹
والا دمووعك ذارفات سخيية 😭
غير قولي مزال في مطرااحه😔
سريب حبنا والا طلقت سراحه 🤚🏻
والا مع غيري لقييت الراحة 😔
تعرف وين مالاقيتكـ🙋
من نظرتك ناوي الجفاا حسييتك😔💔
ويارييتني ماعشقت ولا حبييتك💔
هادااا كفاك للقلب صاافي النية💗
ويييين قاابل عوونك🖤
ساااعت فراااقك ريتهااا فعيونك👀
صوبه نهييته كاان حايل دوونك💔
طريق السلامة يامبعدها جييااا 🤚🏻
.
.
اني قعدت نبكي نبكي بحرررقة
فتحت ع محادتة انتعنا لقيته يكتب بعتلي
مروان..نحبك وحتكوني ليااا
اني..لو تحبني وحنكون ليك خليك قدها وديرها
مروان..انتِ هكي؟؟ متأكدة من كلامك؟؟
اني..ايه
مروان..تمام يا ناخدك يا الموت اني وياك
اني..شن قصدك
مروان..حتشوفي بعيونك وحياتك فترة بس👌🏻 وحتشوفي مش حنخليك اضيعي☺امي وبوي ضاعو مني بأمر ربي وقضاءه😔 بس انتِ مش حتفرق بيني وبينك كلمة #نصيب💔 نقدرو نخلو #النصيب يجمعنا❤ ونقدرو نخلو كلمة #النصيب تفرقنا🤚يعني كلمة #النصيب مش امر تخلينا نباعدو ع بعض😏 ونتفارقو💔
اني عجبني كلامه وخلا عندي شوية امل بعد مافقدته..خلاص واني معاك
مروان..نبي طلب
اني..اطلب عيوني
مروان..هدرزي مع امك وطيبي خاطرها راهي قريب تهبل عليك
اني..ان شاءالله
مروان..زي ماقتلك ردي بالك عليها هيا وبوك مهما كانو
اني..حاضر
مروان..هي بريلهم
اني..مش توا بس باهي
مروان..تمام
اني..اوك
سكرت منه وقعمزت نفكر شن بيدير!!💔
فات اليوم خشت ماما هدرزت معاها وخليت روحي عادية وزي قبل
بدت اميرة تجي وتهدرز معاي وتغيرلي في جوي
اني..وليتي بطة😂
اميرة..😂😂خزززي ياسر زي خووك
يوسف خش..شنوو سمعت زي خوك
اني..عندي 3غيرك شن مافيش الا انت؟
يوسف..اكيد
اني..هههههههه
يوسف..شن الحمامة زاهية اليوم
تلاشت ابتسامتي وتلفتت للروشن
اميرة فنصت فيه
يوسف..بلا نكد عاد خليها ع الله
اني تنهدت وابتسمتله واتكيت على رجله..خليتها ع ربي وربي حيجيبلي الاحسن😊
يوسف..ايووواه هدي اختي صح
اميرة..ماتفقديش الامل مرات يصير شي يغير كل شي
اني..وهدا الي نستنى فيه😌
اميرة..ايواه😉
يوسف..تمشي تباتي عندنا ؟
اني..والله خاطري نغير جوي
يوسف..نمشو لي استراحتي؟
اني..ياريت
اميرة..هي نوضي
نضت خديت شنطي حطيت فيها لبسة وحجاتي وطلعت
يوسف..بوي بناخد شمس بنمشو لي استراحتي اليوم باهي؟
بابا..باه حتى تغير جوها
يوسف..اوك
طلعت اني واستأذنت من بابا وحاولت نبتسم قدامه ومشيت مع يوسف
اميرة..افتحلنا حاجة حلوة هكي
يوسف..باهي شن تبو
اني..اي شي
فتح يوسف اغاني واميرة تصفق وجوها حلو وهو فرحان بيها
اني..اااه ربي يفرحني زيهم♥
خدينا عشي من برا ومشينا قعمزنا تعشينا وقعدت اني مقعمزة برا هدرزت مع مروان مسجات وقتله ان اني مع يوسف في الاستراحة🏕
رقد هوا واني قعدت ساهرة اني واميرة ويوسف رقد
اميرة..خليك قوية وردي بالك تستسلمي خلي املك بالله كبير💪🏻
اني..ان شاءلله
فاتو ايام وغيرت جوي هلبااااا تمنيت مانروح لحوشنا روحت وجاني بابا
بابا..عرسك بعد شهر
اني شفتله ومابيتش نتكلم خفت عليه يمرض دموعي نزلو طول طلع بابا وسكر الباب وراه💔
قعمزت نبكي كلمت مروان وقتله هبل في وقتها
هديته اني
اني..نهايتنا قربت🖤
مروان..ماتدويش هكي اني حنجيب عمامي لي بوك مرات يقبل
.
