الاء : دكتور خير ان شاء الله؟
د. عبد الوهاب :*يتوجع* هههه والو والو خبطت رجلي فالباب
يوسف : سلامة راسك
د. عبد الوهاب : الله يسلمك...
*كان يتبسم غير دارو ...غزر فيا وحل عينيه وزير على فمو شغول يحلف فيا *
هاه شد رجليك عندك منا وجاي ...
رحنا لقسم الامراض المستعصية بسكو هذ السمانة كومبلي مانخدموش les urgences .
تفارقنا على الاء ويوسف لي راحو عند المريض محمد...وانا ود. عبد الوهاب دخلنا لعند امينة... ليوم ما جاتش معانا هذيك الصامطة كاميليا
بون داخل الشومبرا :
كانت امينة نايضة و عينيها حمورة بانت كانت تبكي واقيل مارقدتش...
غير دخلنا تقعدت و قاعدة تغزر فيا مشوكيا
د. عبد الوهاب : صباح الخير امينة راكي مليحة ليوم؟
امينة : صباح النور دكتور. راني مليحة حمد لله ..
دنا ليها وفحصلها عينيها...
د. عبد الوهاب : مممم لازم ترقدي بيان وماتعييش روحك بزاف...
حبطت راسها وسكتت..
منال : دكتور لبارح كملت ليزاناليز لي لازم باش نتأكدو مالمرض ؟
د. عبد الوهاب : وي بيان سور قلت لكاميليا تستكلف بيهم ...ليوم تخرج ريزولطا
منال : لابو راهي مفتوحة نروح نجيبهم؟
د. عبد الوهاب: لالا خليني انا نروح...ريحي نتيا افحصيها اذا ماعندهاش التهابات وحدوخرين.
علاه راني حاساتو حايخلينا وحدنا بلعاني!!
منال : اوكي دكتور
راح هو و بقيت انا وامينة وحدنا دنيت ليها وبديت نفحص فرجليها و يديها وعينيها بسكو هاذ المرض يinfecté العين تان...
امينة : منال....معليش نهدر معاك
صغيرة عليا مانيش حابة نحرڨها....
منال: وي اتفضلي ...
امينة : منال ! ماكنتش علابالي بحكايتك كامل... جامي حكاتلي عليك ماما حتى هاذ الخطرة باش عرفت ، و تشوكيت تع الصح مانيش مامنة بلي ماما دير هاذ الجاست بسكو بزااااف حنينة و تحب ولادها....
*قاطعتها*
منال: ودوك راكي عرفتي ....خلينا مانهدروش فهاذ السوجي
part 16 ^^
Start from the beginning
