-يا بت انا اجي اصحيك كم مرة قومي ع حيلك وشوفي نونه صحبتك جاتك
-يا امي يااخ خليني انوم انا تعبااانه
-بلا تعبانه معاك قومي قلت ليك عشان ما اكشح فيك المويه دي
-خلااص يا امي اهووو قمتاا😩
(ما عرفتكم بي انا تسنيم بدلعوني بقولوا لي توتة عمري 23 وحيدة امي وابوي طبعا مدلعه وكدا🤤💓 وشغاله ف مستشفي....)
نرجع للقصه.....
-نوووونه ازييك ياااخ مالك اختفيتي كدا
-والله يا توتة انتي عارفه شغلي كل يوم في دوله🤦🏻♀وممرمطه واهو ادوني اجازه اخيرا واول شي فكرت فيهو انو اجيك وبعدين عندي ليك كلام كتيييير
(طبعا دي نسيبه صحبتي شديييد 💓بقول ليها نونه وطبعا هي مضيفة طيران وعمرها23)
-نونه احكي لي سررعه قلت لي امبارح انك جاياني في موضوع اها احكي
-توتة ع فكره انا في بيتكم مفروض تضيفيني ع الاقل قبل م اتكلم
-يا بت انا ما ناقصاك البيت بيتك ولو عاوزه شي امشي جيبيهو براك انا من سريري ما قايمه
-لا بالجد ثقيله خلاص قومي جيبي لي مويه انا عطشااانه😩💔قومي يا ذفته
-اهو يااخ خلاص قمتا ما تنقي لي كتير شوم خلاص
وانا ماشه ع المطبخ لقيت امي😓
-اخيرا قمتي
-والله يا ماما انتي ماخدا عني فكره الكسل دي ساي انا م كسلانه بس تعبانه بس😓 وانتي عارفه دوامي كامل واجازتي ياها الجمعه دي يعني م انوووم؟ ومصحياني تسعه وتقولي لي كسلانه
-امسكي العصير دا ووديهو لي نونه وبطلي كلام كتير
وهكذا شلت العصير ووديتو لي نونه
-هاك العصير
-يا بت انا قلت عاوزه مويه ماا عصير
- عايني هنا اشربي عصيرك دا واحكي لي الموضوع
-طيب طيب الموضوع وما فيهو انو اتعرفت ع واحد وجاي يخطبني
-احلللفي احكي لي كيف اتعرفتي عليهو سررعه
-احححي منوو حبيب قسااي دا يا توووتة
-🌚احكي يا سجم
-طيب طيب كنت في رحله لي قطر وهو كان في الطياره ضمن الركاب وطلب عصير وجبت ليهو واثناء ما بقدمو ليهو حصل مطب هوائي والعصير اتكشح فيهو
-كشحتي العصير ف ود الناس
-اخرصي خليني اكمل اها واعتزرت ليهو وهو عاين لي بنظرة غضب وكورك فيني وقال لي مفرووض تعملي حساابك
خجلني ياااخ قدام الركااب😭ما علينا بعد م نزلنا ف المطار لقيتو وعملت نفسي ما شايفاهو وهو بكورك لي يا انسه لو سمحتي واتلفت عليهو احححي منو انا حبيب قساااي قلت ليهو نعم قال لي انا بعتزر ما كان قصدي احرجك قلت ليهو ماف مشكله حصل خير قال لي معناتها يلا اعزمك ع فنجان قهوة قلت ليهو معليش بس الرحله الجايه بعد نص ساعه وما ينفع اطلع اي مكان قال لي يعني ما حشوفك تاني قلت ليهو الصدف كتتيره قال لي يبقا حشيل نمرت تلفونك وشال نمرت تلفوني ومن يومها ونحن متواصلين مع بعض وطلب يدي وقال عاوز يتقدم يخطبني وجييت كلمتك🤤🤤❤لكن يا توته بالجد الود كسااار يااخ حلووو شديدد احي منوووو انااا😍💓
-يا بت اسكتي خلاص المهم مبروك من اسي وع اساس انك ماشه تشتري حاجه من السوق
-اااي ياااخ نسيييت طيب يلا ارح البسي سررعه عشان تمشي معااي
-انتي م جاده انا تعبانه حكمل نومي
-قومي عشان م اكشحك بالعصير الجبتيهو دا
-نونه م تجيني تاني ياااخ🌚استني يلا لحدي م البس لي عبايه واجيك
ونحن مارقين لقينا امي
-ماشين وين يا بنات
-يا ماما نونه عندها كم حاجه ماشه تشتريهم من السوق وحمشي معاها🙄
-ما تتاخرو وتعالو بدري
وهكذا طلعنا .....