.
.
عند شهد💔
يتصل علاء
علاء..خيرك ماترديييش
شهد..شن تبي شن تبيييي منننني
علاء..نبيك انتِ بس 😊
شهد..خلاص خلاص خليني في حالي ارجوك خلاص والله كابوس درتلي
علاء..شن درتلك قتلك تعاليلي بس 😉
شهد..مش حنجيك
علاء..تمام حينتشر كل شي ع النت وشوفي روحك عاد عيلة وفلوس واملاك وشركات فجأة تنزلو للأرض بشوية صور وفيديو
شهد..😭😭حرااام علييييك حرااام خاف ع خوااتك
علاء..خواتي ماييديروش في اللي اديري فيه
شهد..مادرتش شي اني حبيتك وعشقتك زي كل بنت تنغرم بي اي ولد وماتنساش ان انت الي جريت وراي وماخليت مادرت باش تكلمني وفي النهاية هكي اديررر فيا
علاء..هه وانتِ صدقتي ان اني نحبك 😂 عيلة
شهد..وانت عيل
علاء..هي امتى تجيني
شهد..مانبيكش ومانبيش نجيك واعلا مافي خيلك اركبه
علاء..باااااهي يا شهد
شهد..اخطاني بالله عليييييك اخطاااني
علاء..مش حنخطااااك ونخليك تندمي يا شهد😒تشاو🙄
داليا..والله العظيم لو يعرف مروان يقتلللك ويقتله
شهد قعدت تخبش وتريش في روحها..خلااااص خلااااااص عييييييت😭😭كرهني في حياااتي خلاااص
الاء حضنتها
داليا..من الاول نقولك اني من الاول نقولك مش مرتاحتله ياشهد ماتكلميشي ياشهد ماينفعش فيك سكرتي راسك
الاء..خلاص اسكتي
.
.
.
وجي مروان هو وعمامه قد ما دارو فيه مباش بابا😔
طلعو وطلع مروان ودمعته في عينه قام راسه لقاني من الروشن نبكي نزل راسه وطلع💔
انهرت اني وقعدت نكسر في الدار كلها ماخليت حاجة حتى فوني كسرته كل شي قدامي ونبكي
ماما اطق..يابنتي افتحي وراس بنتي اهدي وافتحي بالله عليك خلاااااص 😭
اني..حنقتل روحي والله نقتل روحي ولا نتزوجه مش حناخد غيره والله نقتله ونقتل روحي
بابا فقع الباب لقاني مقعمزة ونبكي
اني..انت مش اب انت مش اب الي مايحسش ببنته علاش هكككي ادير فياااا علااااش حرااام عليييك مداما اني مش موافقة حرام عليك حتى في الدين جوازي من ولد خوك باااااااااااطل💔ولو تزوجته مش حنخليه يقرب مني حنقتل روحي والله
بابا شافني منهاره ماقدرش يتحمل منظري حضني ولأول مرة من لما صارت المشكلة هدي قعدت نبكي بحرقة نبكي ونار راكبة في قلبي💔
محمد جي وقف ويشبحلي ومش متحمل
محمد..يابوي خلاص افسخ وخليها تاخد الي تبيه حرام عليك الي ادير فيه
بابا..اني مانكسرش كلمتي
ناض بابا ومشي لدراه
اني..😭😭😭محممممد دير شي لوو سمحتتت ناااار راهو ناااار راكبة هننني وانت تعرف شن معناها النار هدي انتتت تعرررف😭😭
محمد..شوفت عينك مش موافق
اني..اااخ عييت وحق ربي عييت😭
نوضني محمد وحطني في داره وفتحلي قرآن وهو خش لي داري هوا وحازم ضموها وفضوها كانت كلها مكسرة فشيت غلي فيها😌
رقدت وارتحت الحق
نوضني محمد المغرب نصلي صليت وقريت قرآن واتكيت كنت تعبااااانة
وحسيت روحي ارتحت بالقرآن
ماما..يا فوزي بالله عليك ريحها هالبنت وافسخ😔تعبتنا معاها
فوزي..مش قادر واجعتني وغلطت صح بس مش قادر خوي حيتباعد ومرات يفسخ من قمر😔
ماما..خوك عمره ماكان هكي وديما يحترم في قراراتك وعادي احكيله وفضفضله قمر ومحمد عكس خليل وشمس قمر ومحمد يبو بعض والفرحة مش سايعتهم بس ناقصة فرحتهم من جيهة خليل و شمس
فوزي..صعب صعب😔
ماما..ربي يهديك
ناضت ومشت للمطبخ
بابا..اااااخ ياربي ساعدني
.
