يحبني انا لمخيرة!!!
د. عبد الوهاب : منال الله يسطرك مانيش حاب نفصلك قتلك اطلبي منها السماح و خلاص ياك كلمة ماكبش حاتموتي
منال : محال
حكمني من كتفي و دخلني للشومبرا
د. عبد الوهاب : اطلبي السمااح!!
منال : محال
كانو كامل يغزرو فينا مشوكيين
ط. كامليا : عبد الوهاب! اطلقها هبلت!!
د. عبد الوهاب : هي هبلتني..... منال اطلبي السماح
منال : قتلك محال غير افصلني
علابالي بلي حياتي تدمر بصح خلاص مايهمنيش مهم مانطلبش السماح منها...بسكو كون مطلب السماح منها مانقدرش نزيد نعيش دقيقة...
د. عبد الوهاب : منال !!! راكي ممنوعة على الدخول للمستشفى حتى تنفذي الطلب تاعي * أطلقني *
منال : ههههه ماقدرتش تحاوزني....
كانو كامل مشوكيين
غزرت فلمرا هذيك دنيت ليها
و قتلها : نكرهك... نكرهك..!! . دمرتيلي حياتي و دوك زدتي خسرتيلي الحاجة الوحيدة لي جوزت حياتي كاملة نبني فيها ...كلما نشوف وجه خالتي حميدة نزيد نكرهك كثر.... نتي ماشي ام نتي اسوء مرا فالعالم ...اه هذي بنتك امينة عندها مرض مزمن ألتاي بيها و بعدي على حياتي خير لك....
كانت مشوكيا كي كنت نهدر معاها بدات دمع في عينيها مي تبكمت ماقالت والو...
جيت خارجة مالتما شفت د. عبد الوهاب و ط. كاميليا مشوكيين... مام بنت هذيك المرا ولات صفرة ماشوك...
وقفت قدام د. عبد الوهاب و نحيت الطابلية وخبطتها عليه وخرجت ديراكت....
وصلت لبرا بديت نشوف فلو... وحسيت رجليا و يديا بردو... بديت نسيي نمسح عينيا باش نفطن...شفت خيال مالبعيد جاي ليا و وواحد يعيطلي منال!!
مي قبل ما يوصل ليا طحت....
....كي بديت نفطن قبل مانفتح عينيا بديت نسمع هراج عند راسي...فتحت عينيا بلعقل لقيت د. فؤاد و هانية يهدرو... عند راسي... و د. عبد الوهاب كان ماللور متكي على الحيط و غايس يخمم...و الاء ويوسف واقفين قدامو...
تقعدت غزرو فيا كامل و جاو ليا
هانية : منال ! راكي مليحة؟
منال : راني مليحة...
حسيت يدي توجع شفتها لقيتهم دايريلي السيروم...
منال : واش صرالي ؟
د.فؤاد : كي كنتي خارجة طحتي حمد لله كانت تما هانية شافتك كي طحتي
اه هذاك لخيال لي شفتو كانت هي ... مزية...
منال : صحيتي هانية...
د. فؤاد : المهم مازال ماعرفناش وشنوها السبة لي خلاتك طيحي هكاك... ديجا ليوما كي تلاقينا كنتي تباني مريضة...
منال : مكاين والو تقلقت شوية برك ...
د. فؤاد : ماعليش ريحي ليوم و غدوة نديرلك فحص شامل باش نكونو متأكديين بلي راكي مليحة ان شاء الله
منال : ان شاء الله نقدر نروح لدار ؟
د. فؤاد : وي بيان سور مي نوصلوك انا وهانية
د عبد الوهاب ء: لالا فؤاد انا نوصلها...
هذا وش خصني والله راني عيانة مانيش قادرة نزيد نهدر معاه
فؤاد غزر فيه اپري تنهد وقالي :شوفي لي يساعدك... هدرو معايا الاء و يوسف تان و قالولي حمد لله على سلامتك...
ريحو معايا شوية ابري بداو يروحو بالواحد شفت الساعة كانت الزوج اووو شحال رقدت...
بديت نوض بلعقل... لبست باسكاتي... سڨمت حوايجي... رفدت ساكي... وجيت خارجة لقيت د. عبد الوهاب واقف عند الباب...
غير شافني قالي : ايا نوصلك
نعرفو راسو يابس على هذاك مانهدرش معاه خليه يدير وش يحب مهم يسكت عليا
تبعتو ركبت معاه فالطونوبيل....ديمارينا....
يتبع....
💋💋💋💋💋💋💋💋💋💋💋💋💋
Slm^^ ad3oli ntala3 semestre rani m3a ratrappage ki nkml nchlh nwali nhotlkum kolyum nchlh dok rani nktb ki 3andi wa9t vide mi dok nkml njawz had 15 jrs ad3oli 😍😘😘
Nchlh ya3jbkum El part
Matansawch vote and cmnt ...
Wach raykum f abd al wahab chkun li thabo kter howa wala fouad ??
part 14 ^^
ابدأ من البداية
