منقووووووولة .... ❤❤
متابعه طيبه
لكاتب قيس الفيتوري
عند محمود
يرن علي سند مايردش
تي رد هيا ياوجه الفقر
رد
محمود....ايوه معايا سند الهادي
سند...تفضل ان شاءالله من انت
محمود....انا محمود ونبي نتلاقي معاك في اقرب وقت
سند.....من محمود وشن تبي فيا
محمود...بعد نتلاقو حتعرفني بس قولي امتا ووين
سند....خلاص بكره العشيه نتلاقو في كفي
محمود....تمام موعدنا بكره
سند.....تم
.
.
ومر اليوم وجا موعد محمود مع سند
في الكفي
محمود....ايوا انا الي لابس قميص أبيض نشيرلك
سند...تمام شفتك
محمود...اهلا اهلا
سند...مرحبتين
محمود...تفضل تريح
سند....مشكور
محمود....شن تشرب
سند....صحيت بس ياريت تعرف بنفسك
وتحكيلي موضوعك فيسع لان مش فاضي
محمود....تمام
سند....تفضل
محمود.....تسمع بواحد أسمه قيس او تعرفه تقريبا
سند....قيس قيس قيس
محمود....تعرفه تعرفه هو الي جاه في بالك توا
سند.....عرفته كنا شن موضوعه
محمود.....اول شي احكي بي أسلوب كويس
وثاني شي أنا جيتك بطيب وكلمتك نبو نحكو
مش نتعاركو
سند....تمام تفضل بس حتي لو بتتعارك ماعنديش
مشكله معاك
محمود......تمام أنت عارف ان الايام الي فاتن
جو هل سند وطلبو بنت عمك
ومش اول مره يطلبوها ونط باتك وقال ان البنت
يبيها ولد عمها
سند....باهي
محمود....توا البنت تحب قيس وقيس يحبها
ومايلعبش يبيها حلاله
سند...ههههه
محمود....تقريبا ماقلتش نكته انا
سند....البنت انا مانحبش ولا نبيها ولا نبيها حلالي
ولا بنتزوجها ولا عندي فيها نيه
ومانطيقش الارض الي تمشي عليها
محمود....واجهه باتك بالكلام هذا
سند.....دقيقه نرد ع التلفون
سند....نعم
جوري....انا في الشاليه توا
سند....من معاك
جوري....بروحي
سند....تمام خليك تلا الشلي شويه وجايك
جوري...باي
سند...باي
سند.....لالالالا تعرف ليش أنا وافقت ع الموضوع
أول عشان نكسر خشم قيس صاحبك
وثانيا عشان نكسر خشمها هيا
وثالثا بعد فتره حنطلقها وخلي قيس صاحبك
ياخد فضلتي وقوله الضربه مش حننساها لك
محمود....امممممم يعني نفهم منك ان تهديد
سند....افهم كيف ماتبيه
محمود....صدق الي قال عليك وجه بنت
سند....احترم نفسك خير ماتندم
ومد يده بيضرب محمود كف
محمود مسك يده قبل ماتوصل فيه
ولوه له لاوره وطلعه بره الكفي
وركب فيه هذي تنفع وهذي تضر
ورمله وجه وعيونه
لعند حزوها الناس وكل حد عده في حاله
سند....والله نعذبك في عيشتك انت وياه
محمود....عدي دير الي تبيه
.
.
.
عند أنا
انا.....انت شنو درت ومشيتلا تحكي معاه عليش
محمود....تي قلت بالك يفهم بلحكي
انا.....للقنك غبي تي هذا مايفهمش الا بالضرب
محمود......والله قلت نجرب
انا....ياريتك قتلي
محمود....تي عليش واجعك انت دويت معاه وحصل طريحه
انا......اكيد عاد غيرتله ملامح وجه
محمود....عارفني انت عاد يدي دبه
انا....ههههه
محمود....بس أنت شوف الفيديو هذا
انا.....قصدك سجلته
محمود....تي حوده الي معاك يامعلم
انا....والله صحه لك
محمود.....بس قصة الشاليه هذي غريبه
انا......لازم من نعرفو من في الشاليه
محمود.....بس كيف
انا....نراقبوه نعرفو مكان الشاليه وين
اي شي ع مهم نعرفو قصته
محمود......تعرف العيل هذا حاس بيه
مش مزبوط بكل وراه قصص وقضايا
انا.....كان انت حاس أنا متأكد
محمود.....معناها نبدو فيه مشروعنا هذا
انا....عادي مافش باس
.
.
.
انا.....حبيبة الحب
اسراء....اهلين قيسوووو
انا....شن الجو
اسراء....تمام وأنت
انا....حتي أنا تمام ياقلبي
اسراء....نجك لي ياعيوني
انا.....فيش ديري
اسراء ....شي
انا....امممممم باه
اسراء....تعرف مرايفتلك بنشوفك
انا......وحتي انا ياقلبي
اسراء.....بكره عندي محاضره من 10 حنجي
بدري للجامعه تقدر تجي
انا.....اكيييد انجي باعيوني
اسراء.....خلاص نرجاك وبينا تلفون
انا....امباه تموم
.
.
.
عند علي وعبد الهادي
عبدالهادي....ريت ياعلي الخطبه حتم رسمي
والفرح قريب مش بعيد
علي....بس وسع بالك ياحاج البنت مزالت تقرأ
وكيف بديره قريب ونحنا مش واتيين
عبدالهادي....تكمل قرايتها وهي عنده وبعدين
واتيين ما واتيين هذا كلام صبايا
علي....وهو رايك انت ولا العيل يبي هك
عبدالهادي....لا هو يبي هك
علي....باهي فيها خيره ان شاءالله
.
.
.
وجا تاني يوم موعدنا أنا واسراء
نظت الصبح
فرحان مبسوط رغم اني مزلت مشعارف
شنو النهايه حتكون
هل يجمعنا القدر او يفرقنا
هل حتكون حلالي او حتكون حلال لغيري
هل حنشتمعو في حوش واحد او لا
هل حنحلم ونحقق انا
ولا حنحلم والي يحقق غيري
بس برضو عيش كل يوم بيومه وافرح مدام
في شي يفرحك وخلي كل شي
ع ربي
لبست وشيكت روحي ع الاخير
لبست بنطلون بيج ع قميص أبيض
وكندره قهويه وجاكيت كلاسيكي أزرق
لبست الساعه القهويه الي جابتها ليا أسراء
حطيت نظارتي وبخيت عطري وطلعت
مشيت شور الكليه
درتلها رنه قالتلي قاعده تلا الكفتيريا
مشيت للكافتيريا
شفتها وشفت وجه البنت سند
جاي وينابش فيها
انظر شن يدوي
مشيت شوره طول وبوكس ع وجه
بوكس علي وجه
قعد يتعصر وطبس لوطا
ويده الاخره
طلع بيها مسدس
انا....هههههههه بتضرب بيه هذا
قده انت هذا الي ماسكه
سند....اثبت خير ماطلقه في نص راسك
انا....هذا مش لك يابابا بطل لعب
ماتلعبش مع اسيادك
سند....صكر فمك في نص راسك راهو
انا....اطلق هيا ديرها هيا خليك قدها
ماتعلمش يدك الذل ووويطلق طلقه اطب في....#يتبع
❤❤
#Nora