.
عند اميرة ويوسف
اميرة..حبيبي نطلعو؟
يوسف..والله تاعب حبيبي
اميرة..باه نكلم خوي عادي نطلع اني واختي وماما؟
يوسف..باهي ماتعطليش بس
اميرة..تمام😊
مشت اميرة كلمت خوها وجاها وطلعو💛
.
.
هيا..اني في واحد يبني ونحبه وبيخطبني ف ارجوك معاد تتصل بييا
تيم..كيف هكي كيييييف ياخاااااينة
هيا..هه اني من الاول قتلك تعارف ونمشي جو بس وانت نفس الشي انت الي تعلقت وحبيتني😏 يعني ماعندي شن بنديرلك😒
تيم..حتشووفي والله😠
هيا..اعلا مافي خيلك اركبه هه😒
سكرت عليه وفاتاته
تيم..خاينة خااااااينة💔
قعمز تيم ويفكر في كلامي لما تعاركنا من يومها معاش تكلمنا
.
.
.
.
كنت مقعمزة ونلعب اني ومحمد في كارطة
خش تيم علينا
اني..خلاص محمد نكملو بعدين😑
محمد..به
وقفت شفتله وجيت بنطلع شدني من يدي
تيم..محمد اطلع شوية🙂
محمد..مش طالع
اني..خلاص محمد اطلع اضني مش حيدير اكتر من الي داره😒
طلع محمد وقعمزت اني وهو قعمز قدامي
تيم..اني اسف سامحيني ع كل شي😔
اني..وعلاش؟
تيم..فكرت في كلامك وعرفت ان كلامك صح حسيت بيك وبوجعك وبكل شي
اني..حبيت تعلقت معناها في وحدة وسيباتك!🙄
تيم..كيف عرفتي
اني..واضح
تيم..ايه
اني..باه؟
تيم..حسيت كلامك صح والي درته انردلي توا😔
اني..تبي نسامحك؟
تيم..اكيد
اني..الي لعبت عليهم خليهم يسامحوك بعدها نسامحك🙂
نضت وخليته بينه وبين قلبه❤
.
.
فاتو ايام مافيش جديد ومابيتش ندير فون
فجأة في ليلة🌃
اني مقعمزة في الجنان وحاطة رجليا في حوض السباحة ونفكر فيه استاحشته واستاحشت هدرزتنا اني وياه💔
نسمع صوت رصاص في الشارع وحد يطق ع الباب وينادي ع بابا
طلعو كلهم ونضت اني خايفة شن في!!!😓
بابا..خشي داخل خشيي داخل بسررعة
خشيت ونشبح من روشن طلعو بابا وخوتي البرا
ماما..شن في ياساتر استرنا ياربييي😔
اني نشبح من فوق لقيته هوا اي والله هوا وشاد سلاحه ياربي استر ان شاءالله مايدير شي غلط ياااارب قعدت خايفة وفي حاجة مفرحتني ماعرفتش شن هيا💜
بابا..انت تاااني شن تبببي قتلك ماعنديش بنت للزواج اني وله😡
طلعو الجيران والناس كلها تتفرج من رواشنها
محمد..ياخوي بلا عار قدام الناس جبت اماليك وجيت وقلنالك مافيش نصيب خلاص مش اخرة الدنيا هيا ريحنا الله يربحك😠
حط مروان سلاحه ع راسه..انتم مش فاهمين علاش اني نبيهاااا!!! اني نبيها بنتكم نحبها ياناس كلموه ديروله حل والله العظيم لو ماتفسخ توا لما نقتل روحي وتكون انت السبب في موتي وفي تشريد خواتي اني يتيم الاب والام حياتي ماليهاش طعمة كل شي عندي بس مانبيشي نبي بوي وامي بسس بنتكم هي كانت ليا بوي وامي وقفت معاي في كل شي بنتكم نبيها يا اني وهيا يالمووت والله العظيم نقتل روحي
اني نبكي داخل وماما شادتني
اني..نبي نطلع يا ماما😭😭بيقتل رووحه علاااش هكي حرام عليييهم
