منال : راني مليحة حمد لله
هانية : حمد لله بون منال دارنا ليوم كامل راحو يباتو فدار خالي بسكو غدوة عرس وليدو و لي هو صاحب فؤاد علابيها هو راح تان ....وانا جات في بالي فكرة شابة قلت كون جي تباتي معايا ....
منال :... ماشكينش تحب ماني...
هانية : خلاولي طونوبيل نجي ونقنعها ماتخافيش.... مديلي رايك نتيا
منال : اوكي ارواحي....
ماعلاباليش علاش بصح مانيش حابة نبات وحدي ليوما... وزيد نسقسيها على هذاك الاحساس... كي قلبي بدا يخبط.... بالاك تعرف وشبيا!
واحد الساعة ونص جات هانية و كنت وجدت بيجامتي و وحوايجي لي نخدم بيهم غدوة... وطيبت لعشا باش ماتصيبليش السبة ماني...
دخلت بدات تڨسر مع ماني تقول عجوزة....
ساربيتلها القهوة...
عجبت ماني بزاف
اپري قالتلها بلي تديني نبات معاها... سكتت ماني وبدات تهبل فيها هانية وتقنع فيها حتى قبلت....
ماتت بالفرحة بدات تبوس فيها و تضحك...
بقيت ماني على خير وهي بقات غير توصي فيا(زعمة)
ركبنا الطونوبيل و ديمارينا....
وصلنا لدارهم دخلنا وراتلي شمبرتها و وراتلي شمبرا تاع د. فؤاد و قاتلي بالاكي تبيعيني...
شمبرتو منظمة وشابة وعندو مكتبة معمرة كتابات تع الطب... مانحلمش بيها انا كامل...
بدلت حوايجي لبست البيجامة و رحت نعاونها فلعشا سقساتني على واش صرالي ليوم و كوم هي تانسيستي بزاف حكيتلها واش صرالي مع امينة ويماها....
تشوكات... وعينيها تعمرو بالدموع
هانية : علابيها كنتي عيانة ليوم وطحتي... هذا ڨع علاجالهم... كون يطيح عبد الوهاب في يدي نقتلو هو وكاميليا... كيفاش يعاملوك هكاك!!
منال : لالا فريتها مع د. عبد الوهاب...
هانية : اه صح كيفاش ؟
منال : مور لعشا نحكيلك
هانية : ههههه التشويييق .....
كملنا وجدنا لعشا تعشينا بلعقل و كانت تحكيلي على ياماتها فالجاميعة....وبلي كانت تحب واحد وخرج واحد خداع....
فالحقيقة قصص الحب انا مانامنش بيهم بسكو خرطي اذا صح بنادم حب وحدوخر توجوغ يخرج لوخر خداع... عندي ما شفت هذ الحالات فلافاك...
كي كملنا تعشينا مسحنا الطابلة وغسلنا لماعن وهي سيقت و روحنا صلينا وتكسلنا ، فرشنا في زوج في الارض...
هانية، : ايا يالالة احكيلي كيفاه فريتيها مع حبيبنا عبد الوهاب ؟
منال : هو داني لواحد البلاصة بعيدة على طرف البحر و خلصلي فطور
هانية : هممممممممم.....
منال: .....وطلب السماح هذا مكان
هانية : هذا ماكااان هذا ڨع هذا مكان ؟؟؟.
منال : ايه مافيها والو وواش حاباتو يزيد يدير...
هانية : والو ههههه علاه وليتي حمرة راني نڨسر برك
منال : ماوليتش حمرة...برك السخانة....
هانية : هههههههههه ايا دك تقوليلي وش صرا ولا انا غدوة نروح نسقسيه واش دارلك باش وجهك ولا يحمار هكا....
منال : مادارلي والو
هانية : اوكي مالا غدوة نشوفوها
منال : عنقني هذا مكان .....ما صرا والو
هانية تقعدت تجري : عنقك؟؟؟؟ سيريو هذي ماصرا والو!!
منال :.....
هانية : ونتي واش درتي كي عنقك؟
هذ الطفلة تخدم مع المخابرات جبدتلي لساني... بصح لحق انا لي راني حابة نحكيلها... بالاك تقدر تفهمني علاش راني نتفرفش هكا.... ونولي حمرة...
منال : مادرت والو بسكو قلبي كان يخبط ... فشلت...
هانية : ههههههههههه مسكين فؤاد يحبك بصح نتي تحبي د. عبد الوهاب و لي تبانلي هو تان يحبك
منال : ن... نحبو ؟؟؟؟
هانية : ايه تحبيه يابنتي راكي تهدري مع مختصة فالحب... كوني مهنية من كلامي... تحبيه و هو تان يحبك....
منال : مكاش منها انا مانأمنش بيه اصلا (الحب)
هانية : ايييه كامل كنا نقولو هكاك مي كي يلحق الوقت تولي تحبي بلا مزيتك... غير استغلي الفرصة مدام هو تان راه متعلق بيك و اتقربي منو باش تطور علاقتكم
منال : واقيلا هبلتي! انا مع د. عبد الوهاب! impossible مانقدرش نتخايلها كامل
هانية : ايييه الحب يدخل للقلب بلا استأذان... ياودي غير هني روحك تحبيه.... وهو تان يحبك و تعرفي مالهدرة تاعو اذا قالك مانقدرش نعيش بلا بيك و لا قالك نحب حاجة فيك زعمة الضحكة ولا كاش طبيعة فيك... وزيد تصيبيه ساعات يزعف منك على اتفه الاسباب وبالمقابل حنيين بزاف معاك.... هدو كامل اشارااات
هو دارهملي كامل... زعمة صح يحبني.... =/ سورتو ليوم مرڨها....
واش راني نهدر افففف... اه يالبنات نتوما وعقلكم تعرفو غير الدراما و الخرطي....
منال : راسي راه وجعني مهذا السوجي ماعليش نبدلوه
.هانية : هيه بيان سور... بصح خمي فواش قتلك برك... وفؤاد نبدا ندبرلو وحدة بسكو خويا مسكين راه زيادة فالحكاية....
تفرجنا فيلم تع حب ...تقول خيراتو سكارة....
رقدنا ليل كامل وانا نوم روحي مع د. عبد الوهاب داخل هذاك الفيلم....
طلع النهار نضت على صوت الرافاي لقيتها :00 : 6
نوضت هانية ستقهوينا بلعقل صلينا و خرجنا مالدار....
يتبع....
Slm ^^ dsl 3la akhtaa psq ktabto bzarb... Nchlh ya3jabkum 😍
part 15 ^^
Start from the beginning
