د. فؤاد : ان شاء الله يكون كيما قلتي.... أيا مالا روحي مالا ولي لخدمتك و كاشما شفتي روحك ماشي مليحة عيطيلي نوصلك لدار...
منال : اوكي مرسي....
رحت نمشي بلعقل لقسم الامراض المستعصية لقيت د. عبد الوهاب متكي على الحيط كان وحدو... غير شافني جا ليا ...
د. عبد الوهاب : ماعرفتش ؟ .... ماعلاباليش واش راه صاريلك ليوم بصح هبلتي باش تعاملي هكاك المرضى و تزيدي تقولي ماعرفتش!! وتخرجي بلا إذن!... كون كان معانا مسؤول لوكان راه حاوزك sur place ...
منال : ماعرفتش... ماعرفتش واش حابني نمدلها مرض من راسي ؟
د. عبد الوهاب :*بالعياط* تسكتي !!! منا وجاي مانسحقش ترديلي الهدرة انا نهدر ونتي تسمعي و تنفذي و التقليل من احترامي كأستاذ تاعك ...معناه راكي مفصولة و هذا آخر انذار.... مالفة ترديلي نضحك ونسكت بصح ليوم 2 خطرات تعامليني معاملة عيانة قدام المرضى وزملاءي وتخرجي بدون إذن... واقيل نتي المسؤولة و نسييت... !!
هذا وين بيّن الذيب نيابو...روح حتى أنا ماني حانزيد حتى كلمة
بقيت ساكتة ونغزر فيه
قالي : تبعيني...
رحت معاه لشومبرا تع أمنية كانت يماها تان تما
د. عبد الوهاب : madame سعيداني منال حابة تقوللكم حاجة
...ماني حابة نقول والو... ماتقولوليش راه يسنا مني نطلب السماح منها... ! هههه محاااااااال انا نطلب السماح مالمرا لي دمرتلي حياتي نونو هذي والله مانديرها ونعرفو يحاوزني...
منال : رايي هو بلي ...بنتك امينة عندها متلازمة بهجت و لازم نزيدو نديرولها شوية تحاليل باش نكونو متأكدين من الحالة تعها ويبقى غير نعطوها الدواء ونعطوك كل المعلومات المتعلقة بهذا المرض...
تشوكا د. عبد الوهاب و ط. كاميليا بسكو كانو يسناوني نطلب السماح...
د. عبد الوهاب : منال! ايا نهدر معاك برا دقيقة
خرجنا وبقات كاميليا لداخل...
د. عبد الوهااب: كنت نقصد تطلبي السماح وعلابالي بلي فهمتيني... بصح علاه راسك يابس؟
منال : دكتور أنا ماغلطتش معاها ...بيني وبينها نمدلها الريزولطا تع بنتها وخلاص...
د. عبد الوهاب : بصح صباح كانت المعاملة تاعك معاها عيانة مام شبهاتك ماكانش لازم تعامليها هكاك فهميها بلي غلطت ياك سقساتك ما كلاتكش اون بلوس ماشي زعافك مالدار جيبيه لهنا...
كي عرف حكايتي ولا يعايرني بيها ولا كيفاه...
منال : معليش بصح هي ماشي مريضة تاعي اذغ طلبت السماح نطلبو مالمريضة و لي ماغلطت معاها حاب يقول ماكلاه نطلب السماح....
دور راسو وبدا يدخل في صبعتيه فشعرو بالتقلاق ....
د. عبد الوهاب : لا حول ولا قوة الا بالله مافهمتش وشبيك نحب تكوني نتي لمخيرة هنا مي نتي دايمن ترديني للور... بهاذ التصرفات
part 14 ^^
Start from the beginning