مروان..من يوم ما قلتولي لا ماغمضتلي عين كل يوم واني نتخيل فيها لي غيري تي حرام عليكم تي قلوبكم منين مصنوووعة تي شن فيها لو وافقتو علياااا تي ياريتكم عاطيينها لراجل يحبها ويصونها عاطيينها لولد تي خسارة فيه كلمة راجل عاطيينها لواحد سكار نكار كل خميس مع وحدة تي كيف تبيني نسكت ونتهنى عليهااا كيييف كان انت متهني اني مش متهني يا هيا يالموووت تي حتى في الدين حراااام عليييكم باطلللل هيا ماتبيش علاش تغصبو فيهااا تي شن الجهللل هداااا والله نقتل روحي توا وماني مسامحكم لانكم فرقتوني عليها💔
اني داخل نبكي وبنهبل نموت لو صارله شي..😭😭😭خليييينيييي نطلللع بيقتل روحه يا ماماااا
ماما..يابنتي هدي روحك يابنتي حتى نعرفو شن صاير
خوتي قعدو يشوفو لبابا وماعرفوش شن يقولوله
اني من داخل نبكي ونعيط 💔
فجأة عم الهدوء واني معاش سمعت شي شفت لماما وقعدنا نبو نعرفو شن في برا😨
بابا حس بتأنيب الضمير خدي فونه واتصل بعمي..الو كيف حالك
عمي..الحمد لله شن اخبارك خير ان شاءالله
بابا..تبي الحق والله ماعارف كيف نقولهالك لكن مافيش نصيب بين خليل وشمس سامحني لكن البنت ماتبيشي واني معاش نقدر نغصبها اكتر من هكي 🖤
عمي لين قعمز..كييييف 😳😵
بابا..الله غالب الدنيا نصيبات ونصيبها مش فيه الولد توا جاني وبيقتل روحه ع خاطرها واني مانقدرش نتحمل ذنبه ويقعد في رقبتي والبنت ماتبيشي وكل يوم وكل ليلة مقعمزة تبكي💔بنتي ذبلت وولت انسانة تانية مش شمس الي نعرفوها سامحني لكن معاش نقدر نخاطر بحياتها اكتر من هكي
عمي..الله غالب نصيب
بابا..تصبح على خير
عمي..وانت من اهله
بابا..غدوا جيب اماليك والي تبيه حاضر وسامحني ياولدي ماكنتش نندري عليكم هكي لدرجة هدي🙂
مروان..سامر صح الي نسمع فيه 😵
سامر..والله اني بروحي مصدوم كنت نستنى في الطريحة الي بتجينا لكن صار العكس😳
محمد..خلاص تفرجتو توا؟؟ هي كل واحد على حوشه
حازم..خليتونا فرجة قدام الناس
تيم..دلاع بنات
محمد..عادي يا مروان تو يرضو غدوا ويتغير جوهم
مروان..مش هامني الي هامني بوك وافق بس
محمد..الحمد لله بس ها بنقولك هدي اختي الوحيدة ورد بالك منها ورد بالك ادير الهبال هدا نحي السلاح وبعده بعيد عليك قريب ودرت روحك
مروان..ان شاءالله
خشو ومروان مشي وهو فرحان وراضي ع الي داره😌
اني نشبحلهم وماسمعت شي مش فاهمة خيرهم نحسابه كل شي قاعد زي ماهوا
بابا جي وقف قدامي وهو متعفلق..صار الي تبيه توا هي ارتاحي
خشو خوتي متعفلقين ويشبحولي في شبحات كره فهمتش خيرهم شن الي صار
خش بعدهم محمد..افرحي توا هي
اني..كيف بنفرح وانتم قالبين وجوهكم عليا
محمد..تو يرضو فوتيهم تبي احتفالية انتِ
ماما..شن صاير
محمد..خلاص بوي كلم عمي وقاله مافيش نصيب وقال لي مروان جيب اماليك باش اتمو فيها
اني..غدواااا
ماما..غدوا غدوااا؟؟؟؟
محمد..خير البر عاجله عرسك في موعده وكل شي غير العريس تغير😂😂
اني..خزيي
محمد..ريت هالملكة الجمال الي يتقاتلو عليها😒
اني..باش تعرف بس اختك
محمد..شكلهم معميين بس 🙄
ماما..تي نوضو ارقدو غدوا ورانا يوم طووويل غدوا من الفجر تنوض تصلي انت وتمشي تجيبلنا خضرة ولحم وحلويات وتجيب الشغالات يديرو معاي ونساوين عمك سمعو توا وكلموني وقتلهم قالو بيجو وخالاتك ونساوين خالك
اني..بسم الله ياربي مسرع ماما هدا حتى كرت خمسة مايسدك اللطف
محمد..اخبار كيف تنتشر سبحان الله
ماما..اسكتو ساكتين حناك متكنطية وقالت عمتك الضغط ركب وتوا هدت رقدت
اني..شن بيرضيها توا
محمد..المهم انتِ راضية😉
اني..الحمد لله حاجة واانزاحت على قلبي😌
ركب محمد داره وكلم قمر
قمر..فرحانتلها هلبا
محمد..واني اكتر
قمر..صح هو خوي بس كله منه لما قلناله ماتبيكش سكر راسه وهدا الي صار توا هي من نصيبه والحمد لله جت توا خير من بعدين
محمد..ايه الحمد لله
جو فضو فيا واتفقو الرجالة مع بابا وعمامي كانو في الاول مش فرحانين ولما بابا فهمهم ان الغلط منه لانه غصبني عليه سكتو وفرحولي وخوالي كانو طايريلي من الفرحة وتم ع خير وبعد ايام درت بياني عائلي بس وعمي تقبل الموضوع وعادي جداً اما خليل ف كان يحارب فيا اني ومروان وديما كل مرة مدايرلنا شي جديد💔
.
.
.
فاتو ايام بديت نوتي لعرسنا اني وقمر ومحمد و حازم احني الاربعة مع بعض😍كانو الناس معارضينا وكانت حنينة خايفة علينا ف قال حازم انه يبي يأجل عرسه مزال في حجات يبي يكملهم في الحوش وهي مزال مش موتية روحها مش عارفة شن كانت ادير😒 المهم بدينا نطلعو ديما احني 3 باش ناخدو شن نبو وفي يوم جي مروان واخته رفعوني باش ندير بروڤا للفيلو👰
كانت ايام حلوة هلبا😍
.
.
.
.
مروان..راضية حبيبتي
اني..وشن مزال بعد هدا كله حبيبي
مروان..نحبك اني
اني..نموت فيه حبك بس خايفة
مروان..علاششش
اني..خايفة من ولد عمي ييديرلك شي
مروان..انتِ ليا مهما يصير
اني..نحبك
مروان..واني نموت فيك
قعدنا نهدرزو للصبح💑
~
~
انت مش مميز بشكلك ، انت مميز بطريقة تفكيرك ، مميز بحاجات معينه ف كلامك ماحد بيقولها غيرك ، مميز بضحكتك وردة فعلك ، الموضوع مش مجرد شكل💘
~
~
نضت الصبح فرحانة مزال اسبوعين ع عرسنا😍
نضت دوشت وصليت دعيت ربي يكمل فرحتي ع خير
ومشيت طلعت اني وماما نتممو ع الحجوزات وكل شي ناقص
.
.
.
اميرة..ايوا عميمة
ماما..ايوا بنتي كيف حالك
اميرة..الحمد لله اهو نتكركب
ماما..خيرك ماجيتيش طلعتي معانا اليوم
اميرة..ماه يا عميمة اختي حتى هي عرسها قريب ف نطلع معاها هي تبتت واني نشري في حجاتي ماتبيش تقعد بروحها
ماما..اهااا ايه ان شاءلله ربي يتمملها ع خير
سكرت منها ماما وكملنا باقي مشاويرنا وروحنا تااااعبين بدو العيلة تتلقط في حوش حناي عرسنا بنديروه غادي هدا امر من حناي القوات المتحدة ولازم يتنفد😂 وانتقلنا لعند حناي🤦🏻😂كل شي عندها احني وحوش قمر
.
.
حناي..تو مش كان قاعدة مع خليل وليد زي الوريدة خيرلك؟
اني..الخيرة فيما اختاره الله😌😊وهو مش نصيبي
حناي..عمل ودلع بنات
اني..💔
خشيت للدار نبكي حسيت نص العيلة معاش معاي زي قبل لاني سيبت خليل باه اني مانبيشي مش بسيف هوا كلمت بابا وخش للدار قعمز جنبي #يتبع
.
.
.
.
.
ان شاءالله تنال اعجابكم يااااااارب واسفة ع التأخير بس الضي مافيش والتغطية تعرفوها💔ربي يهدي البلاد والعباد😭 #حنو